1 Ịjọọnụ 3:2 - IWE ỌNỊNỊ

² Ẹwụ nịnị ẹyịnyara amị oni mi sì, booro aanị ya sị vị ezi Ohomorihi; ama yẹẹ̀ yị yẹ ị mẹ vaa yà. Yáa yẹ ka ịhị Ikirisiti ọ̀ọ vavẹ, ị vaa yà anka ọnị mẹ rẹ yà, agụvị ka i vee re gedebee anka ọ mẹ yà.

1 Ịjọọnụ 3:2 ပူးပေါင်းရင်းမြစ်များ

Ijoovu 19:26

Ọ̀ọ da ka vị ka ụkụ oo du mi ọchẹngụ ha, ẹmịrị ọchẹngụ ọnọnị yi vee re Ohomorihi.

Ahẹ Ụgama 16:11

Ụ vaa sịị zụ̀ mị oze ana vọrọ ka ma zị dị ma yàra Màa yà ịda awụ, ọnọọ vaa mẹ ka maa jẹ ịrajẹ dị ịnẹ amị òo hine pooro kẹnẹ nị.

Ahẹ Ụgama 17:15

Ama emi vee re wu agụvị ka wâ yẹ ka mẹ yị mẹ̀ ebira odivi Màa sị há ini uhwoto awụ, ọnọọ vaa há mị ịnẹ.

Ahẹ Ụgama 31:19

Wâ dà mẹ ka ò zee yi aza ana sị ụbanyị yị wụ kẹnẹ Aza ene èe zwe va tẹ ịda awụ, avọọ ụ mẹẹ̄ mẹ ka ò zee yi wa ini eyi avaba aza nị.

Ayịsaya 56:5

A vaa tamayị ịrẹha awụ ini Irehi amị ọnịrị ịnị akakana aza amịị gọdọ huni wàa ma ezi ọnọrụ ọnịrị anẹẹ, ọza e yi vee hí ayị awụ”.

Ịmarakayị 3:2

Ẹnẹ vaa zụ jẹẹ ịhị ọ̀ọ vẹ? Ẹnẹ vaa zụ jẹẹ ịhị ọ̀ọ sị ẹngụ zụ? Ọ́ vaa sị mẹẹ anka ọza ana sị ịra rị igooru ka ozoza avọọ nị. Ọ́ rẹ va sị mẹ anka ọza ana sị ụkwọ ana rẹ nyịna ịsa agụvị ọ nị avọọ nị.

Imatiwu 5:8

Aza ana ayị ẹnịnị nị vaa daa jẹ, agụvị ka e vee re Ohomorihi.

Iruuku 17:30

Avọọ ọ mẹ̀ rẹ vaa yà gẹdẹ-gẹdẹ, ịhị ẹmị Ozi ọza onigirima ọ̀ọ sị ẹngụ zụ̀ nị.

Iruuku 20:36

Vị ẹ rẹ vaa sị mẹẹ anka anggẹẹrị nịnị avọọ nị, e yi kuku vee sú. Ezi Ohomorihi ẹ rẹ vị nị, agụvị ka ẹ sị ha hụụnị isu.

Ịjọọnụ 1:12

Ama ọza tụra ọza ana àa dọ ọ, dị ẹ sị ayị tụra a nị, ẹnị ọọ̄ sị ọdaa yị ka ẹ̀ vara ezi Ohomorihi nị.

Ịjọọnụ 11:52

Ẹ yị rẹ vị ịrẹyị ẹnịnya kẹnẹ, ama ka ọ rẹ vaa kụ́ avaba aza Ohomorihi ana gara hi avaba aha gụ tụ́ aha ọnya.

Ịjọọnụ 17:24

“Ọga, mị yaanị sì ka ẹnị ọnị ụ raà sị mị, ẹ̀ yà ịzị màa yà, dị ẹnịnị è zuu re igirima amị, ọnị ụ sị yị mị, agụvị ka wê sì ịrẹyị amị hụrẹ ụmọrụmọ, dị a va yẹ ka aa mẹ ẹhẹ.

Aniroomi 8:16

Ụhwẹ Ohomorihi ộ dọ ayị ayị ivenu ka ezi Ohomorihi ị vị nị.

Aniroomi 8:18

Mâ yẹ kaakara ka ụya ọnị yaa rị booro aanị, ẹ yị nyị ịzị o vee tù ụbanyị oni Ohomorihi sị tịtẹ yị.

Aniroomi 8:19

Avaba ịsa oni Ohomorihi tụ́, ee zí eyi ka ịhị Ohomorihi ana sị ụbanyị ezi anịị zụ̀.

Aniroomi 8:29

Aza oni Ohomorihi sị yẹ tịtẹ, dị ọ rẹ vịdị sị wa nyị tịtẹ ka ẹ̀ yà anka Ozi anị. Ozi anị ọnọọ ọ vaa vị ozi ịpaapa anị ịnị ẹnị ọrụrụ-ọrụrụ ana vọ ana vị ọyịnyara anị nị.

1 Anịkọrịntị 13:12

Ịsa oni yee re booro aanị, vị ana sị mẹẹ ọza òo rere aa zị oze ini ore re ẹtẹ wura-wura avọọ. Ama ẹkụhị ọnya, i vee re wa eyi gẹrị eyi. Booro aanị, ẹ yị nyị ịsị mị zẹẹ yẹ; ama ịhị ọnọọ, mị vaa yẹ wa ẹtẹẹtẹrẹ, anka Óhomorihi ọnị mẹ̀ yẹ mị saka-saka.

1 Anịkọrịntị 15:49

Booro aanị, vị ị véné ọza ana sị eteesu mẹ nị. Ẹkụhị ọnya i re vee véné ọza ana hụrẹ ẹbẹẹba vẹ.

1 Anịkọrịntị 2:9

Ama áa vịdị chẹrẹẹ tụ́ ini Iwe Ohomorihi ka, “Ịsa ana ahịka ẹ yị nyị ọza ene re da, dị ọza ọọ̀yị sị ụtọ wụ́ ọọ, dị aza ẹ yị hyakụ sị ayị nọ ịnị anị, ịsa ẹnẹẹ Óhomorihi reè tenyi tịtẹ yị aza ene sì ịrẹyị anị nị.”

2 Anịkọrịntị 3:18

Ẹyị ana a raà hụ ịsa hụụnị eyi anị, yee re igirima Ananyị yị. I mee re e, dị aa vara yị ka yee véné e hu avọọ nị. Ananyị yị ana vị ụhwẹ Ohomorihi aa mẹ̀ ụkọrọ ọnọọ nị.

2 Anịkọrịntị 4:17

Ụya kiiki ọnị yaa rị ụmẹ chee aanị, vaa sị igirima vaa yị. Igirima ọnọọ vị ana vaa yà pooro zịna-zịna.

Anigaratiya 3:26

Avaba awụ nịnị vị ezi Ohomorihi, agụvị ka wáa sị ayị tụra Ijeesu nịnị.

Anigaratiya 4:6

Dị à zụ yẹ ka ezi Ohomorihi ụ vị nịnị nị, Ohomorihi ộ sị Ụhwẹ Ọnịnị Ozi anị tụ́ ịnị ayị awụ nịnị, di ee nowu ka: Ada amị!

Anihwiripi 3:21

Ọ vaa sị ụkata anị ọnị ọ sị nyị ehuna avaba ịsa, dị ọ sị vara ọchẹngụ ayị ịnị ẹhẹ ọnọnị, dị ọ kụkụ mẹẹ ka ò véné ọchẹngụ anị ana nyị igirima.

Anikorasi 3:4

Ikirisiti ọ vị ẹhẹ ayị nị; ịhị ọ̀ọ sị ẹngụ zụ̀, ẹyịrị ọ ọ vaa sị ẹngụụ zụ̀ ini igirima anị nị.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

2Ipita 1:4

Ini oze ẹnẹẹ ọ raà sị ẹyịza ọbanyị ẹnẹẹ yị ọnị ọ vịdị zẹẹ yị ịzẹzẹ anị. Ịsa obooro ẹ vị yị nị. Ộ vavọọ mẹẹ, agụvị dị ya nyẹngụ há hụụnị ịsa edivi ẹhẹ ọnọnị ọnị ọchẹngụ azaā sì, ka ya kụkụ va nyị tụ́ ini ebira Ohomorihi nịnị.

1 Ịjọọnụ 2:28

Ẹwụ nịnị ezi emi, mị ka ẹwụrị Ijeesu ọ̀ rị vabẹ nịnị, agụvị ịhị ọ̀ọ vavẹ, ya nyị ọtụtụrụma, asị ụhị dụ yị varẹma hụụ ịdị anị, ọ̀ọ vẹ.

1 Ịjọọnụ 2:7

Ẹwụ nịnị anda ayị, ọda ọnị maa chẹrẹ tụ́ụ hi wu nịnị ini oze anị aanị, ẹ́ yị vị ọwọọwa ọ vị. Ọda ịyẹẹyẹ ana a vịdị aa yịị kà a wụ nịnị hụrị ụmọrụmọ yọ nị. Ọda ịyẹẹyẹ ọnọọ ọ vị ịrẹyị ọnị ụ vịdị sị wụ́ nịnị nị.

1 Ịjọọnụ 3:1

A! Wee re! Ohomorihi ộ da sì ịrẹyị ayị kẹnẹ ne tù ka aa hị́ yị ezi Anị. Ịzẹyịza ezi Ohomorihi ị vị nị. Anẹhẹ ẹ́ yị yẹ ka ezi Ohomorihi ị vị nị, agụvị ka ẹnịnị ẹ́ yị yẹ Ohomorihi Ada ayị.

1 Ịjọọnụ 3:10

Ịsị ẹẹ̄ sị ọza ana vị ozi Ohomorihi ọnịrị ọza ana vị ozi Echuu zụ̀ yị: Ọza ẹnẹ ẹ̀ yị mẹ ịzẹyịza ọnịrị ọza ene è yi sì ịrẹyị ọnọhụva anị ẹ́ yị vị ozi Ohomorihi.

1 Ịjọọnụ 3:21

Ẹwụ nịnị anda ayị, ayị ayị ọ̀ọ yị jị ịvị yị, ịjọnọọ ị vaa nyị ọtụtụrụma ọ́vịdị Ohomorihi.

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.

Ẹtore 2:28

Ọnị rẹ vaa sị ụzọmị ẹnẹnẹ anaā zẹtẹẹ yị wa.

Ẹtore 22:4

Ẹnịnị vee re eyi anị, dị a chẹrẹ ịrẹha anị tụ́ ini ibe ẹnịnị.