1 Anịtẹsaronika 4:3 - IWE ỌNỊNỊ

³ Ohomorihi óo sì ka wa vị ọnịnị nịnị, dị asị ụ nyị ụvọ tụ́ ịnị ịrẹkọyịsẹ nịnị vụrụ-vụrụ.

1 Anịtẹsaronika 4:3 ပူးပေါင်းရင်းမြစ်များ

Ahẹ Ụgama 143:10

Ẹwa vị Ohomorihi amị nị. Navọ ịsị wèe sì ka ma mẹ, ma yẹ. Navọ ò zee mi, dị waa zụ̀ mị oze ọnị mi vaa zi, di asị a nyị ịrẹyị.

Ahẹ Ụgama 40:8

Ẹwụ Ohomorihi amị, ịsị e zee wu eyi m mee sì ka ma mẹ nị. Oze ọnị ụ ka ma zị vị ọnị mị sị tụ́ ịnị ayị.

Ireevi 15:18

Ọnọrụ ọnịrị ọnyẹnẹẹ ẹ̀ẹ sụ, enyi jịnẹ hụụnị ẹngụ ẹnịnị nị, ẹnị ẹyịva vaa hụ enyi. Ẹnịnị ẹ́ yị vaa nị pooro dị oruva ịhị ọnọọ ò tu.

Imatiwu 12:50

Ọza ana àa mẹ̀ ịsa ana Ada amị ẹbẹẹba sì, ọnị ọ vị ọyịnyara amị ọnịrị onyeyiza amị beri ọnyị amị nị.”

Imatiwu 15:19

agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ.

Imatiwu 5:32

Ama ẹma kà a wụ nịnị nị ka ọza ene èe yi ose anị, ẹ̀ yị vị ọ hụhụ sẹ̀ ịrẹka, ọ́ọ mẹ̀ ẹ ka ọ̀ sẹ̀ ịrẹka, ọ̀ọ na nyị ọnọrụ ọsa. Ọza ana àa nyị ọnẹẹ ọnọọ ene e yi, vị ana rẹ sẹ̀ ịrẹka.”

Imatiwu 7:21

“Ẹ yị vị avaba aza ana aa hị́ mị ka: ‘Ananyị yị!’ ẹ vaa ngụ ịzị Ada ayị ẹbẹẹba yà aa mẹ ịjọva; ẹ̀ yị vị aza ana aa mẹ̀ ịsa ana Ada amị ẹbẹẹba sì ka ẹ̀ mẹ.

Ịmaakị 3:35

Ọza tụra ọza ana àa mẹ̀ ịsa oni Ohomorihi sì, ẹnị ẹ vị ẹyịnyara amị ọnịrị onyeyiza amị beri ọnyị amị nị.”

Ịjọọnụ 4:34

Dị Ijeesu va kà a yị wa ka, “Ịsọyịrị amị ọ vị ka ma mẹ̀ ịsa ọnị ọza ana tụ́ mị vẹ ẹhẹ sì, dị ma mẹ̀ ụkọrọ anị ta nị.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Odeyi 15:20

Ama à vẹ ya chẹrẹ iwe tụ́ hi wa ka asị ẹ nyị ụvọ tụ́ ịnị ịrẹyị ori, ka ọ va vara wa aza ẹnẹ ẹ̀ yị nị. À rẹ kà a yị wa ka asị ẹ rẹ sẹ̀ ịrẹka, asị ẹ rẹ̀ rẹ rị uye enee sima ọrọkọ wụ. Asị ẹ rẹ rị anya.

Odeyi 15:29

Asị ụ rị ịsa ana a sị mẹ̀ ịsọvọ hi ori nịnị! Asị ụ rị anya nịnị; asị ụ rẹ rị uye enee sima ọrọkọ wụ nịnị! Asị ụ rẹ sẹ̀ ịrẹka nịnị! O vee zoza, wàa sị eyi pe ẹngụ awụ nịnị, dị ụ wẹ̀ yị mẹ̀ ịsa ẹnẹnị nịnị nị. Adịhyọsa nịnị!”

Odeyi 20:32

“Booro aanị, mâ sị wụ nịnị chire Ohomorihi ụvọ ka ò sere wu nịnị. Ma rẹ sị wụ nịnị chire ịrẹyị ayamva anị ụvọ. Ịrẹyị ọnọọ ọ zụ sị wụ nịnị vịra, dụ wa rẹ zụ nyị tụ́ ịnị ẹyịza oni Ohomorihi raà sị tẹ yị aza ọnọọ nyị tụ́ irenyi yị ẹngụ anị.

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Aniroomi 1:29

Avaba ebira odivi vị ana yarị wa. Ẹyaa sẹ̀ ịrẹka, ẹyaa mẹ̀ ịsa edivi, ẹ rẹ yaa mẹ eyọhụrẹ, ệ nyị ayị odivi, dị ẹyaa kụ̀ ụhị pooro. Ẹyaa wụ̀ ọza, ẹyaa zyaazị, di eyee vene ọza, di e re yee sì ka eni ee du ọza ịrẹsụ. Dị ẹyaa kụ́ ọza ịrẹkaa zị,

Aniroomi 12:2

Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.

Aniroomi 6:22

Booro aanị, Ohomorihi ọ sị wụ nịnị dọ tịtẹ hụụnị ụvọ ịvị, wa sị vara ozi ahụ Ohomorihi nịnị. Ọgụ ọnị ụ rị nịnị ọ vị ka wa kụkụ zụ aa mẹ̀ ebira ọnịnị nịnị. Ọdịrẹma anị ọ vị ka ụ vaa yàra nịnị pooro zịna-zịna ị́da Ohomorihi.

1 Anịkọrịntị 1:30

Ohomorihi ọ raà sị wụ nịnị ka ẹwụrị Ijeesu Ikirisiti ọ̀ vị ọnya nịnị. Ohomorihi ọ rẹ raà mẹ ka Ikirisiti ọ̀ vị ịrẹyọyẹ ayị. Ikirisiti ọ jị ịhị yị ọ́vịdị Ohomorihi nị, ọ sị yị vara aza ọnịnị Ohomorihi, ọ rẹ sị yị hị́ varẹma hụụnị avaba ịsa edivi.

1 Anịkọrịntị 7:2

Ama agụvị ịrẹkọyịsẹ, ọzọza ọ̀ nyị ọnẹẹ anị, dị ọnẹẹ ọzọza ọ̀ va ọnọrụ anị.

2 Anịkọrịntị 12:21

Ọ́ maa navọ, màa na vẹ ịhị ọsa, asị Ohomorihi amị na kà mi chi ini eyi awụ nịnị. Dị maa jị òrèrè agụvị aza ọrụrụ-ọrụrụ ana vịdị mẹ ịvị dị è yi ro ịnẹ varẹma hụụnị ebira ịdọtị ẹnịnị ọnịrị ịrẹkọyịsẹ beri ebira kẹnẹ-kẹnẹ ẹnịnị.

Anigaratiya 5:19

Ịsa anaā hụụnị ariro ọza vẹ, ẹyị tẹ, ẹnị yị: ẹnị ẹẹ̄ mẹ ka aza ẹ̀ẹ sẹ̀ ịrẹka dị ẹyaa mẹ ụnọ, dị ẹ rẹ yaa mẹ̀ ebira ịdọtị, dị ẹyaa mẹ̀ ebira kẹnẹ-kẹnẹ;

Anẹhwẹsọsị 5:17

Agụvị avọọ asị ụ vị ọnụra nịnị, ama re ka wáa yẹ ịsa oni Ohomorihi sì ka wa mẹ nịnị!

Anẹhwẹsọsị 6:6

Asị ụ mẹ̀ ebira omeyọza kẹnẹ nịnị, ama waa sị ayị ọnyaa mẹ̀ ụkọrọ awụ nịnị anka ezi ahụ Ikirisiti ene ee sì ka ẹnị ẹ̀ mẹ ịsị Ohomorihi sì!

Anikorasi 1:9

Agụvị avọọ, ị mẹ̀ hụrẹ wụ́ ọ, ị hụrẹ aa mẹ ịpọdaa yị Ohomorihi agụvị awụ nịnị nị. Yaa dá ịpẹ ka ọ̀ sị zụ̀ wụ nịnị gedebee ịsa oni o sì, dị Ụhwẹ Ọnịnị ọ̀ sị ịrẹyọyẹ yị wụ nịnị ịnị avaba ịsa.

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

Anikorasi 4:12

Epahwirasi ka ọnị rẹ kụ́ wụ nịnị. Anda awụ nịnị ọnị rẹ vị, dị ọ rẹ vị ozi ahụ Ijeesu Ikirisiti nị. Ọọ̄ mẹ̀ aduwaa wụ nịnị ẹtẹẹtẹrẹ, ka waa vịraa tụ́ ịnị ịsa Ohomorihi nịnị; dụ wa zụ yẹ ịsị Ohomorihi sì, dị ụ wa rẹ zụụ mẹẹ nịnị.

1 Anịtẹsaronika 4:2

Wáa yẹ ọda ọnị ị sị ụkata Ijeesu Ananyị yị mẹ wụ nịnị.

1 Anịtẹsaronika 4:4

Ọzọza ọ̀ yẹ, a mẹ̀ vọrọ ka ọ̀ nyị ose anị ini oze ọnịnị ọnịrị oze ana nyị ụbanyị;

1 Anịtẹsaronika 5:18

Ịsa tụra ịsa ana àaa mẹ, waa kụ́ Ohomorihi avọọ pooro. Ẹ́wụrị Ijeesu Ikirisiti mẹ̀ sị vị ọnya nịnị aanị, ịsị Ohomorihi sì ka wa kụkụụ mẹ nịnị ọ vị ọnọọ nị.

1 Anịtẹsaronika 5:23

Ohomorihi anaā sịị ẹngwọọrọọ yị, ọ̀ mẹ ka ayị awụ nịnị ọ nị saka-saka. Ohomorihi ọ̀ navọ ivehu awụ nịnị ọnịrị ariro awụ nịnị ne beri ọchẹngụ awụ nịnị ẹ̀ vị ọnịnị; dị asị ụ nyị ohuvọ nịnị vụrụ-vụrụ ịnị ẹkụhị ọnị Ijeesu Ananyị yị vaa sị vaa vẹ.

2 Anịtẹsaronika 2:13

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị ana Ananyị yị sì ịrẹyị anị. Ohomorihi ọ nyị ẹwụ nịnị tịtẹ hụrẹ ụmọrụmọ ka ọnị ọ̀ dọ wụ nịnị há nị. Ọ́ vavọọ mẹ ini oze Ụhwẹ Ọnịnị ana vara wụ nịnị ọnịnị ọnịrị ka wâ dọ ịzẹyịza wụ́ nịnị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Anihiburu 10:36

Áa nyị ka wa nyị isuuru nịnị, agụvị wàa ịsa oni Ohomorihi sì, mẹ nịnị, dụ wa zụ dọ ịsa ọnị ọ zẹẹ wụ nịnị ịzẹzẹ anị.

Anihiburu 12:16

Asị a rẹ nyị ọza ana na vị ọsẹrẹka ọnịrị ọza ẹnẹ ẹ̀ yị tẹsị ịrẹyị Ohomorihi anka Iisọ! Iisọ ọ́ọ hụ agụvị ịsọyịrị ụpẹ ọnya kẹnẹ ná ọzọkụ anị yị ọhụva anị.

Anihiburu 13:21

Ohomorihi ọnọọ ọ̀ sị avaba ịsa ozoza yị wụ nịnị, dị ụ wa zụ mẹ̀ ịsa oni o sì ka wa mẹ nịnị! Ohomorihi ọ̀ rẹ mẹ yị ini oze Ijeesu Ikirisiti, dị ya zụ vị ịsị o sì ka ya vị. Ijeesu Ikirisiti ọnọọ ọ vaa nyị ụbanyị pooro zịna-zịna nị. Aamị.

Anihiburu 13:4

Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

1Ipita 1:2

Ohomorihi Ada ayị ô vịdị si o ro tịtẹ, dị ọ va nyị wụ nịnị nị. Ộ sị Ụhwẹ Ọnịnị anị nyị wụ nịnị tịtẹ yị ẹngụ anị, ka wa wụ́ ịrẹyị Ijeesu Ikirisiti nịnị, dị e che anya anị sẹ́ wụ nịnị. Ohomorihi ọ̀ mẹ ọyịza ọnịrị ẹngwọọrọ anị yị wụ nịnị hu avọọ hu avọọ!

1Ipita 4:2

Ịnị avaba ẹhẹ awụ nịnị ana vọ, sị ụ kụkụ sị ẹngụ awụ yị ịsa ẹhẹ ọnọnị ọnị ọchẹngụ ọzaā sì! Ama wee sì ịsị Ohomorihi òo sì nịnị.

1 Ịjọọnụ 2:17

Yẹ ka ẹhẹ vị ana aa ta; avaba ịsa ene hi ịnị anị ana aza sị eyi tụ́ ịnị anị, ẹnị vị ene ree du. Ama ọza ana àa mẹ̀ ịsa oni Ohomorihi sì, ọnị ọ vaa jẹẹ pooro zịna-zịna nị.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.