1 Anịtẹsaronika 3:8 - IWE ỌNỊNỊ

⁸ Yáa yẹ ka yáa yàra ịzẹyịza, agụvị ka wa jị jẹẹ pe Ananyị yị geri-geri nịnị.

1 Anịtẹsaronika 3:8 ပူးပေါင်းရင်းမြစ်များ

Ahẹ Ụgama 30:5

Ọ mā kụ́ ayị gọdọ ama vị ọọ̄ mẹ ọyịzaa yị ọza pooro ịnị ẹhẹ nị Ọza ọ zụ jị òrèrè ịrahụ, ama eyi ọ̀ọ naa nị dị ịnẹ anị kuku ee hine.

Ịjọọnụ 15:4

Navọ ya vị ọnya nịnị, dị ẹmịrị ẹwụ nịnị ọ̀ vabẹ. Wâ yẹ nịnị ka avọ́ ọchị ẹ yị zụ tụ́ ẹtụtụ yị ẹngụ anị àa sị ọ dà hụụnị ọchị obooro. Avọọ ẹwụ nịnị ọ̀ yị mẹ̀ rẹ nyẹngụ nyị ẹtụtụ, ẹ̀ yị vị ụ zẹẹ ka ẹmịrị ẹwụ nịnị ọ̀ vị ọnya nị.

Ịjọọnụ 15:7

Wàa zẹẹ ka ẹmịrị ẹwụ nịnị ọ̀ vị ọnya, dị ịrẹyị amị yà ịnị ayị awụ nịnị nị, we zụ họ̀ use ịsa tụra ịsa ene èe zé wu nịnị eyi, ụ waa nyị ọọ nịnị.

Ịjọọnụ 8:31

Dị Ijeesu kà a yị Aniju nịnị ana sị ayị tụra a ka, “Wàa yịị sị ụvọọ za ịrẹyị amị nịnị, ịjọnọọ ụ vaa vị ezirẹma amị obooro nịnị.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

1 Anịkọrịntị 16:13

Wee zi nịnị, jẹẹ geri-geri ịnị ẹdọwụ awụ nịnị, nyị ọtụtụrụma, dị ụ wa nyị ụkata nịnị!

Anigaratiya 5:1

Ikirisiti ọ sị yị dọ hụụnị ọrịhị, agụvị avọọ, áa vọrọ ka wa jẹẹ geri-geri nịnị anka ọza ana nyị ẹngụ anị. Asị ụ kụkụ zẹẹ ka ọza ọ va vara wụ nịnị ọrịhị.

Anẹhwẹsọsị 3:17

Mị raa mẹ̀ aduwa ka Ikirisiti ọ̀ yà ịnị ayị awụ nịnị, ụ màa sị ayịị tụraa nịnị. Ọ̀ navọ wee sì ịrẹyị aza nịnị, ana zụ mẹ ka wa jẹẹ geri-geri nịnị,

Anihwiripi 1:21

Àa vị ẹmị yọ, màa yára, dị mè yị nyị Ikirisiti nị, ẹ yị nyị ka maa mẹ̀ ẹhẹ. Màa va nyị Ikirisiti, di mi sú nị, ọgụ ọ vị mị nị.

Anihwiripi 1:27

Ịsị ẹ vị ịrẹyị obooro ọ vị ka ebira awụ nịnị ọ̀ yà anka ọ mẹ vọrọ tụra ọza ana dọ enube ọyịza wụ́. Me ve hee wu nịnị oo, mẹ yị vẹ oo, mee sì ka ma wụ́ ka wáa sị ayị ọnya jẹẹ geri-geri nịnị, di u we duduu sị ọnyaa dụ ịrẹyị enube ọyịza ọnị ụ dọ wụ́ nịnị.

Anihwiripi 4:1

Ẹwụ nịnị ẹyịnyara amị, máa da sì ịrẹyị awụ nịnị kẹnẹ. Eyi awụ nịnị aa tụra mị. Ụụ̄ daa mẹ ka ịnẹ amị òo hine nịnị; ẹwụ nịnị ọ vị ọgụ ụkọrọ amị nị. Ẹwụ nịnị ẹyịnyara amị, ẹwụrị Ananyị yị ọ sị vị ọnya, agụvị avọọ jẹẹ geri-geri nịnị.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

1 Anịtẹsaronika 3:7

Ẹwụ nịnị ẹyịnyara amị, ịnị avaba ụyọrị ọnịrị akanya ayị, ayị ayị ộ nẹtẹ agụvị awụ nịnị, agụvị ka wa sị sị ayị tụra Ikirisiti nịnị.

Anihiburu 10:23

À vẹ ya jẹẹ geri-geri, dị ya sị ụvọ za ịsa ọnị ị ka yáa dọ wụ́! Ohomorihi ana zẹẹ yị ịzẹzẹ, a zụ sị ayị tụra a.

Anihiburu 3:14

Oyitureyi ọnị ị nyị ịpaapa, yàa yị sị ụvọ zaa pooro ne tù ẹtẹ, ị vaa nyịị tụ́ ịnị ịsa Ikirisiti.

Anihiburu 4:14

Yaa nyị ọza ịnya ana yà anka ohirẹsụ ọbanyị irehi Ohomorihi avọọ. Ọza ọnọọ ọ vị Ijeesu Ozi Ohomorihi ana zị nọ ẹbẹẹba nị. Agụvị avọọ, à vẹ ya sị ụvọ za ịsa ọnị ka yaa dọ wụ́ geri-geri.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

2Ipita 3:17

Àa vị ẹwụ nịnịị yọ, anda ayị, wa sị ịsa ẹnẹnị yẹ nịnị da. Agụvị avọọ sị eyi pe ẹngụ awụ nịnị! Asị ụ zẹẹ ka aza ẹnẹẹ ẹnẹ ẹ̀yị mā wụ́ ịrẹyị Ohomorihi avọọ, è vene wu nịnị na ngụ ini eyi oyinyee ẹnịnị! Asị ụ rẹ zẹẹ ka ẹ̀ tụ́ wụ nịnị ụvọ hụrẹ aha ọyịza ọnị ụ yà nịnị!

Ẹtore 3:11

Re, maa vẹ ịsọọnị-ịsọọnị. Sị ụvọ za ịsụ wàa nyị ka ọza ẹnẹsa va dọ wụ ọgụ awụ!

Ẹtore 3:3

Tamayị ịsa ana a vịdị sị zụ̀ wụ nịnị, dị ụ rẹ dọ ọ. Sị ụvọ za a nịnị, di u we ro ịnẹ varẹma. Wè yi yee zí nịnị, mị vanaa vẹ kẹnẹ anka oyi avọọ nị, dị ụ wẹ yị yẹ ụmẹ ọnị mee sii vee tù wu nịnị nị.

1 Ịsamụwẹrị 25:6

Ọ kà ẹ̀ kà a yọ ka Ohomorihi ọ̀ sị ụhwẹ ọgọdọ ọnịrị ẹngwọọrọ yọ beri aneehi anị. Ọ kà ẹ̀ rẹ kà a ka Ohomorihi ọ̀ sị ẹngwọọrọ yị avaba ịsị ọ̀ọ nyị.