1 Ịjọọnụ 2:3 - IWE ỌNỊNỊ

³ Yàa saasa ịrẹyị Ohomorihi, ọnị ọ vaa sị zụ̀ ka yáa yẹ Ohomorihi nị.

1 Ịjọọnụ 2:3 ပူးပေါင်းရင်းမြစ်များ

Ahẹ Ụgama 119:32

Mẹ yị vaa sị ọda awụụ tụ́ aruvore, agụvị ka mâ yẹ ka ụ vaa mẹ ka maa yẹ ịrẹyịị hu avọọ.

Ahẹ Ụgama 119:6

Màa vavọọ aa sị ụvọọ za avaba ọda ọnị ụ mẹ, ụhị ọ yị vaa nyị mị.

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Iruuku 6:46

“Sị ẹ vẹ dị waa hị́ mị ‘Ananyị yị, Ananyị yị’, ama dị ụ wẹ yị mẹ̀ ịsa ọnị mị kà?

Ịjọọnụ 14:15

“Wàa ka wee sì ịrẹyị amị nịnị, ụ vaa saasa ọda amị nịnị.

Ịjọọnụ 15:10

Wàa sị eyi pe ọda amị nịnị, wẹ yị vaa vàa hụụnị ịrẹyị awụ nịnị oni mi sì. Avọọ émi mè re sị eyi pe ọda Ada amị, dị mẹ̀ yị và hụụnị ịrẹyị amị oni o sì nị.

Ịjọọnụ 15:14

Wàaa mẹ̀ ịsa ọnị mị kà wụ nịnị, ọta amị ụ vị nịnị avọọ nị.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

1 Ịjọọnụ 2:13

Ẹwụ nịnị Ada, maa chẹrẹ iwe ọnọnịị tụ́ụ hi wu nịnị agụvị ka wa sị yẹ ọza ọnọọ ana yà ịzọọ dị a va yẹ ka aa mẹ ẹhẹ. Mị raa chẹrẹ iwee tụ́ụ hi ẹwụ nịnị ezwọọmụha agụvị ka wa sị echu huna nịnị.

1 Ịjọọnụ 3:14

Àa vị ẹyị yọ, yáa yẹ ka ya sị jịnẹ hụụnị isu va ngụ ịnị ọyịyara obooro. Ịsị ẹ sị zụ̀ ọ vị ka yée sì ịrẹyị ọdọwụ nịnị. Ọza ene è yi sì ịrẹyị ọdọwụ, ẹẹ̀ yị há hụrị isu ụvọ.

1 Ịjọọnụ 3:19

Ịsị zụ sị yẹ ka ya vị ọnịzẹyịza ọ vị ọnọọ nị, dị ị rẹ nyị ayọnẹtẹ ọvịdị Ohomorihi.

1 Ịjọọnụ 3:6

Ọza ọnị ọnịrị Ikirisiti ọ̀ọ sị vabẹ, ọ yị mā kụkụ mẹ ịvị. Ọza ana àaā yịị mẹ ịvị, ọ̀ yị hyakụ yẹ ẹ vụrụ-vụrụ.

1 Ịjọọnụ 4:13

Ịsị ẹ zụ sị zụ̀ ka ẹyịrị Ohomorihi vị ọnya ọnịrị ka ẹyịrị Ohomorihi ọ sị vabẹ, ọ vị ka ọ raà sị Ụhwẹ Ọnịnị anịị yị.

1 Ịjọọnụ 4:7

Ẹwụ nịnị anda ayị, à navọ yee sì ịrẹyị ẹngụ nịnị, agụvị ka ịrẹyị ọza ò yi sì vị ana hụụ ịdị Ohomorihi vẹ. Ọza ene èe sì ịrẹyị ọza vị ozi Ohomorihi, ọnị ọ yẹ Ohomorihi nị

1 Ịjọọnụ 5:19

Ẹyị áa yẹ ka ẹyị vị ezi Ohomorihi, avaba anẹhẹ ana vọ vị ana yà ịnị ụvọ Echu.

1 Ịjọọnụ 5:2

Aanị ị mẹmẹ zụ yẹ ka yee sì ịrẹyị ezi Ohomorihi ana vọ nị, yèe sì ịrẹyị Ohomorihi, dị yaa saasa ọda anị nị.

1 Ịjọọnụ 5:3

Yèe sì ịrẹyị Ohomorihi, ị rẹ vaa saasa ọda anị. Ọda Ohomorihi ẹ́ yị katẹngụ,

Ẹtore 12:17

Dị ayị uye odivi ọnọọ aa dà ọva agụvị ọnẹẹ ọnọọ, dị ọ varẹma ka oni ee nee pe ezi ọnẹẹ ọnọọ kụ̀ ịrẹkụ nị, avaba ezi anị anaa saasa ọda Ohomorihi, dị ẹ rẹ sị ụvọ za ịrẹyị ịzẹyịza oni Ijeesu sị zụ wa.

Ẹtore 14:12

Ọsọnị ọ́ọ dọ ka aza Ohomorihi ana sị eyi pe ọda anị, dị ẹ rẹ sị ayị tụra Ijeesu, ẹ̀ẹ sị ẹngụụ dọ ịrẹyị.

Ẹtore 22:14

Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.