1 Anịtẹsaronika 4:4 - IWE ỌNỊNỊ

⁴ Ọzọza ọ̀ yẹ, a mẹ̀ vọrọ ka ọ̀ nyị ose anị ini oze ọnịnị ọnịrị oze ana nyị ụbanyị;

1 Anịtẹsaronika 4:4 ပူးပေါင်းရင်းမြစ်များ

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Aniroomi 1:24

Agụvị avọọ di Ohomorihi kụkụ navọ wa ka ẹ̀ẹ mẹ̀ ebira ịdọtị ọnị ọchẹngụ ẹnịnị sì nị. Dị ẹ kụkụ aa mẹ̀ ebira ụhịị hi ọchẹngụ ẹnịnị nị.

Aniroomi 12:1

Ẹwụ nịnị ẹyịnyara amị, aarịhịnị, maa sị ayamva Ohomorihii dá ịpẹẹ wụ nịnị ẹtẹẹtẹrẹ. Navọ wa sị avaba ẹngụ awụ nịnị yị Ohomorihi anka ịsa ịsọvọ ana yára, dị ọ vị ọnịnịn, di o re zé Ohomorihi eyi! Ọnọọ ọ vị ahẹkẹ Ohomorihi obooro anaa vọrọ ka waa mẹ nịnị nị.

Aniroomi 6:19

Maa sị ịrẹyị ọzaa juwe anị, agụvị ka ịrẹyị ọ mā hụra ye wu nịnị. Ịyẹẹyẹ, wâ vịdị sị ọchẹngụ awụ nịnị mẹ̀ ebira ịdọtị, dị ụ raa mẹ̀ ebira edivi-edivi nịnị nị. Kụkụ rẹ vavọọ sị ọchẹngụ awụ nịnị yị Ohomorihi booro aanị, dụ wa kụkụụ mẹ̀ ịsa ana vọrọ, ọnọọ vị ka ebira ọnịnị!

1 Anịkọrịntị 6:15

Wáá yẹ ka ẹngụ ẹwụ nịnị rẹ vị ọchẹngụ Ikirisiti? Máá zụ sị ọchẹngụ Ikirisiti dị ma rẹ na vàa hura ọchẹngụ ọsẹrẹka? Asị Ohomorihi zẹẹ!

1 Anịkọrịntị 7:2

Ama agụvị ịrẹkọyịsẹ, ọzọza ọ̀ nyị ọnẹẹ anị, dị ọnẹẹ ọzọza ọ̀ va ọnọrụ anị.

1 Anịkọrịntị 7:9

Ama ẹnịnị ẹ̀ yị zụ sị ụvọ za ẹngụ ẹnịnị, ẹ̀ na nyị ọnẹẹ. Ọza ọ̀ọ vana nyị ọnẹẹ, ọ́ọ dahi hu ka ụngwẹ ara ọ̀ọ kụ̀ ọọ, dị ọ̀ọ sị ụyaa rị ọ.

2 Anịkọrịntị 4:7

Ẹyị ọnịsa obooro maanị yà ịnị ayị anị aanị, ẹyị vị ana sị mẹẹ anka ụnọkọ ụvụ-ụvụ kẹnẹ. Ọnọọ ọ sị zụ̀ ka Ohomorihi ọ nyị ụkata ọnọọ nị, ẹ yị vị ẹyị.

Anihwiripi 4:8

Ẹwụ nịnị ẹyịnyara amị, maa za ịrẹyị amị ịrẹsụ. Ẹngụ ịrẹyị ẹnẹnị a vọrọ ka wee ro nịnị nị: ịrẹyị ana àa vị ịzẹyịza, dị ọ vị ịrẹyị obooro nị, ọnịrị ịrẹyị ana àa vọrọ, dị ọ rẹ nị nị, beri ịrẹyị ana aza èe sì ịrẹyị anị, dị a raa kà ọyịza anị nị; ịsị ẹ̀ẹ vị ebira ozoza, dị aza raa ga a nị, wee ro ẹngụ ịrẹyị ọnọọ nịnị.

Anihiburu 13:4

Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

1Ipita 3:7

Ẹwụ nịnị ọva, wa rẹẹ mẹ̀ ebira ẹtẹẹrẹ hi ese wu nịnị bẹẹ, wâ yẹ nịnị ka ọkụmị ẹ vị nị. Sị ụbanyị yị wa, agụvị ka Óhomorihi mẹ̀ sị ụhwẹ ana yára pooro zịna-zịna mẹ wụ ẹyịza, avọọ ọ mẹ̀ rẹ sị yị ese wu nị. Wa vavọọ mẹ nịnị, agụvị asị a nyị ịsị ẹ dọ aduwa awụ nịnị oro.

1 Ịsamụwẹrị 21:5

Di Idevidi ka yẹ mā kanyị ọnẹẹ yàa maanị aa jịnẹ. Aza ẹnịnị ẹ̀ẹ hyakụ aa jịnẹ kẹnẹ, vị ẹẹ̄ za ido nị, dị ma va na kà ụsẹ ẹnị ẹ yaa zị ajịnị aanị.