Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Anịtẹsaronika 5:6 - IWE ỌNỊNỊ

6 Agụvị avọọ, asị rẹ và ẹngụ hi ẹtẹ anka aza ana vọ. Ama à vẹ yee zí, dị ya sị ụvọ za ẹngụ ayị.

အခန်းကိုကြည့်ပါ။ ကော်ပီ




1 Anịtẹsaronika 5:6
40 ပူးပေါင်းရင်းမြစ်များ  

Onuworo vị ana sụ ara pooro, ọza ẹnẹ nyị ana a mẹ̀ vị ọnị ụngwẹ kụ.


Ọ kà, “Avaba ẹnị ọdọvịdị ana a vọrọ ka ẹ̀ kà aza amị ọnọ, vị ogweyi. Ẹ yị nyị ịsị ẹnịnị yẹ. Ẹnịnị vị ana sị mẹẹ anka irezi enee sere ẹtẹ ama dị ẹ̀ yị ma hà. Ẹnịnị vị anaā hụtẹtẹẹ hi ẹtẹ kẹnẹ dị ẹyaa ra ụra. Ê sì ka ẹnị ẹẹ sụ̀ ara ẹtẹẹtẹrẹ.


Ohirẹsụ anụkọrọ ẹpa ọnọọ ô nee tù Ijona ịzọọ, dị ọ hā a kwẹẹtẹ nị. Dị ọ ka, ọ̀ mẹmẹ nyẹngụ maanị aa sụ̀ ara isu? Dị ọ ka ọ kwẹẹtẹ dị ọnị ọ rẹ hị́ ori ịrẹsụ anị ka ọ̀ va gụ ẹnị ụvọ nị. Dị ohirẹsụ ẹpa ọnọọ kà, ẹnẹ yẹ, ẹyịyara ọ vaa vayị ẹnịnị, dị ọ dọ ẹnị ha hụụnị ụvọ opomi ọnọnị.


Ama ịnị ịrahụ ẹkụhị ọnya, ịjị aza sị sụ̀, ọnịvị anị ộ vẹ, o ve chire ebe hi ịnị akụ ẹnẹẹ, o si hu aa na.


Agụvị avọọ wee zí nịnị, agụvị ka wẹ yị yẹ ụmẹ ana Ananyị yị aa sịị vẹ.


Agụvị avọọ, wee zí nịnị, agụvị ka wẹ yị yẹ ụmẹ oni Ozi ọza onigirima vaa sị vẹ nịnị.”


Ọva ọnẹẹ ọnọọ o yi jintu vẹ, dị ara ee hine ezwoorihi ẹnẹẹ, dị ẹ na sị sụ̀ nị.


Dị ọ kà a yị wa ka, “Ayodu aa vaa wụ̀ mị. Jẹẹ ịzẹnị nịnị, di u we pe mi sị eyi pe ẹtẹ nịnị!”


Ịsị mị kà wụ nịnị aanị, mị rẹ kà yị avaba aza nị: Sị eyi pe ẹtẹ nịnị, oo!”


Ezida ọnị ọga ẹnịnị ọ̀ọ vavọọ vẹ, di o ve tù wa ka ệ ha, eyee zí ọnị nị, ẹ vaa daa jẹ. Dị ma kà a wụ nịnị, ka vị ọga ọnọọ ee tenyi obo anịị sụ́ ọtẹ, dị ọ ka ezida ẹnẹẹ ẹ̀ yaayịtẹ, dị ọnị ụvọta aa sị ịsaa yị wa nị.


Dị ụ wa yẹ nịnị ka adarehi ọ̀ọ yẹ ụmẹ oni oyi vaa sị vẹ, vị ọ yaanị ee sere ẹtẹ nị, dị ọ yị zẹẹ ka oyi ọ̀ chaka ọnị irehi.


Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”


Dị Ijeesu kà a yị wa ka, “Sị ẹ vẹ dị ụ waa sụ ara nịnị? Kwẹẹtẹ, wa mẹ̀ aduwa nịnị ka ụ va ngụ ịnị ẹzamare nịnị!”


Agụvị avọọ sị eyi pe ẹngụ awụ nịnị! Tamayị nịnị ka hụrẹ ịrayị ẹẹta, ọọdụ ọnịrị ịrahụ ẹmịrị ẹgọ hụrẹ ee pe ọzịnya-ọzịnya awụ nịnị juwe nị, mẹyị tụ́ ụhwọ́.


Varẹma waa mẹ ịzẹyịza nịnị, asị ụ rẹ̀ mẹ̀ ebira odivi nịnị! Aza ẹnyị ẹ yị yẹ Ohomorihi vụrụ-vụrụ. M maanị aa kà a, vị ụhị ọ̀ nyị wụ nịnị.


Wee zi nịnị, jẹẹ geri-geri ịnị ẹdọwụ awụ nịnị, nyị ọtụtụrụma, dị ụ wa nyị ụkata nịnị!


Ịyẹẹyẹ avaba ẹyịrị ụhwẹ echu ẹnẹẹ vị anaā vịdịị kụ́ ogu, dị ahịka oyisì ẹngụ ẹyị ọza kẹnẹ, ị yaa mẹ nị. Dị yaa mẹ̀ ịsa ọnị ọchẹngụ ọnịrị ayị ayị òo sì kẹnẹ; anka aza ana vọ, ẹyị vị ana rẹ vịdị aa mẹ̀ ebira anaa vọrọ ka Ohomorihi ọ̀ sị kụ́ ayị hi yị.


Ịsị ẹ̀ẹ sị ngụ ịnị ịnọyị-ịnọyị, ịrẹyị ẹtohweyi ọ kụkụ vị nị. Agụvị avọọ a kà a ka, “Ẹwụ ana aa sụ ara, wa ha! Ha hụụnị isu, Ikirisiti vaa sị ẹtohweyi yị wụ!”


Dị ụ waa mẹ̀ aduwa nịnị ụmẹ tụra ụmẹ, dị ụ waa dá ịpẹẹ yị Ohomorihi nịnị, anka Ụ́hwẹ Ọnịnị ọ̀ọ mẹ̀ sị oze zụ̀ wụ nịnị! Wee zí nịnị, asị ụ zẹẹ ka ọ̀ tụ́ wụ nịnị! Waa mẹ̀ aduwaa yị avaba aza Ohomorihi nịnị.


Sị zụ̀ avaba aza nịnị ka waa nyị ebira hẹẹ nịnị. Ananyị yị aa vaa vẹ.


Waa mẹ̀ aduwa nịnị ịnị ụmẹ tụra ụmẹ; asị ụ zẹẹ ka ayị awụ nịnị ọ̀ọ ngụ ọọ zị, wàa mẹ̀ aduwa; dị ụ wa rẹẹ kụ́ Ohomorihi avọ nịnị


Ẹwụ nịnị ẹyịnyara amị, yee sì ka wa yẹ nịnị ini oze ịsa ene vee tù aza ene wusu, agụvị asị u ne du ayị nịnị anka aza ẹnẹ ẹ̀yị nyị ọyịtureyi.


Ijeesu ọnọọ ô sú yị ka, yèe sú yàa yára, ẹyịrị ọnị ò dudu zụ ra vabẹ.


Ama ẹyị ana vị aza ẹtohweyi, À vẹ yaa sị ayịị tụra Ohomorihi pooro, di yee sì ịrẹyị ọza; ọnọọ vị ana sị mẹẹ awuru enyusẹ-enyusẹ ene e siī kú ịrachị avọọ. A vẹ ya sị eyi tụ́ ịnị ẹdọha ayị, ọnị vị ana sị mẹẹ amu enyusẹ-enyusẹ avọọ.


Ama ányẹnẹẹ màa ma ozi, ẹ̀ẹ yaa yịị sị ayịị tụra Ohomorihi, dị e re yee sì ịrẹyị ọza, dị ẹyaa mẹ̀ ebira ọnịnị dị ẹ rẹ sị ụvọ za ẹngụ ẹnịnị nị, Ohomorihi vaa dọ waa há.


Mi ree sì ka anẹẹ nịnị ẹ̀ẹ kụ́ ẹhwị ẹnya, anka ọ mẹ̀ vọrọ tụra ọnyẹnẹẹ, dị ẹ̀ sị eyi pe ẹngụ ẹnịnị ịnị anị. Asị ẹ rẹ̀ mẹ ọvị ahaahara, ẹhụụ ẹyị ọkajuwa oyigu, àa vị igooru ọnịrị uweyi ọkatarihi ọyịhara hi ẹngụ, ọnịrị achị ẹbanyị-ẹbanyị!


A rẹ vọrọ ka ose ẹnịnị ẹ̀ nyị ebira ana vọrọ. Asị ẹ vị aza eneē du aza ịrẹsụ, dị ẹ̀ zụ sị ụvọ za ẹngụ ẹnịnị, dị ẹ̀ rẹ vị aza ana a zụ sị ayị tụra ịnị avaba ịsa.


Ama ẹ́ yị vọrọ ka ọdọvịdị ịragụ ọ̀ nyị ohuvọ pẹrẹ. Ọnẹẹ ikonya a rẹ vọrọ ka ọ̀ nyị nị. Áa vọrọ ka ọ̀ vị ọza ana zụ sị ụvọ za ẹngụ anị, dị ọ̀ rẹẹ mẹ̀ ebira ịrẹyọyẹ. Áa vọrọ ka ọdọvịdị ịragụ ọ̀ọ mẹ̀ ebira ana vọrọ, dị òo sì ọzọga, dị ọ̀ rẹ zụụ sị ịsaa zụ̀ aza.


Ama ewè re ka wáa sị ụvọ za ẹngụ awụ ịnị avaba ịsa! Waa sị ẹngụụ dọ ụya, dị waa kà enube ọyịza anka ụkọrọ awụ! Di u we re ka waa mẹ avaba ụkọrọ awụ saka-saka!


Ayamva ọnọọ aa sịị zụ̀ ka ya hụrẹ avaba ebira oni Ohomorihi è yi sì ụvọ, ọnịrị ịsa ẹhẹ ọnọnị ọnị ọchẹngụ ayịị̄ sì, ama dị yaa mẹ̀ ebira ịrẹyọyẹ, dị yaa mẹ̀ ịsa ana vọrọ ọnịrị ịsa oni Ohomorihi sì ịnị ẹhẹ ọnị ị yà aanị.


Rẹ vavọọ kà a yị anọrụ ana vị ozweyi ka ẹnị ẹ̀ rẹẹ mẹ̀ ebira ịrẹyọyẹ!


Agụvị avọọ, tenyi ayị awụ nịnị, dị ụ wa ẹ sị ụvọ za ẹngụ awụ nịnị! Sị avaba ayị awụ tụ́ ịnị ẹyịza oni Ohomorihi vaa sị yị wụ nịnị, ịhị Ijeesu Ikirisiti ọ̀ọ sị ẹngụ zụ̀.


Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!


Sị ụvọ za ẹngụ awụ nịnị, dị ụ wa sị eyi pe ẹtẹ nịnị, agụvị ka Echu ana vị ọnịvị awụ nịnị, aa ngwọọ zịịzị anka idu ene ee nowuu zị avọọ, ee sì ọza ọnị ọọ wụụ rị.


“Re! Mị vanaa vẹ anka oyi avọọ nị. Ọza eme èee zí di o tenyi ịta anị tịtẹ ka asị ọnị na yà ịnị ahwaahụ dị ụhị ọ̀ vaa nyị ọọ nị, vaa daa jẹ.”


Wee zí, dị ụ wa sị ụvọ za ịsị ẹ vọ tụ́ ịnị ụvọ awụ nịnị dị ò ve sú! Ọ kà Oni ô re ka ebira awụ nịnị ọọ̀ yị gụ ini eyi Ohomorihi anị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ