1 Ịjọọnụ 1:4 - IWE ỌNỊNỊ

⁴ Yaa chẹrẹ ịsa ẹnẹnịị tụ́ụ hi wu nịnị agụvị dị ịrajẹ avaba ayị ọ̀ zụ gụ.

1 Ịjọọnụ 1:4 ပူးပေါင်းရင်းမြစ်များ

Ayịsaya 61:10

Ayị amị vị ana nyayịnẹ hine ịnị Ẹnẹyịmavara Ohomorihi amị. Ọ raà sị ẹdọha yị mị anka a mẹẹ kụ ẹnya hi ọza ẹngụ avọọ. Awuru ịzẹyịza ene e chire mi vị ana hụ mị enyi Mị sị mẹẹ anka ọnọrụ ene chi awuuru ana nyị ọnẹẹ avọọ nị. Mị sị mẹẹ anka ọnẹẹ ana a za oze ana kụ ọmọ hi ẹngụ avọọ nị.

Ịjọọnụ 15:11

M maanị aa kà ịrẹyị ọnọnịị wụ nịnị, agụvị dị ịrajẹ ọnị mị nyị, ọ̀ zụ và awụ nịnị, ịjọnọọ dị ịrajẹ awụ nịnị kụkụ sị gụ.

Ịjọọnụ 16:24

Pooro ve tù ọyaanị, ẹ̀ yị nyị ịsị u họ̀ use ịnị ịrẹha amị nịnị da. Huse ịsa nịnị, u vee ree dọ nịnị! Ọnọọ ọ vaa mẹ ka ịrajẹ awụ nịnị ọ̀ zụ gụ nị.”

Ịjọọnụ 3:29

Ọza ana aa nyị ọnẹẹ, ọ nyị ose anị nị. Ọta anị ana jẹẹ pe e dị aa wụ́ ọngwẹ anị, ọọ̄ jẹ ẹtẹẹtẹrẹ, ọ̀ọ wụ́ ọngwẹ ọva ọnẹẹ. Avọọ m mẹ̀ yà nị, ayị amị o si hine saka-saka.

2 Anịkọrịntị 1:24

Ye yi sì ka ya sị ụkata za wụ nịnị ka wa dọ ịsa ọnọnị wụ́ nịnị. Ama yee pe wu nịnịị mẹ̀ ụkọrọ ka ịnẹ awụ nịnị ò hine, agụvị ka wâ jẹẹ geri-geri ịnị ẹdọwụ awụ nịnị.

Anẹhwẹsọsị 3:19

Máa yẹ ka ọza ọ yị zụ yẹ ta, ịzị Ikirisiti sì ịrẹyị ayị na za. Ama ọ̀ yị navọ wa zụ yẹ nịnị ịzị Ikirisiti sì ịrẹyị awụ nịnị ne tù, agụvị dị avaba ịsa ozoza ana vị Óohomorihi, ọ̀ rẹ zụ gụ tụ́ ịnị avaba ayị awụ nịnị.

1 Ịjọọnụ 2:1

Ẹwụ nịnị ezi emi, maa chẹrẹ ịsa ẹnẹnịị tụ́ụ hi wu nịnị agụvị asị ụ mẹ̀ ịvị nịnị. Ama àa nyị ọza ana mẹ ịvị, áa nyị ọnịpọda ọnya ana yà ịdị Ohomorihi Ada ayị; ọza ọnọọ ọ vị Ijeesu Ikirisiti ana vị ọnịrẹyịzẹyịza nị.

2 Ịjọọnụ 1:12

Máa nyị ịrẹyị ọrụrụ-ọrụrụ oni mi sì ka ma ka ma kà yị wụ, ama me yi sì ka ma chẹrẹ wa tụ́ hi wu. Mée ro ka mee vee hee wu, di ye dudu kà ịrẹyị eyi gẹrị eyi, dị ayị ayị ò zụ hine ẹtẹẹtẹrẹ.