1 Anịtẹsaronika 5:9 - IWE ỌNỊNỊ

⁹ Ohomorihi ọ yị nyị yị ka ọnị ọ̀ va kụ́ ayị hi yi. Ama ee sì ka ya va nyị ẹdọha ọnị Ijeesu sịị̄ yị ọza.

1 Anịtẹsaronika 5:9 ပူးပေါင်းရင်းမြစ်များ

Ijoovu 23:14

Ọ vaa mẹ ịsị ọ ka ọnị aa mẹ yị ọnị ịnị ịsa ọrụrụ ọnị ọ mẹ eto anị.

Ọyịkụra 9:16

Ama ọnị ộ navọ wa ka ẹ̀ yị yà ẹhẹ agụvị dị ẹ̀ yẹ ka ọnị ọ nyị ụkata. Ọ kà ọnọọ ọ̀ vaa mẹ ka aa kà ịrẹkụkụ anị ịnị avaba ẹhẹ nị.

Ụhịrẹyị 16:4

Ẹnẹyịmavara ọ nyị iruvo ọnị ọ sị mẹ̀ ịsavịsavị. Ụya vị ene ku e zi ọza odivi.

Imatiwu 26:24

Ẹmị Ozi ọza onigirima ve nee sú, anka Íwe Ohomorihi mẹ̀ kà a. Ama ọza ana àa sị mị chire ọnịvị amị ụvọ, ọ sị dà. Ọ yaanị dahi hu ka asị a vana ma ọza ọnọọ vụrụ-vụrụ.”

Odeyi 1:20

 vịdị chẹrẹ ẹ tụ́ ini iwe ahẹ ụga ka: ‘Irehi anị vị ana vaa vị osusu, ẹ yị nyị ọza ana vaa ra ịzọọ.’ A rẹ chẹrẹ ẹ ka: ‘Ọza ẹnẹsa ọ̀ dọ ọ ịrẹsụ ịnị ụkọrọ anị.’

Odeyi 1:25

ka ọ̀ dọ Ijudasi ịrẹsụ ịnị ụkọrọ odeyi ọnọnị oni Ijudasi sị hụụnị anị, dị ọ zị nọ ịzị ẹ vọrọ tụra a.”

Odeyi 13:48

Ịjị Anigiriki ẹnị maanị wụ́, dị ẹyaa jẹ, dị ẹyaa sị ụgaa yị ịrẹyị Ananyị yị nị. Aza ọnị ọ sị nyị ka ẹ̀ yàra pooro zịna-zịna, ệ sị ayị tụra a.

Aniroomi 11:30

Ịyẹẹyẹ, ẹwụ nịnị ẹnẹ ẹ̀yị vị Aniju vị anaā vịdịị mẹ akamawụụ hi Ohomorihi. Ama booro aanị, Ohomorihi ọ raà vayị awụ nịnị, agụvị ka Aniju ẹnị ẹ rẹ sị akamawụ mẹ.

Aniroomi 11:7

Sẹ va saasaa? Anisirẹrị nịnị e rè vee re ịsị eyee sì. Aza chee oni Ohomorihi nyị kẹnẹ e ree nị. Ẹnịnị ana vọ, Ohomorihi ọ raà mẹ ayị ẹnịnị katẹngụ.

1 Anịtẹsaronika 1:10

Dị ụ rẹ jẹẹ ee zí Ozi Ohomorihi nịnị ka ọ̀ và hụrị ẹbẹẹba vẹ nị. Ozi anị ọnọọ ọ ha hụụnị isu nị. Ọnị ọ vị Ijeesu ana dọ yị há hụụnị ọyịkụ Ohomorihi ana aa vẹ nị.

1 Anịtẹsaronika 3:3

agụvị asị ana nyị ọza ana vara ayị ịnị awụ nịnị agụvị ụya ọnị ụ waa rị nịnị aanị. Ẹwụ nịnị nyẹmba ọ́ọ yẹ ka ụyọrị yà ịnị ịsa oni Ohomorihi sì ka ò tù yi.

1 Itimoti 1:13

Ịyẹẹyẹ vị ọnị mịị̄ vịdịị kà ịrẹyị odivii hi ọọ, dị maa sị ụyaa rị ọọ, dị mị raa kụ̀ ọọ ụhụ nị. Ama Ohomorihi ọ va vayị amị, agụvị ka ịnị ịyẹẹyẹ ọnọọ, eyi amị oyi vịdị hweyi, mẹ yị rẹ nyị ẹdọwụ.

1 Itimoti 1:16

Agụvị avọọ Ohomorihi va vayị amị nị, agụvị dị Ijeesu Ikirisiti ò re oze sị zụ̀ aza ka ọnị ọ́ọ nyị isuuru ẹtẹẹtẹrẹ, ịnị ka ộ nyị isuuru yị ẹmị ene divi hu avaba aza. Ọnọọ vaa mẹ ka aza anaa vanaa sị ayịị tụra, dị ọ̀ mẹ ka ẹ̀ yàra pooro zịna-zịna, ẹ̀ zụ kọ ịrẹyọyẹ hụụnị anị.

2 Itimoti 2:10

Agụvị avọọ, mâ sị ẹngụ dọ avaba ụyọrị agụvị aza oni Ohomorihi sị nyị, dị Ijeesu Ikirisiti ọ̀ rẹ zụ dọ ụyọrị agụvị aza ọnị Ohomorihi sị nyị, dị Ijeesu Ikirisiti ọ̀ rẹ zụ dọ ẹnị há, dị ẹ̀ rẹ nyị ụbanyị ana yà pooro zịna-zịna yị wa.

1Ipita 2:10

Ịyẹẹyẹ wẹ́ yị vịdị vị aza Ohomorihi nịnị, ama booro aanị wa sị vara aza anị nịnị. Wẹ́ yị rẹ vịdị yẹ ayamva Ohomorihi nịnị, ama wa sị ọ yẹ nịnị booro aanị.

1Ipita 2:8

Ịrẹta ọnị ọzaā tụ́ ahụ ịnị anị dị ọ hyẹdụ ọ vị nị. Ệ vavọọ hyẹdụ, agụvị ka ẹnịnị ẹ́ yị dọ ịrẹyị Ohomorihi wụ. Avọọ Óhomorihi mẹ̀ vịdị mẹ eto anị tịtẹ nị.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

Ijudi 1:4

Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.