1 Ịjọọnụ 2:9 - IWE ỌNỊNỊ

⁹ Ọza ana àa ka ọnị yà ini ẹtohweyi, dị aa yịị kụ́ ayị ọnọhụva anị nị, ịnị ịrahụ ọ yị yà vi ve tu ọyaanị nị.

1 Ịjọọnụ 2:9 ပူးပေါင်းရင်းမြစ်များ

2 Ịsamụwẹrị 13:22

Hụrẹ ịhị ọnọọ Abịsarọmị ọ yị vana kà ịrẹyị kanyị Amịnọnị, ọ̀ọ vị ọyịza ọ̀ọ vị odivi, agụvị ka Abịsarọmị ộ nyị ịhyẹrẹ Amịnọnị agụvị ebira ụhị ọnị ọ mẹ nyị Ịtama ọhụva anị.

Ahẹ Ụgama 82:5

Ẹwụ nịnị ana nyị ụkata, wáa yẹ ka wẹ yị yẹ ịrẹyị nịnị vụrụ-vụrụ? Ụkọrọ odivi kẹnẹ ụ waa mẹẹ zị nịnị, wa sị ẹhẹ và ịrẹsụ chi nịnị.

Ireevi 19:17

Asị ẹ sị ịrẹyị ọhịmị ọza tụ ịnị ịnẹ, ama ọza ọnị ẹnịrị ọ̀ọ nyị ịrẹyị, ẹnịrị wa ẹ̀ kà a, agụvị à sị ẹ na hụvị ọza mẹ̀ ịvị.

Ịjọọnụ 9:41

Dị Ijeesu tụ́ wa ohi, dị ọ ka, “Wàa yaanị vị ogweyi nịnị, wẹ yị yaanị rị ịvị nịnị; ama ụ ka wee re ẹtẹ nịnị, agụvị avọọ ịvị awụ nịnị yị yà wụ nịnị ịrẹsụ.”

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

2Ipita 1:9

Ama ọza ẹnẹ ẹ̀yị mẹ̀ ịsa ẹnẹẹ, vị ẹ sị mẹẹ anka ogweyi ene è yi re ẹtẹ avọọ nị, dị ayị hí ọ ka Ohomorihi ọ sị ịvị anị ịyẹẹyẹ nyịna kwooze.

1 Ịjọọnụ 1:6

Yàa kà a ka ẹyịrị Ohomorihi ọ́ọ rị vabẹ dị yaā yịị zị ụsẹ ịnị ịrahụ nị, ireche i yee che nị, yẹ́ yị mẹ ịzẹyịza.

1 Ịjọọnụ 2:11

Ọza ana àa kụ́ ayị ọnọhụva anị, vị ana yà ịnị ịrahụ, dị ọ raa zị ụsẹ ịnị ịrahụ nị; O yi re ịzị aa nọ agụvị ka ịrahụ ọnọọ o si o gu eyi.

1 Ịjọọnụ 2:4

Ọza ana áa ka ọnị ọ́ọ yẹ ẹ, dị ẹ̀ yị saasa ọda anị nị, onireche ọ vị nị, ọ́ yị nyị ịzẹyịza.

1 Ịjọọnụ 3:10

Ịsị ẹẹ̄ sị ọza ana vị ozi Ohomorihi ọnịrị ọza ana vị ozi Echuu zụ̀ yị: Ọza ẹnẹ ẹ̀ yị mẹ ịzẹyịza ọnịrị ọza ene è yi sì ịrẹyị ọnọhụva anị ẹ́ yị vị ozi Ohomorihi.

1 Ịjọọnụ 4:20

Ọza ọ̀ọ kà a ka oni óo sì ịrẹyị Ohomorihi, dị aa yịị kụ́ ayị ọnọhụva anị nị, onireche ọza ọnọọ vị nị. Ọza è yi sì ịrẹyị ọnọhụva anị ene ee re, ọ mẹmẹ zụ sì ịrẹyị Ohomorihi ene è yi re?