1 Ịjọọnụ 1:3 - IWE ỌNỊNỊ

³ Ịsa ẹnẹnị ẹnẹ ẹyị ụvọta sị re, dị ị raà sị ụtọ ayị wụ́, ọnị ị yaà kà a wụ nịnị agụvị ẹyịrị ẹwụ nịnị ọ̀ zụ rị vabẹ.

1 Ịjọọnụ 1:3 ပူးပေါင်းရင်းမြစ်များ

Ijoovu 13:1

Ijoovu ka ọnị ộ vịdị sị ọ re avaba ịsị ọta anị nịnị aa kà aanị. Ọnị ộ raa wụ ọ, dị ọnị rẹ yẹẹ nị.

Ahẹ Ụgama 2:7

Dị ọza ọnị ọ sị rị ohinọyị ka, ọnị vaa kà a yị avaba aza ọda ẹnị Ẹnẹyịmavara mẹ. Ẹnẹyịmavara ộ hị́ ohinọyị dị ọ ka Ẹwa vị ozi emi nị, ajịnị mị ma wụ nị.

Ahẹ Ụgama 22:22

Mị vaa kà a yị aza amị ịsa ọnị ụ mẹ dị maa kụ́ wụ avọ ịzị ẹ̀ẹ kụ́ gụ.

Ayịsaya 66:19

Ẹ vaa yẹ ka ọnị ọ vị ọza anaa sị ụya rị wa nị. Ama, ọnị vaa navọ aza ẹnyị ẹnịnị, dị ọnị tụ́ wa nọ ẹkụra irenyi-irenyi aha onoze ịzị ọza ẹ yị wụ́ ịrẹyị anị, dị ẹ hyakụ ve re ụkata. Ẹnịrị aza ana yara ne ọpa vaa nọ Isipeni, Iribiya ọnịrị Iridiya, Itubari beri Igiriisi. Ẹ vaa sị ụbanyị anị zụ ịnị ẹkụra ẹnịnị.

Ịrịka 10:32

Dị Imosiisi ka ọ vaa zụ ẹnị oze, dị ẹnị ga avaba ịsa ozoza ọnị Ẹnẹyịmavara vaa sị yị ẹnị.

Ịjọọnụ 17:11

Booro aanị, o si tù ka ma vẹ ịdị awụ. Mẹ yị kụkụ vaa yà ịnị ẹhẹ. Aza awụ ẹnị vị ene yi hi ịnị ẹhẹ. Ọga, ana vị Ọnịnị, sị ụkata awụ sị eyi pe aza ọnị ụ raà sị mị, agụvị dị ẹ̀ zụ vị ọnya, anka ẹ́mịrị ẹwụ mẹ̀ vị ọnya!

Ịjọọnụ 17:21

Maa mẹ̀ aduwa ka avaba ẹnịnị ẹ̀ zụ vị ọnya, anka ẹ́mịrị ẹwụ ana vị Ada amị mẹ̀ vị ọnya, dị ị vabẹ. Ẹnịnị ẹ̀ rẹ vavọọ zụ vabẹ beri yi, agụvị dị anẹhẹ ẹ̀ zụ dọ wụ́ ka ẹwa tụ́ mị vẹ ẹhẹ nị.

Ịjọọnụ 17:25

Ọga, wâ nyị ịzẹyịza, anẹhẹ ẹ̀ yị yẹ wụ. Ama ẹmị â yẹ ẹwụ, ẹnẹnị ẹnị ẹ rẹ sị yẹ ka ẹwa tụ́ mị vẹ ẹhẹ nị.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Ịjọọnụ 19:35

Ọza ene re ka ộ vavọọ mẹ, ọ́ kà a, agụvị dị ẹwụ nịnị ọ̀ rẹ zụ dọ wụ́. Ịrẹyị ọnọọ kà vị ịzẹyịza; ọ rẹ yẹ ka ịzẹyịza ọ́nị aa kà nị.

Odeyi 13:32

Dị ẹyị raa kà enube ọyịzaa wụ nịnị, ka oto oni Ohomorihi wo yị ada ayị nịnị,

Odeyi 13:41

“Re nịnị, ẹwụ nịnị onisiya, Ò hí wu nịnị irenu, di u we vu ẹtẹ nịnị! Ịsa ọnị mị vaa mẹ ịnị ụmẹ awụ nịnị, wẹ yị vaa dọ ọ wụ́ nịnị, àa daka kà a zụ̀ wụ nịnị.”

Odeyi 2:42

Ẹnịnị ệ sị ụmẹ ẹnịnị tịtẹ kụkụ aa kọsẹ ịdị odeyi nịnị, dị ẹyaa sị ayịị yị ẹngụ, di e re dudu aa rị ịsọyịrị Ananyị yị, di e re dudu aa mẹ̀ aduwa nị.

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

Odeyi 4:20

Agụvị ka ẹyị e yi zụ kú irenu, dị asị ị kà ịrẹyị ẹnẹ ẹyị ụvọta si re, dị ị rẹ sị ọọ wụ́.”

Aniroomi 15:27

Ẹnị ụvọta ẹ sị ayị sị ọọ ka ẹnị aa mẹẹ nị. Ịzẹyịza â vọrọ ka ẹ̀ vavọọ mẹẹ yị wa. Aniju nịnị ẹnịrị Anigiriki èe dudu gà ịsa Ohomorihi; a rẹ vọrọ ka aza ẹnẹ ẹ̀yị vị Aniju, ẹnịrị Aniju ẹnị ẹ̀ rẹ gà ịsa ẹhẹ ọnọnị.

1 Anịkọrịntị 1:30

Ohomorihi ọ raà sị wụ nịnị ka ẹwụrị Ijeesu Ikirisiti ọ̀ vị ọnya nịnị. Ohomorihi ọ rẹ raà mẹ ka Ikirisiti ọ̀ vị ịrẹyọyẹ ayị. Ikirisiti ọ jị ịhị yị ọ́vịdị Ohomorihi nị, ọ sị yị vara aza ọnịnị Ohomorihi, ọ rẹ sị yị hị́ varẹma hụụnị avaba ịsa edivi.

1 Anịkọrịntị 1:9

A zụ sị ayị tụra Ohomorihi. Ọnị ọ hị́ wụ nịnị ka ẹwụrị Ozi anị Ijeesu Ikirisiti Ananyị yị ọ̀ vabẹ nị.

1 Anịkọrịntị 15:1

Ẹwụ nịnị ẹyịnyara amị, mee sì ka ma tama wụ nịnị ayị enube ọyịza ọnị mị kà wụ nịnị. Wâ dọ ọ nịnị, dị ụ rẹ jẹẹ ịnị anị nịnị nị.

2 Anịkọrịntị 13:14

Ẹyịza ọọhẹ Ananyị yị Ijeesu Ikirisiti ọnịrị oyisì Ohomorihi ọnịrị uze Ụhwẹ Ọnịnị ọ̀ yà pe avaba awụ nịnị.

Anẹhwẹsọsị 3:6

Ịrẹyị ọnọọ yị: ka Anigiriki, ẹnịrị Aniju vee duduu nyị tụ́ ịnị ịsa oni Ohomorihi sị kà ka ọnị vaa sịị yị aza anị ẹnẹ ẹnịrị Ijeesu Ikirisiti sị vị ọnya. Ini oze enube ọyịza, Aniju ọnịrị Anigiriki kụkụ sị vị ọnya nị.

Anihwiripi 1:7

Áa vọrọ ka ẹngụ ariro ọnọọ ọ̀ vavọọ yà ịnị ayị amị, agụvị ka ịrẹyị awụ nịnị vị anaā yà ịnị ayị amị pooro. Ụkọrọ oni Ohomorihi nyị mi yi sị mị, wé beri emi nyị ụvọ tụ́ ọ nịnị. M Mẹ̀ yà ịnị ẹngwa, ẹmịrị ẹwụ nịnịị yọ nị; m mẹ̀ vaa kà ịrẹyị Ohomorihi dị maa sịị zụ̀ aza ka ịzẹyịza ọ vị nị, ẹmịrị ẹwụ nịnị rẹẹ yọ nị.

Anihwiripi 2:1

Wáa yẹ nịnị ka ẹwụrị Ikirisiti ọ sị vị ọnya nịnị. Ọnọọ ộ sị ụkata yị ayị awụ nịnị. Ikirisiti óo sì ịrẹyị awụ nịnị, agụvị avọọ ayị awụ nịnị óo hunẹnẹ. Ẹwụrị Ụhwẹ Ọnịnị ọ sị vabẹ nịnị, ụ raa ngụ ayị ẹngụ nịnị, di u ree roo yị ẹngụ nịnị nị.

Anihwiripi 3:10

Avaba ịsị mee sì ọ vị ka ma yẹ Ikirisiti, dị ma rẹ yẹ ụkata ana mẹ ka ọ̀ há hụụnị isu. Mi ree sì ka me beri ọ rị ụya, dị ma rẹ zụ nyị ẹngụ ayị ọnị Ikirisiti nyị o me sú.

Anikorasi 1:13

Ohomorihi ộ dọ yị hụụnị ụkata ịrahụ, ọ raà sị yị va ngụ ịzị Ozi anị oni o sì ịrẹyị anị yà aa mẹ ịjọva.

1 Anịtẹsaronika 1:10

Dị ụ rẹ jẹẹ ee zí Ozi Ohomorihi nịnị ka ọ̀ và hụrị ẹbẹẹba vẹ nị. Ozi anị ọnọọ ọ ha hụụnị isu nị. Ọnị ọ vị Ijeesu ana dọ yị há hụụnị ọyịkụ Ohomorihi ana aa vẹ nị.

1 Itimoti 6:2

Ezi ahụ ana àa nyị ọga ana vị ọdọwụ, asị ẹ sị eyi oweyi ree, agụvị ka ọ́ọ mẹhị vị ẹnẹbẹnị ẹnịnị. Vị a vọrọ ka ẹ̀ hyakụụ mẹ ụkọrọọ yị waa hu avọọ nị, agụvị ka aza ana aa rị ọgụ ụkọrọ ẹnịnị vị ọdọwụ ene e sì ịrẹyị anị. Waa sị ịsa ẹnẹnịị zụ̀ aza, di u we sii pe waa juwe!

Anihiburu 2:12

Ộ kà a ka, “Ohomorihi, mị vaa kà ịrẹyị awụụ yị ẹyịnyara amị; mị vaa jị ahẹ ga wụ ịnị akakana anịragụ awụ.”

Anihiburu 3:1

Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.

Anihiburu 3:14

Oyitureyi ọnị ị nyị ịpaapa, yàa yị sị ụvọ zaa pooro ne tù ẹtẹ, ị vaa nyịị tụ́ ịnị ịsa Ikirisiti.

1Ipita 5:1

Máa nyị ịrẹyị ọyịkà yi azọkụ ịragụ Ohomorihi ene hi ịnị akakana awụ nịnị. Ẹmị rẹ vị ọzọkụ ịragụ anka ẹwụ nịnị. Mâ sị eyi amị re ụya ọnị Ikirisiti rị. Ẹmịrị ẹwụ nịnị vaa nyịị tụ́ ịnị ụbanyị Ijeesu Ikirisiti oni Ohomorihi vaa sịị zụ̀ aza.

2Ipita 1:16

Ẹ yị vị ịtọpa aza kẹnẹ ị sị rị ụvọ aa zị, ị maa kà a wụ nịnị ini oze ụkata Ijeesu Ikirisiti Ananyị yị ọnịrị ọ mẹmẹ vẹ. Ama yáa sị eyi ayị ré igirima anị.

1 Ịjọọnụ 1:1

Yaa chẹrẹ iwee tụ́ụ hi wu nịnị ịnị oze ịrẹyị ana yà ịzọọ hụrị ụmọrụmọ, dị a va yẹ ka aa mẹ ẹhẹ. Ẹyị ụvọta ộ wụ́ Ịrẹyị ọnọọ, yáa sị eyi ré e, ya raà jị eyi ngụ ọ, dị ị raà sị ụvọ kanyị ọ nị. Ọnị ọ vị ịrẹyị anaā sịị ụhwẹ yị aza nị.

1 Ịjọọnụ 1:5

Enube ọnị ị wụ́ hụụnị irenu ozi anị ọnọọ ọnị ị raa kà yị wụ nịnị yị: Ohomorihi vị ẹtohweyi, ẹ́ yị nyị etohozi ịdị anị vụrụ-vụrụ.

1 Ịjọọnụ 1:7

Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị.