1 Anịtẹsaronika 4:9 - IWE ỌNỊNỊ

⁹ Ẹ yị kụkụ nyị ka ma rẹẹ chẹrẹ iwee tụ́ụ hi wu nịnị ka wee sì ịrẹyị ẹngụ nịnị. Ohomorihi ọ raà sị zụ̀ ẹwụ nịnị ụvọta ka wee sì ịrẹyị ẹngụ nịnị.

1 Anịtẹsaronika 4:9 ပူးပေါင်းရင်းမြစ်များ

Ahẹ Ụgama 133:1

Aza ana vị anda èe dudu ra vabẹ di ẹ̀ yị nyị ahankata nị, ộ dà zoza kẹnẹ!

Ayịsaya 51:13

Ayị ô hi wa ka Ẹnẹyịmavara ana tụ wa, ộ gana ẹbẹẹba ku tụ ịzị ọ ya, dị ọ sị eteesu hi ẹtẹ nị. E yee hí angwa agụvị ka aza ana mẹ ẹvaya yị wa aa kụ ayị ka ẹnị a wụ̀ wa. Ịzị aza ẹnẹẹ hi booro aanị?

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Ijeremaya 31:34

Ọ kà, ọza ẹnyị ẹ́ yị kụkụ vaa kọ ọ yị ọsa ka ọ̀ yẹ Ẹnẹyịmavara, agụvị ka avaba ẹnịnị vaa yẹ ọnị, hụụnị ozweyi ẹnịnị na ngụ ọzọkụ. Ọ kà ọnị vaa vagu avaba akụvị ẹnịnị, dị ọnị ẹ́ yị kụkụ tamayị ebira odivi ẹnịnị.

Ireevi 19:8

Ẹnẹyịmavara kà ọza ana àaa rị ọ vaa rị ịvị, agụvị ka ọ́ raa sị eyi oweyi ré ịsa ana a sị tụ irenyi yi ọnị Ẹnẹyịmavara. Ọnị é yi kuku ve rò ọza ọnọọ tụ ịnị aza anị

Imatiwu 22:39

Ọhụva vị ene re véné e: Sì ịrẹyị ọnọhụva awụ anka ẹngụ awụ!

Ịjọọnụ 14:26

Ohunẹnọzayị ọnọọ ana vị Ụhwẹ Ọnịnị, ana Ada amị vaa tụ́ụ vẹ ịnị ịrẹha amị, ọ vaa sị avaba ịsaa zụ̀ wụ nịnị, dị ọ rẹ mẹ ka wa tamayị avaba ịrẹyị ọnị mị vịdị sị kà a wụ nịnị.

Odeyi 4:32

Avaba ẹnịnị ana dọ wụ́ vị ana và ịnẹ bẹ, dị ẹ nyị ayị ọnya nị. Ẹ yị nyị ọza ana kà a ka ịsị ọnị nyị ka áanị ịnyara kẹnẹ ọ vị nị. Ịsị ẹ̀ẹ nyị, vi e dudu aa gà a nị.

Aniroomi 12:10

Wee sì ịrẹyị ẹngụ nịnị ẹtẹẹtẹrẹ, anka ẹyịnyara ini Ikirisiti meē sì ịrẹyị ẹngụ avọọ. Waa sị ụbanyịị yị ọnọhụva awụ huna ẹngụ awụ ụvọta.

2 Anịkọrịntị 9:1

Ịnị ka àa mẹ ọgụvọọ yị aza Ohomorihi, ẹ yị kụkụ nyị ka maa chẹrẹ iwe anịị tụ́ụ hi wu nịnị.

Anihwiripi 3:15

Avaba ẹyị ana sị vịra tụ́ ịnị ịrẹyị Ohomorihi, áa vọrọ ka ẹngụ ariro ọnọọ ọ̀ yà ịnị ayị ayị. Ariro awụ nịnị ọ̀ọ jị ọnọọ nyee ịnị ịsa ẹnyị, Ohomorihi vaa sịị zụ̀ wụ nịnị bẹẹ.

1 Anịtẹsaronika 5:1

Ẹwụ nịnị ẹyịnyara amị, ẹ́ yị nyị ka maa naa chẹrẹ tụ́ụ hi wu nịnị ini oze ẹkụhị ọnịrị ụmẹ ẹnị ịsa ẹnẹẹ vaa sị mẹ.

Anihiburu 10:16

“Oto ọnị mị vee wo yị wa ịnị ụmẹ ọnọọ yị: Ọnị vaa sị ọda anịị tụ́ ịnị ayị ẹnịnị, dị ọnị rẹ chẹrẹ ẹ tụ́ ịnị ayị ẹnịnị.”

Anihiburu 13:1

Ẹwụ nịnị ana vị ẹyịnyara ini Ikirisiti, wee yii sì ịrẹyị ẹngụ nịnị!

1Ipita 3:8

Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí.

1Ipita 4:8

Ịsị e hu keekere yị: Wee sì ịrẹyị ẹngụ nịnị pooro, agụvị ka wèe sì ịrẹyị ẹngụ nịnị, ọ vaa mẹ ka à vagu ịvị ọrụrụ-ọrụrụ.

2Ipita 1:7

Sì ịrẹyị aza anka ẹyịnyara awụ tụ́ ini ebira ene zé Ohomorihi eyi ọnị ụ nyị! Rẹ vaka ọnọọ, sị vụrị di u we sì ịrẹyị aza anka Ohomorihi mè sì ịrẹyị ẹnịnị.

1 Ịjọọnụ 2:10

Ama ọza ene èe sì ịrẹyị ọnọhụva anị, ọnị ọ yà ini ẹtohweyi nị; ẹ́ yị nyị ịsị ẹ zụ mẹ ka ọ̀ mẹ ọnọhụva anị ka ọ̀ mẹ ịvị.

1 Ịjọọnụ 3:11

Enube ọnị ụ vịdị sị wụ́ nịnị hụrị ụmọrụmọ yị: ka ye sì ịrẹyị ẹngụ.

1 Ịjọọnụ 3:23

Ọda ọnị ọ́ mẹ yị yị: ka ya sị ayị tụra Ijeesu Ikirisiti Ozi anị, di ye re sì ịrẹyị ẹngụ. Ọda anị ọ vị ọnọọ nị.

1 Ịjọọnụ 4:21

Ọda ọnị Ohomorihi mẹ yị yị: Ọza ene èe sì ịrẹyị Ohomorihi, ò re sì ịrẹyị ọnọhụva anị bẹẹ.