1 Anịtẹsaronika 4:5 - IWE ỌNỊNỊ

⁵ asị ọ na mẹ̀ ịsa odivi ọnị ọchẹngụ anịị̄ sì, anka aza ẹnẹ ẹ̀yị yẹ Ohomorihi mẹ̀ẹ̄ mẹ!

1 Anịtẹsaronika 4:5 ပူးပေါင်းရင်းမြစ်များ

Ahẹ Ụgama 79:6

Wéē re anẹkụra ẹnẹ ẹ̀ yị hí ịrẹyị awụ ịrẹyị, dị ẹ yaa sị eyii wụ wụ. Navọ wa mẹ ọyịkụ awụ tụra aza ẹnẹẹ.

Ijeremaya 10:25

Ọ kà, ọ sị ọyịkụ anị zụ aza ana ka ẹnị ẹ yị yẹ ẹ; dị ẹnịnị ẹ yị maa hẹkẹ ẹ. Ẹnịnị ẹ sị aza Ẹnẹyịmavara wụ̀ ha; ẹ sị ẹnị vú ẹtẹ saka-saka, dị ẹ jị ẹkụra ẹnịnị eburu nị.

Imatiwu 6:32

Agụvị ka avaba ịsa ẹnẹnị ánẹhẹ ee sìi zị nị. Ada awụ nịnị ẹbẹẹba ộ yẹ ka áa vọrọ ka wa nyị ịsa ẹnẹnị nịnị.

Iruuku 12:30

Avaba ịsa ẹnẹẹ ánẹhẹ ee sìi zị nị. Ada awụ nịnị ộ yẹ ka â vọrọ ka wa nyị ịsa ẹnẹnị nịnị.

Odeyi 17:23

M màa parahu ịnị ẹkụra awụ nịnị, di mi re avaba ịzị ụụ̄ mẹ hẹkẹ nịnị; mê re ụta ọnya anaa chẹrẹ ịsa tụ́ ka: ‘Ohomorihi ọnị ọza ẹ̀ yị yẹ.’ Ohomorihi ọnọọ ọnị ụ waa hẹkẹ nịnị, dị ụ wẹ̀ yị yẹ ẹ nịnị, m maa kà ịrẹyị anịị wụ nịnị aanị nị.

Aniroomi 1:24

Agụvị avọọ di Ohomorihi kụkụ navọ wa ka ẹ̀ẹ mẹ̀ ebira ịdọtị ọnị ọchẹngụ ẹnịnị sì nị. Dị ẹ kụkụ aa mẹ̀ ebira ụhịị hi ọchẹngụ ẹnịnị nị.

Aniroomi 1:26

Agụvị ka aza vavọọ aa mẹ, di Ohomorihi kụkụ navọ wa ka ẹ̀ẹ mẹ̀ ịsa edivi ọnị ọchẹngụ ẹnịnịị̄ sì, anaā sịị ụhịị nyị ọza nị. Anyẹnẹẹ ẹnịnị bẹẹ ee du ẹhẹ, dị ẹyaa nọ ịdị ẹngụ.

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

1 Anịkọrịntị 1:21

Ịnị ịrẹyọyẹ Ohomorihi, ọyị zẹẹ ka aza ẹ̀ sị ịrẹyọyẹ ẹngụ ẹnịnị yẹ ọnị. Ama Ohomorihi ọ́ọ vavọọ sì ọọ ka enube ọyịza ọnị yaa kà, ana aza ẹnyị ro ka ụra ọ vị nị, ka aza ana àa dọ ọ wụ́ ọnị ọ̀ dọ wa há.

1 Anịkọrịntị 15:34

Varẹma waa mẹ ịzẹyịza nịnị, asị ụ rẹ̀ mẹ̀ ebira odivi nịnị! Aza ẹnyị ẹ yị yẹ Ohomorihi vụrụ-vụrụ. M maanị aa kà a, vị ụhị ọ̀ nyị wụ nịnị.

Anigaratiya 4:8

Ịjị ụ wẹ̀ẹẹ̀ yị yẹ Ohomorihi nịnị, wâ vị ọrịhị tụ́ ịnị ụvọ ori nịnị ẹnẹ ẹ̀ yị vị Ohomorihi.

Anẹhwẹsọsị 2:12

Ịnị ụmẹ ọnọọ, ẹ yị nyị ịsị ẹ vịdị kụ́ ẹwụrị Ikirisiti gẹ nịnị. Wê noze rịrị aza oni Ohomorihi nyị nịnị. Wẹ yị rẹ nyị tụ́ ịnị oto oni Ohomorihi wo yị aza anị, ọnịrị ịsa ọnị ọ kà a ka ẹ yị zụ nyị ka ọnị ọyị vaa mẹẹ yị wa. Ẹ yị nyị ịsị ụ waa tụra eyi anị nịnị; wẹ yị rẹ nyị Ohomorihi tụ́ ịnị ẹhẹ nịnị ịnị ụmẹ ọnọọ.

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

2 Anịtẹsaronika 1:8

Dị ọ sị ịra giri-giri vẹ, di o ve si atọ yị aza ẹnẹ ẹ̀ yị yẹ Ohomorihi, dị ẹ̀ yị rẹ dọ enube ọyịza Ijeesu Ananyị yị wụ́.

1Ipita 4:3

Ụmẹ ọnị vịdị sị mẹ̀ ịsa ọnị anarịmadọwụ nịnịị̄ mẹ avọọ, óo ze. Ịsị ụ vịdịị mẹ nịnị yị: Ebira kẹnẹ-kẹnẹ, ịsa edivi ọnị ọchẹngụ ọzaā sì, di u wee hú eche dị aa mẹrị wụ nịnị; dị ụ raa rị ịsa di u wee hú eche chavaa nịnị kẹnẹ. Ụ rẹẹ̄ hẹkẹ ori nịnị ana vị ịsa Ohomorihi ò yi sì vụrụ-vụrụ nịnị.