1 Ịjọọnụ 2:1 - IWE ỌNỊNỊ

¹ Ẹwụ nịnị ezi emi, maa chẹrẹ ịsa ẹnẹnịị tụ́ụ hi wu nịnị agụvị asị ụ mẹ̀ ịvị nịnị. Ama àa nyị ọza ana mẹ ịvị, áa nyị ọnịpọda ọnya ana yà ịdị Ohomorihi Ada ayị; ọza ọnọọ ọ vị Ijeesu Ikirisiti ana vị ọnịrẹyịzẹyịza nị.

1 Ịjọọnụ 2:1 ပူးပေါင်းရင်းမြစ်များ

Ahẹ Ụgama 4:4

Asị ụ zẹẹ ka ayị ọ̀ kụ́ wụ nịnị pooro dị wa na mẹ̀ ebira odivi. Waa hụtụ rò o dị waa mẹ hẹẹ

Ezikẹẹrị 3:21

Ọ kà, ama ọnị ọ̀ọ ka ọza ọyịza ọnọ ka a sị ọ́ mẹ̀ ebira odivi, dị ọ́ wụ́ chire ọnị nị ọza ọnọọ vaa ha, dị ọnị Ezikẹẹrị ọnị rẹ ha.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Iruuku 10:22

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi ọnịnya ọnịrị aza ene èe zé Ozi eyi ka ọnị ọ̀ sị zụ̀.”

Ịjọọnụ 10:15

anka Áda amị mẹ̀ yẹ mị, dị ẹmị rẹ yẹ Ada amị. Mị vaa sị ụhwẹ amịị tịtẹẹ yị atẹmẹ amị.

Ịjọọnụ 13:33

Ẹwụ nịnị ezi emi, mẹ yị kụkụ vaa yà ịdị awụ nịnịị kù. U vee sì mi nịnị. Maa kà a wụ nịnị anka m mẹ̀ rẹ vịdị kà a yị Aniju nịnị ka, wẹ yị zụ nọ ịzị maa nọ nịnị.

Ịjọọnụ 14:16

Mị vaa dá ịpẹẹ yị Ada amị, dị ọ sị Ohunẹnọzayị ọsa va yị wụ nịnị, dị ọ̀ kụkụ yà ịdị awụ nịnị pooro zịna-zịna.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Ịjọọnụ 21:5

Dị Ijeesu kà a yị wa ka, “Ezi ẹnẹnị, wáá nyị ivovo nịnị?” Dị ẹnịnị ka eyiye nị.

Ịjọọnụ 5:14

Ộ kù chee, dị Ijeesu re ọnọrụ ọnọọ ini irehi Ohomorihi nị. Dị Ijeesu kà a yọ ka, “Wee re, a sị wụ mẹ ụkụ; ama asị ụ rẹ̀ kụkụ mẹ ịvị, ka ẹ̀ yị vị avọọ, ịsa ene divi hu ọsọnị ve tù wu!”

Ịjọọnụ 5:36

 hyakụ nyị ivenu ọsa ini oze amị ene huna ivenu Ịjọọnụ ẹtẹẹtẹrẹ. Ụkọrọ ẹbanyị ana Ada amị sị mị ka ma mẹ, ọnị mị raa mẹ, ệ sị zụ̀ ka Ada amị ọ tụ́ mị vẹ ẹhẹ nị.

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Ịjọọnụ 8:11

Dị ọnẹẹ ọnọọ ka, “Ọga, ẹ yị nyị, ọ!” Dị Ijeesu kà a yọ ka, “Ẹmị ẹ yị rẹ jị ịvị wụ; waa na, asị ụ kụkụ vana mẹ ịvị!”

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Aniroomi 5:10

Ọnịvị Ohomorihi ị vịdị vị nị. Ama agụvị isu oni Ozi anị sú yị yị, Ohomorihi ọ raà sị yị vara ọta anị. Ị mẹ̀ sị vara ọta anị aanị, ẹ yị kụkụ nyị ka àa jị ọọ ịrẹka ka Ozi anị ọnọọ vaa dọ yịị há, agụvị ka ộ yàra.

Aniroomi 6:15

Ị́ mẹ̀ yà ịnị ụvọ ayamva Ohomorihi, dị yẹ̀ yị kụkụ yàa ịnị ụvọ ọda aanị, vị áá vọrọ ka ya kụkụụ̄ mẹ ịvị nị? Asị Ohomorihi zẹẹ ka ọ̀ vavọọ yà!

Aniroomi 8:34

Áá nyị ọza ana kụkụ zụ jị ịvị yị wa? Ẹ yị nyị, agụvị ka Ijeesu Ikirisiti, ô wusu yị wa. Ohomorihi ộ hyakụ rẹ sị ọọ ha kwẹẹtẹ hụụnị isu bẹẹ. Ọ kụkụ yà eyi ụvọrị Ohomorihi booro aanị. Aa dá ịpẹ ịrẹyị ayịị yị Ohomorihi.

1 Anịkọrịntị 15:34

Varẹma waa mẹ ịzẹyịza nịnị, asị ụ rẹ̀ mẹ̀ ebira odivi nịnị! Aza ẹnyị ẹ yị yẹ Ohomorihi vụrụ-vụrụ. M maanị aa kà a, vị ụhị ọ̀ nyị wụ nịnị.

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

Anigaratiya 4:19

Ezi emi oni mi sì ịrẹyị anị, mị raa rị ụya agụvị awụ nịnị booro aanị anka ọnẹẹ ana aa ma ozi avọọ. Avọọ m mẹ vaa rị ụya pooro dị aza ẹ̀ zụ yẹ ka wa raa sị ebira Ikirisiti nịnị nị.

Anẹhwẹsọsị 2:18

Ijeesu ọ mẹ ka ẹyị ẹyịva ọ̀ nyẹngụ vẹ ọvịdị Ada ayị ini oze Ụhwẹ Ọnịnị ọnyọọnya nị.

Anẹhwẹsọsị 4:26

Wa zụ kụ́ ayị, ama asị ụ zẹẹ ka ọyịkụ ọ̀ sị wụ na mẹ ịvị! Asị ụ zẹẹ ka wa kịị kụ́ ayị pooro dị ọyị ọ̀ ta.

1 Itimoti 2:5

Ohomorihi vị ọnya. Ọza ịnya ọ rẹ yà ịnị akakana aza ọnịrị Ohomorihi nị; ọza ọnọọ ọ vị Ijeesu Ikirisiti nị.

1 Itimoti 3:14

Mee ro ka oyi kuku vee kù, di me ve hee wu. Maa yịị chẹrẹ iwe ọnọnịị tụ́ụ hi wu,

Anihiburu 9:24

Ikirisiti ọ́ yị na ngụ aha ọnịnị ana aza mẹ, ana ahịka vị ọnị aa sị ịsa obooro zụ̀ kẹnẹ nị. Ịdị Ohomorihi booro ọ ngụ nị, agụvị avọọ ọ na jẹẹ ọvịdị Ohomorihi agụvị ayị booro aanị nị.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

Ijemiisi 3:9

Ịrarẹ ị sịị̄ ga Ohomorihi Ananyị yị ana vị Ada ayị nị. Ọnị ị rẹ sịị̄ tụ́ ozirenuu hi aza ọnị Ohomorihi mẹ véné ẹngụ anị nị.

1Ipita 2:22

Ẹ́ yị nyị ụmẹ ọnị ọ sị mẹ ịvị, ọza ộ yị rẹ wụ́ ịrẹyị ireche ini irenu ani da.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

1 Ịjọọnụ 3:18

Ẹwụ nịnị ezi emi, asị sị irenu kẹnẹ sì ịrẹyị ẹngụ, à vẹ yaa mẹ̀ ịsa ana sị zụ ka ịzẹyịza yee sì ịrẹyị ẹngụ!

1 Ịjọọnụ 3:5

Wáa yẹ nịnị ka Ijeesu Ikirisiti vị ana vẹ ẹhẹ, agụvị dị ọ̀ va dị yị hụụnị ịvị. Wáa yẹ nịnị ka ọnị ẹ yị nyị ịvị vụrụ-vụrụ.

1 Ịjọọnụ 3:7

Ẹwụ nịnị ezi emi, asị ụ zẹẹ ka à nyị ọza ene vene wu nịnị! Ọza ana àaā mẹ ịzẹyịza, ọnịrẹyịzẹyịza ọ vị nị, anka Ikirisiti ọnị mẹ̀ rẹ vị ọnịrẹyịzẹyịza.

1 Ịjọọnụ 4:4

Ẹwụ nịnị ezi emi, àa vị ẹwụ nịnị yọ, ẹwụ nịnị vị ezi Ohomorihi, wa sị ọnịsẹ onireche ẹnẹẹ huna nịnị, agụvị ka, Ụhwẹ Ọnịnị ana yà ịnị ayị awụ nịnị, o huna ụhwẹ ana yà ịnị ayị anẹhẹ nị.

1 Ịjọọnụ 5:17

Avaba ịsa edivi vị ịvị, ama áa nyị ịvị ẹnẹ ẹ̀ yị vị ịvị isu.

1 Ịjọọnụ 5:21

Ẹwụ nịnị ezi emi, si eyi pe ẹngụ awụ nịnị, asị ụ na hẹkẹ ori nịnị o!

3 Ịjọọnụ 1:4

Ẹ yị nyị ịsị ẹ zụ sị ịnẹ amị hine hu ka ma wụ́ ka ezi emi aa saasa ịrẹyị Ohomorihi.