1 Anịtẹsaronika 4:6 - IWE ỌNỊNỊ

⁶ Asị a nyị ọza ana na mẹ ịvị, dị ọ̀ na rị ọdọwụ ọnọhụva anị ẹtẹ ahụ ịnị ịsọnyị-ịsọnyị! Ọza ana àa vavọọ mẹ, vị Ohomorihi Ananyị yị ee sí ọọ atọ nị. Yáa vịdị vavọọ sị ọọ kà wụ nịnị, dị ị kà wụ nịnị ọ̀nọ̀ nị.

1 Anịtẹsaronika 4:6 ပူးပေါင်းရင်းမြစ်များ

Ahẹ Ụgama 140:12

Ẹnẹyịmavara, mâ yẹ ka ụ vaa dọ ịrazị onosiye ọnịrị oniruwa nịnịị zị.

Ahẹ Ụgama 94:1

Ẹnẹyịmavara, ẹwa vị Ohomorihi ene eē sí atọ ịrẹyị nọ, navọ aza ẹ̀ yẹ ka ayịị̄ kụ́ wụ.

Ọyịkụra 20:15

Wẹ yị nyayịnẹ yị oyi.

Ọyịkụra 20:17

Asị ụ mẹ eyọhụrẹ hi irehi ọza. Asị ụ rẹ mẹ eyọhụrẹ hi ose ọza. Asị ụ mẹ eyọhụrẹ hi ozi ahụ ọnọrụ àa vị ọnẹẹ ọza. Asị ụ mẹ eyọhụrẹ hi imaaru àa vị ịkẹrịkẹtẹ anị. Asị ụ mẹ eyọhụrẹ hị́ ịsa tura ịsa ọnị ọza ọ̀ọ nyị.”

Ụhịrẹyị 11:1

Ẹnẹyịmavara ọ nyị ịhyẹrẹ aza ana mẹ̀ ọza rị ịnị ịsa ẹnẹ yaa ná ama o sị ịrẹyị aza ana a sị ịzẹyịza ná ịsa.

Ụhịrẹyị 16:11

Ẹnẹyịmavara ò si ka osohu ọ̀ sị ẹnya ana vọrọ mọ ịsa yị ọza, dị ọọ̄ ná a ẹhwị ẹkẹhị anị.

Ụhịrẹyị 20:14

Ọza anaa hị́ ịsa vị anaā jị ọza anaa na ụra òo si hu dị a gá ẹngụ anị ka ọnị ọ yara hị́ ịsa.

Ụhịrẹyị 20:23

Ẹnẹyịmavara ọ nyị ịhyẹrẹ aza anaa mẹ ọzaa rị ịnị ịsa anaa ná. Amẹrị ẹ yị zoza.

Ụhịrẹyị 28:24

Ọza ene ro ka ọnị ọ̀ọ kụ ẹnya aza ana ma ọnị ka ọ yị divi vi oyi obooro-obooro.

Ịrẹyị Ọzwọzịsa 5:8

Asị o hi wu eyi wee re ka aa mẹ ẹvaya yị onosiye nịnị ịnị ẹkụra, dị ọza ẹ yị zẹẹ ka à mẹ ịzẹyịza ọnịrị ịsa ana vọrọ hi wa nị. Yẹ ka ọnụkọrọ ịjọva ọzọza vị ana nyị ọga ana sị eyi pe e. Avọọ a mẹ rẹ nyị ọga ene huna ẹnị ẹyịva ana sị eyi pe wa nị.

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ijeremaya 7:6

Wẹ yị kụkụ mẹ ẹvaya yị azọga nịnị, ezi-oku nịnị avị osoku nịnị, dị wẹ̀ yị kụkụ wụ̀ ọza ẹnị ẹ yị nyị ịsị ọ mẹ ịzẹnị nịnị nị; wẹ yị kụkụ na hẹkẹ ori nịnị ene vee vu u nịnị ẹtẹ.

Ijeremaya 9:4

Ọzọza ọ sị ụvọ za ẹngụ anị ịnị ụvọ ọta anị o; dị asị a nyị ọza ana sị ayị tụra ọza ka ọnịrị ọ ọọ vị ẹyịnyara. Ka ẹyịnyara vene kuku e vene ẹngụ anka Ijekọvụ avọọ. Dị ọzọza kuku e du ọnọhụva anịị zị nị.

Ezikẹẹrị 22:13

Ọ kà ọnị vaa kụ̀rà ụvọọ kụ wa ịrẹsụ agụvị ogu ẹnẹ ẹyaa zị oze ẹnẹ ẹ̀ yị vọrọọ kụụ gụ ọnịrị agụvị aza ẹnẹ ẹ́ wụ aanị.

Ireevi 19:11

Ọ kà à sị ẹnịnị yi oyi. À sị ẹ mẹ ọza rị; dị à sị é re cheeche yị ẹngụ.

Ireevi 19:13

Ọ kà à sị ẹ mẹ ẹvaya yị ọnọhụva ẹnịnị à vị ka ẹ̀ mẹ akoo yị ọ. Ọza ọnị ẹ̀ẹ dọ ka ọ̀ mẹ̀ ụkọrọ yị ẹnị, à sị ẹ́ za a ku tu eyinẹhẹ anị dị è si ọ ụta.

Ireevi 25:14

Avọọ Anisirẹrị àaa ná ẹtẹ yị ọnọhụva anị Anisirẹrị à vị ka vaa hị́ ẹtẹ hụụnị ụvọ anị, ò re ka ọnị mẹ ịzẹyịza ịnị anị.

Ireevi 25:17

Ẹnẹyịmavara kà Anisirẹrị nịnị è hí angwa ọnị Ohomorihi, dị à sị ẹnịnị mẹ ẹngụ rị; agụvị ka, ọnị ọ vị Ẹnẹyịmavara Ohomorihi ẹnịnị nị.

Imika 2:2

Aarẹ ọza ẹnẹsa vị eni eē sị eyii tụ̀ ịnị anị, dị ẹ dọ ọ. Avọọ ẹ mẹ̀ rẹẹ sị eyii tụ́ ini irehi oni irehi dị ẹ dọ ọza ana nyị nị. Ọza ọ̀ọ dà irehi anị di e si irikichi dọ ọ, ọza ọ̀ọ nyị ogu, dị ẹ rẹ vavọọ dọ ọ.

Ịzẹhwanaya 3:1

Ịrẹyị o tù Ijerusarẹmị ẹngụ agụvị ka ẹkụra ọnọọ o si du. Aza ana ra ịzọọ aa mẹ akamawụ, dị ẹ yaa chamayị yị ẹngụ nị.

Ịzẹhwanaya 3:5

Ẹnẹyịmavara vị ana yị yà pe wa, dị aa mẹ̀ ịsa ana vọrọ nị. Eyinị-eyinị Ẹnẹyịmavara aa sị ịzẹyịza anị zụ̀ wa, ama aza edivi ene hi ịzọọ vị ana yịị mẹ̀ ebira odivi ẹnịnị, dị ụhị ẹ yị nyị wa.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Ịmaakị 10:19

Wâ yẹ ọda oni Ohomorihi mẹ ka: Asị ụ wụ̀ ọza; Asị ụ sẹ̀ ịrẹka; Asị ụ yi oyi; Asị u dọ ivenu ireche; Asị ụ mẹ ọza rị. Sị ụbanyị yị ada awụ ọnịrị ọnyị awụ.”

Iruuku 12:5

Maa kà a wụ nịnị ọza ana a vọrọ ka wee hí angwa anị nịnị: Wee hí angwa Ohomorihi, ana ahịka ọ̀ọ sị ọza wụ̀, dị ọ rẹ nyị ụkata ọyị sị ọọ ne ngụ ẹkụra. Mị ka wee hí angwa anị nịnị!

Iruuku 16:28

Agụvị ka mâ nyị ẹyịnyara ẹẹhị, ọ̀ na kà wa ọnọ, agụvị asị ẹ vẹ aha ụyọrị ọnị mị yà aanị!’

Aniroomi 1:18

Ohomorihi ọ raà sị zụ̀ hụrẹ ẹbẹẹba ọnị mẹmẹ vaa sị ọyịkụ-ọyịkụụ mẹ̀ ọkarẹyị yị aza agụvị ebira odivi ẹnẹ ẹyaa mẹẹ hi Ohomorihi ọnịrị aza. Ebira odivi ẹnẹ ẹyaa mẹ, ẹ yị zẹẹ ka aza ẹ̀ yẹ ịzẹyịza Ohomorihi.

Aniroomi 12:19

Ẹwụ nịnị ẹyịnyara amị, asị u sí atọ ịrẹyị ẹngụ awụ nịnị, oo! Ama naavọ yị Ohomorihi, di ò sí ọọ, agụvị ka â vịdị chẹrẹẹ ka Ohomorihi Ananyị yị ka, “Emeē sí atọ nị, mi vee sí atọọ varẹma.”

Aniroomi 13:4

Ọza ana nyị ọda vị ozi ahụ Ohomorihi, ụkọrọ ozoza aa mẹẹ yị wụ nịnị nị. Wàa mẹ̀ ịsa odivi, wee hí angwa anị, agụvị ka ụkata ọnọọ nyị, ọyị vị kẹnẹ-kẹnẹ, ozi ahụ Ohomorihi ọ vị nị. Ọza ana àa mẹ̀ ịsa odivi, vị aa sị ọyịkụ Ohomorihi zụ̀ ọọ nị.

2 Anịkọrịntị 7:11

Wee re ịsị Ohomorihi sị ayodu awụ nịnị mẹ aanị? Booro aanị, ayị awụ nịnị yà ịnị ịrẹyị Ohomorihi, dị ụ wụsẹ ee sì ka wa sị zụ̀ ka ẹ yị vị aza edivi ụ vị nịnị nị. Wéé re ayị mẹ̀ kụ́ wụ nịnị, dị angwa hi wu nịnị? Ayị awụ nịnị ọ kụkụ raà sị ọọ, waa vụrị ka wa sị ụya rị ọza ana mẹ̀ ịsa odivi ọnọọ nịnị. Wa raà sị zụ̀ ka wẹ yị nyị ụvọ tụ́ ịnị ịsa odivi ọnọọ nịnị.

Anigaratiya 5:21

dị ẹyaa kụ̀ ụhị, dị eyee hú eche dị aa mẹrị wa; dị ẹ rẹ yaa rị eche pooro kẹnẹ; dị ẹ rẹ yaa mẹ ẹngụ ịsa ẹnẹẹ ana vọ. Maa kà a wụ nịnị booro aanị, anka m mẹ̀ rẹ vịdị kà a wụ nịnị, ka aza ana àa mẹ ẹngụ ịsa ẹnẹẹ, ẹyị va ngụ ịzị Ohomorihi yà aa mẹ ịjọva.

Anẹhwẹsọsị 4:17

Maa sị ịrẹha Ananyị yị kà wụ nịnị ọ̀nọ̀ ka asị ụ rẹ̀ kụkụ zị ụsẹ anka anarịmadọwụ nịnị, ana ahịka ịrẹyị kẹnẹ-kẹnẹ eē ro nị.

Anẹhwẹsọsị 4:28

Ọza eneē vidii yi oyi, ọ̀ na hụụnị oyi oyiyi! Ọ̀ kụkụ naa sị ụvọ anịị mẹ̀ ụkọrọ ini oze ene zoza, dị ọ̀ zụ nyị, dị ọ̀ hyakụụ mẹ ọgụvọọ yị onosiye nịnị bẹẹ!

Anẹhwẹsọsị 5:6

Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị.

Iwe Ọhụhị Imosiisi ana aa hị́ Ọyịvatụrọda 24:7

Ọza tụra ọza anaa za Anisirẹrị ana vị ọnọhụva anị ọrịhị a vị dị ọ na ọrịhị vị ana vaa wụ̀ agụvị udivi ọ hụrẹ ẹtẹ.

Iwe Ọhụhị Imosiisi ana aa hị́ Ọyịvatụrọda 32:35

Ẹnẹyịmavara vaa họ̀ oponu, dị ọ sị ụya rị wa. Ụmẹ aa vẹ ọnị ọnịvị ẹnịnị vaa hyẹdụ; ụmẹ ọnị ịrẹyị odivi vee si tu wa ọ sị gụrị ẹtẹ.

1 Anịtẹsaronika 2:11

Wáa yẹ nịnị ka vị yaa mẹ ọza ịnya ọza ịnya awụ nịnị anka ada mẹ̀ẹ̄ mẹ ezi anị avọọ nị. Yâ tụ́ wụ nịnị ọtụtụrụma; ya rẹ sị ayohunẹnẹ yị wụ nịnị. Yê hú wu nịnị ụvọ

2 Anịtẹsaronika 1:8

Dị ọ sị ịra giri-giri vẹ, di o ve si atọ yị aza ẹnẹ ẹ̀ yị yẹ Ohomorihi, dị ẹ̀ yị rẹ dọ enube ọyịza Ijeesu Ananyị yị wụ́.

Anihiburu 13:4

Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

Anihiburu 2:6

Ama â kà a aha ọnya ini Iwe Ohomorihi ka, “Ohomorihi, sị ọza vị ana vị da, oni u wee sii ro ịrẹyị anị? Sị ozi ọza vị, dị ụ zẹẹ ka à nyị ịzị ịrẹyị anị gẹ wụ?

Ijemiisi 2:6

Ama ẹwụ nịnị aa sị oweyii re onosiye. Wáá tamayị ka ọzọbanyị nịnị ẹẹ̄ mẹ ehunaa wụ nịnị nị? Wáá yẹ ka ẹnị ẹ rẹẹ za wụ nịnịị nọ ikootu nị?

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.