1 Anịtẹsaronika 4:8 - IWE ỌNỊNỊ

⁸ Ọza ana àa sị eyi wụ́ ịrẹyị ọnọnị, ayị vị ọza, ọ sị eyi wụ; Ohomorihi ana sị Ụhwẹ Ọnịnị yị wụ nịnị, ọ́za ọnọọ sị eyi wụ nị.

1 Anịtẹsaronika 4:8 ပူးပေါင်းရင်းမြစ်များ

Inehemaya 9:30

Wâ nyị isuuru wa ịrayị-ịrayị. Wâ tụ́ ụhwẹ ọnịnị hi wa zi oze ịnị ụvọ ọnịsẹ ka ọ̀ ka wa ọnọ agụvị ịvị ẹnịnị. Ama ẹnịnị ẹ yị va yị wụ. Dị ụ hụrẹ wa ụvọ yị aza ana ra hi ịzọọ ka è huna wa nị.

Ọyịkụra 16:8

Di Imosiisi rẹ ka, “Ẹnẹyịmavara ọ vaa sị uyee wụ nịnị oruva dị ọ rẹ sị ịsọyịrị wụ nịnị ẹnẹnẹ o mè zee wu eyi nịnị nị. Ọ vavọọ aa sị wụ nịnị agụvị ka ọ sị wụ́ ka waa rị ihuhuu hi ọnị nịnị. Ẹ yị nyị ịsị ẹyị vị, ẹ yị vị ẹyị ụ waa rị ihuhuu hi nịnị, Ẹnẹyịmavara ụ waa rị ihuhuu hi nịnị nị.”

Ụhịrẹyị 1:7

Ịrẹyọyẹ vị ene nyima hụụnị angwa Ẹnẹyịmavara oyi hi. Ọnụra kẹnẹ ọọ̄ sị eyi wụ̀ ịrẹyọyẹ ọnịrị ajuwe ọza nị.

Ụhịrẹyị 23:9

Asị ụ ka ịrẹyị yị ọnụra agụvị ka eyi anị e yi hweyi tu ịrẹyị ọnị waa ka.

Ayịsaya 49:7

Ẹnẹyịmavara kà a yị Isirẹrị ka ọnị ọ vị Ohomorihi ọnịnị ana dọ wa ha hụụnị ụvọ ohinọyị nịnị ana za wa ọrịhị ọnịrị anẹkụra ana sị eyi wụ̀ wa. Ama booro aanị ọnị o wo oto ka ohinọyị nịnị ọnịrị ọdọvịdị nịnị vaa sị ụbanyị yị wa, di e yee ku ẹtẹ yị wa agụvị ka ọnị vị ọnịrẹyịzẹyịza, ọza ọnịnị Anisirẹrị ana nyị wa.

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

Iruuku 10:16

Dị Ijeesu kà a yị ezirẹma anị ka, “Ọza ana àa wụ́ ịrẹyị awụ nịnị, ẹmị ọ rẹ wụ́ ịrẹyị anị avọọ nị. Ọza ana àa sị eyi wụ wụ nịnị, ẹmị ọ rẹ sị eyi wụ avọọ nị. Ọza ana àa sị eyi wụ̀ mị, Ohomorihi ana tụ́ mị, ọ sị eyi wụ avọọ nị.”

Ịjọọnụ 12:48

Ọza ene èe yi mi tịtẹ, dị ọ̀ yị dọ ịrẹyị amị nị, â nyị ịsị ẹ vaa mẹ̀ ọkarẹyị yọ. Ịrẹyị ọnị mị sị kà, ọnị gẹdẹ-gẹdẹ ọ vaa mẹ̀ ọkarẹyị yọ ịnị ẹkụhị ọdịrẹma nị.

Odeyi 13:41

“Re nịnị, ẹwụ nịnị onisiya, Ò hí wu nịnị irenu, di u we vu ẹtẹ nịnị! Ịsa ọnị mị vaa mẹ ịnị ụmẹ awụ nịnị, wẹ yị vaa dọ ọ wụ́ nịnị, àa daka kà a zụ̀ wụ nịnị.”

Aniroomi 5:5

Yàa nyị ọyịtureyi, ụhị ọ yị vaa nyị yị, agụvị ka Ohomorihi ộ mẹ̀ ka ya yẹ, o meme sì ịrẹyị ayị ini oze Ụhwẹ Ohomorihi ọnị ọ sị tụ ịnị ayị ayị.

1 Anịkọrịntị 2:10

Ama Ohomorihi ọ raà mẹ ka Ụhwẹ Ọnịnị ọ̀ sị ịsa ẹnẹẹ zụ̀ ẹyị. Agụvị ka Ụhwẹ Ọnịnị vị eneē sì iruvo avaba ịsa, à hị́ ịsa ana nyịnẹ ana ahịka Ohomorihi kẹnẹ ọ yẹ nị.

1 Anịkọrịntị 7:40

Ama ọ̀ yị varẹma nyị ọnọrụ, ọ́ zụ jẹẹ hu nị. Avọọ ọ mẹ̀ yà ini eyi ẹmị nị. Mee ro ka ẹma rẹ nyị Ụhwẹ Ohomorihi bẹẹ.

2 Anịkọrịntị 1:22

Ohomorihi ọ raà sị apọtẹrẹwa tụ́ ọọ ka ọnị ọ nyị yị nị. Ọ raà sị Ụhwẹ Ohomorihi tụ́ ịnị ayị ayị, ana mẹ ka ya yẹ ka ịsa ana vọ ọnị ọ kà ọnị vaa sịị yị avọọ, ayị zụ nyị ka ọ yị vaa sịị yị.

Anigaratiya 4:6

Dị à zụ yẹ ka ezi Ohomorihi ụ vị nịnị nị, Ohomorihi ộ sị Ụhwẹ Ọnịnị Ozi anị tụ́ ịnị ayị awụ nịnị, di ee nowu ka: Ada amị!

1Ipita 1:12

Ohomorihi ộ sị zụ wa ka ẹwụ nịnị ẹyaa mẹ ụkọrọọ yị nị, ẹ́ yị vị ẹngụ ẹnịnị. Aza anaā kà enube ọyịza ệ kà a wụ nịnị, anka Ụhwẹ Ọnịnị ana a tụ́ hụrị ẹbẹẹba vẹ mẹ̀ sị ụkata yị wa. Anggẹẹrị nịnị nyẹmba bẹẹ ee sì ka eni è re ịsa ẹnẹnị.

2Ipita 1:21

agụvị ka ẹ́ yị nyị ụmẹ ana aza zụ sị kwẹẹtẹ kẹnẹ, dị ẹ̀ẹ kà ịsẹ, anka e mè sì ọ. Ama aza ọnịnị Ohomorihi ệ kà ịrẹyị anka Ụhwẹ Ọnịnị màa zụ̀ wa ịrẹyị nị.

1 Ịjọọnụ 3:24

Ọza ana àa saasa ọda Ohomorihi, ọnịrị Ohomorihi ọ sị vị ọnya, Ohomorihi ọnịrị ọza ọnọọ ọ sị vabẹ. Ịsị ẹ sị zụ̀ yị gedebee ka ẹyịrị ọ vị ọnya yị: agụvị Ụhwẹ Ọnịnị anị ọnị ọ sị yị.

Ijudi 1:8

Anka aza edivi ịyẹẹyẹ ẹnẹẹ, aza ẹnẹnị ệ kwẹẹtẹ, dị ẹ ka vị́ ẹnị ee re ẹtẹ, di eyee du ẹngụ ẹnịnịị ha nị. Ẹnịnị ẹ́ yị ma jẹẹ pe ọda ọnyọọnyị ana àa mẹ, dị ẹyaa mẹ anggẹẹrị nịnị isiya.

1 Ịsamụwẹrị 10:19

Dị Ịsamụwẹrị ka ẹ sị Ohomorihi ẹnịnị ọnọọ yi tịtẹ. Ọ kà Ohomorihi ọ dọ wa hụụnị akanya ọnịrị ụya nị. Ọ kà ama aza ẹnẹẹ ka ẹnị e yi kuku sì ka Ohomorihi ọ̀ vi ohinọyị ẹnịnị. Ọ kà ẹnịnị ka ẹnị ee sì ọza ẹnẹsa ana vaa vị ohinọyị ẹnịnị. Dị Ịsamụwẹrị va ka ẹ̀ kụ́ ẹngụ ẹnịnị vẹ ịrẹsụ-ịrẹsụ ọnịrị ovwoovu-ovwoovu dị ẹ̀ vavọọ va gụ ọvịdị Ẹnẹyịmavara.

1 Ịsamụwẹrị 8:7

Dị Ẹnẹyịmavara va kà a yị Ịsamụwẹrị ka avaba ịsị aza ẹnẹẹ ẹ̀ẹ ka ọ̀ mẹ, asị o pè wa nyị ahankata. Ọ kà ẹ yị vị Ịsamụwẹrị ẹ ka asị ọ kụkụ vị ọdọvịdị ẹnịnị, Ohomorihi ka ọnị ụvọta aza ẹnẹẹ ka asị ọnị kụkụ vị ohinọyị ẹnịnị nị.