1 Ịjọọnụ 1:9 - IWE ỌNỊNỊ

⁹ Ama yàa dọ irenu ịvị ayị, Ọ vaa vagu yị ịnị ịvị ayị, dị ọ nyịna yị, dị ị nị hụụnị avaba ịsa odivi. Agụvị ka ọ́ọ nyị ịzẹyịza, a zụ sị ayị tụra a.

1 Ịjọọnụ 1:9 ပူးပေါင်းရင်းမြစ်များ

1 Ohinọyị 8:30

Navọ wa wụ́ ịpẹ eni ezi ahụ ọnịrị Anisirẹrị ana vị aza awụ aa mẹ ẹ̀ẹ và eyi kà ịzẹnị. Navọ we batọ hụrẹ ịzị ụ yà ẹbẹẹba di wa vagu wa.

1 Ohinọyị 8:47

Ẹnịnị e zụ ro ịnẹ ịnị ẹtẹ ana a za wa ọrịhị nọ, dị e hi ịzọọ dị ẹ vara ebira ẹnịnị, dị ẹ da ịpẹ wụ dị ẹ ka ẹnị ẹ si ebira odivi mẹ.

Inehemaya 1:6

Ọ kà ọ̀ navọ ọ̀ wụ́ aduwa anị. Ò re ọnị maa mẹ̀ aduwa ọọdụ ọnịrị ịrahụ agụvị Anisirẹrị ana vị ezi ahụ anị. Inehemaya kà ọnị ọ dọ irenu ka Anisirẹrị nịnị ẹ raà mẹ̀ ebira odivi hi Ohomorihi. Ọ kà ọnịrị ohiku ẹnịnị ệ raà mẹ divi.

Ahẹ Ụgama 19:12

Ọza ọnị ụvọta ọ mā yẹ akụvị ẹngụ anị, Akụvị oni mee weree mẹ, Ẹnẹyịmavara dọ mi tụ́ ịnị anị.

Ahẹ Ụgama 32:5

Di mi ve nyima dị maa kụ́ irenu amị nị ka mâ rị ịvị mẹ yị kụkụ dà ịvị amị ọnyọọnyị tẹ Ẹnẹyịmavara, mị ka maa dọ irenuu wụ ka mâ rị ịvị M mẹ̀ vavọọ dọ irenu, dị ụ vagu mị ịnị ịvị ọnị mị rị nị.

Ọyịkụra 34:7

Ọ kà onii sì ịrẹyị otomiroku aza. Ọ kà ẹ̀ẹ mẹ̀ ebira odivi, dị ẹ daka kwẹẹtẹ tù ọnị nị, ọnịị̄ vagu wa ịnị ịsa odivi ẹnẹ ẹ̀ẹ vavọọ mẹ. Ọ kà ama ọza ọ̀ọ rị ịvị, ẹ yị zụ nyị ka ọnị ọ yị sị ụya rị ọ. Ọ kà ọza ọ̀ọ mẹ ịvị ezi ọza ọnọọ ịrẹma-ịrẹma vị ana aa rị ụya anị.

Ụhịrẹyị 28:13

Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị.

Ayịsaya 45:21

Ẹ kụ ịrẹsụ gẹ, dị ẹ ka ọgụvọ sị ori ọnị ẹ yaa hẹkẹ aa mẹ yị wa. Aanị ka ọnị ẹ yị vịdị ka yị wa hụrị ụmọrụmọ ịsa ana vaa mẹ? Á vị ọnị Ẹnẹyịmavara ọ vị Ohomorihi ọnịrẹyịzẹyịza ana dọ aza anị ha. Ẹ yị nyị Ohomorihi ọsa ịrẹma anị.

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ijeremaya 33:8

Ẹnẹyịmavara kà ọnị vee nyee avaba ịvị ebira odivi ẹnẹ ẹ mẹ hi ọnị kwooze. Ọnị vaa vaa gu ịvị ẹnẹ ẹ rị agụvị ebira odivi ẹnẹ ẹ mẹ dị ẹ rẹ kụ̀ hịrẹ ọnịị yị wa.

Arụwẹ 3:23

Ohomorihi ọ wụra sị ayị tụra. Eyinị-eyinị vị ọnị ọọ̄ vayị ọza.

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ezikẹẹrị 37:23

Ẹnịnị ẹ́ yị ma vana sị ori ọ yị mẹ du ẹngụ ẹnịnị ẹngụ, à vị ka ẹ̀ sị ebira odivi du ẹngụ ẹnịnị ha.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Imatiwu 3:6

Ệ dọ irenu ebira odivi ẹnịnị, dị ọ́ mẹ̀ ọyịhwọzenyi yị wa ịnị Okuha Ịjọdanị nị.

Ịmaakị 1:5

Dị avaba Anijudiya nịnị ẹnịrị Anijerusarẹmị nịnị aa nọ ịzị Ịjọọnụ yà nị. Ẹ màa dọ irenu ịvị ẹnịnị, dị Ịjọọnụ aa mẹ ọyịhwenyii yị wa ini Okuha Ịjọdanị nị.

Iruuku 22:57

Dị Ipita ka ireche yọ nị. Ọ kà, “Ọnẹẹ ọnọnị, mẹ yị hyakụ yẹ ọza ọnị ụ waa kà aanị.”

Ịjọọnụ 17:25

Ọga, wâ nyị ịzẹyịza, anẹhẹ ẹ̀ yị yẹ wụ. Ama ẹmị â yẹ ẹwụ, ẹnẹnị ẹnị ẹ rẹ sị yẹ ka ẹwa tụ́ mị vẹ ẹhẹ nị.

Odeyi 19:18

Aza ọrụrụ-ọrụrụ ana sị dọ wụ́, ệ vẹ, dị ẹ va dọ irenu, dị ẹyaa sịị zụ̀ ịsa ẹnẹ ẹ vịdị mẹ nị.

Aniroomi 3:26

Ama booro aanị, Ohomorihi ộ sị zụ̀ ka ọnị ộ nyị ịzẹyịza, ọnị ọ vị ka ộ nyị ịzẹyịza hi ẹngụ anị. Ọnị ọ rẹẹ̄ jị ịhị yị aza ana àa sị ayị tụra Ijeesu nị.

1 Anịkọrịntị 1:9

A zụ sị ayị tụra Ohomorihi. Ọnị ọ hị́ wụ nịnị ka ẹwụrị Ozi anị Ijeesu Ikirisiti Ananyị yị ọ̀ vabẹ nị.

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

Iwe Ọhụhị Imosiisi ana aa hị́ Ọyịvatụrọda 7:9

Tamayị ka Ẹnẹyịmavara Ohomorihi awụ nịnị ọnị ịnya ọ vị ọnịzẹyịza nị. Ọ vaa sị ụvọ za oto ọnị ọ wo, dị aa sị oyisì anị zụ evere awụ ịrẹmị-ịrẹma oze akahị.

1 Itimoti 1:15

Ịrẹyị ọnọnị vị ịzẹyịza, áa vọrọ ka à sị avaba ayị dọ ọ; ka Ijeesu Ikirisiti vị ana vẹ ẹhẹ ka ọnị ọ̀ va dọ ọnịvị há. Eme divi hu keekere ịnị ọnịvị ẹnẹẹ nị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Anihiburu 10:23

À vẹ ya jẹẹ geri-geri, dị ya sị ụvọ za ịsa ọnị ị ka yáa dọ wụ́! Ohomorihi ana zẹẹ yị ịzẹzẹ, a zụ sị ayị tụra a.

Anihiburu 11:11

Isera ọnị ọ rẹ sị ayị tụra Ohomorihi, agụvị avọọ di o zụ zyẹẹ, dị ọ ma ozi ọnya nị. Ịnị ụmẹ ọnọọ, Isera osi huna ọza ana vọrọ ka ọ̀ kụkụ zụ ma ozi. Ama Isera ộ sị ayị tụra Ohomorihi ana ka ọnị vaa mẹ̀ ịsa ka ọnịzẹyịza ọ vị nị.

Anihiburu 6:10

Ohomorihi ọ ma mẹ irikichi. O yi vee hi ayị ụkọrọ awụ nịnị. O yi re vee hi ayị, u meme sì ịrẹyị aza Ohomorihi, dị ụ waa gụ wa ụvọ nịnị agụvị ịrẹha anị, anka ụ màa yịị mẹ nịnị.

1 Ịjọọnụ 1:7

Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị.

Ẹtore 15:3

Dị ẹyaa jị ahẹ Imosiisi, ozi ahụ Ohomorihi, ọnịrị ahẹ Ozi Atẹmẹ ọnọọ, dị ẹ ka: Ananyị yị, Ohomorihi Ochẹtẹngụ, ụkọrọ awụ ộ banyị, di o re hí ọza irenu nị. Ẹwa vị ohinọyị anẹhẹ nị, oze awụ vị ịzẹyịza, ẹ yị nyị ireche ịnị anị.