1 Anịtẹsaronika 3:6 - IWE ỌNỊNỊ

⁶ Itimoti ọ va zị hụụ ịdị awụ nịnị ve tù yi. Enube ọnị ọ za va kà a yị, óo zoza ka vị ụ yị sị ayị tụra Ikirisiti nịnị, du u ree yii sì ịrẹyị ọza nịnị nị. Ọ kà waa tamayị ayị nịnị pooro, ọnịrị ka eyi ayị aa tụra wụ nịnị ẹtẹẹtẹrẹ, anka éyi ẹwụ nịnị ọnị mẹ̀ raa tụra ẹyị.

1 Anịtẹsaronika 3:6 ပူးပေါင်းရင်းမြစ်များ

Ụhịrẹyị 25:25

Enube ọyịza ana hụrẹ aha ẹnẹẹnẹ vẹ sị mẹ anka ọza ọ sị enyi ohunẹnẹ yị ọza ene enyi aa kụ ịnị ọhahị avọọ nị.

Ayịsaya 52:7

Ộ da zoza ka è vene re ka ọnụtụ aa vẹ ịrẹsụ ataba, anaa vaa kà enube ẹngwọọrọ dị ọ sị enube ịrajẹ ve. Ọza ana vaa kà a ka, “wa sị ha nịnị”. Ọza ana vaa kà a yị Ịzayọnị ka, “Ohomorihi awụ nịnị ọ vị Ohinọyị nị”.

Odeyi 16:1

Ịpọọrụ ọ na ngụ Idabe ọnịrị Ịrịsịtịra. Â nyị ọdọwụ ọnya aanị ana ra ịzọọ, ana aā hị́ Itimoti. Ọnyị anị ọnị rẹ vị ọdọwụ, dị ahịka Aniju ọ vị nị. Ama ada anị vị Anigiriki.

Odeyi 18:1

Ịrẹma ịrẹyị ẹnẹnị, dị Ịpọọrụ hụrẹ Atẹnị, dị ọ nọ Ịkọrịntị nị.

Odeyi 18:5

Ịjị Isira ọnịrị Itimoti hụrẹ Imasedoniya vẹ, dị Ịpọọrụ kụkụ nyayịnẹ aa kà enube ọyịza nị. Dị aa kà a yị Aniju nịnị ka Ijeesu ọ vị Ikirisiti nị.

1 Anịkọrịntị 11:2

Mâ yẹ ka waa tamayị amị nịnị ini oze tụra oze. Wâ mẹẹ ẹtẹẹrẹ nịnị. Waa yịị saasa ịsa ọnị mị raà sị zụ̀ wụ nịnị.

1 Anịkọrịntị 13:13

Ịsa ana vaa yà pooro zịna-zịna ẹ vị ẹdọwụ, ọyịtureyi ọnịrị ịrẹyị ọza oyisì nị. Ịnị ịsa ẹyịta ẹnẹnị, ịrẹyị ọza oyisì o hu keekere nị.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anihwiripi 1:8

Ohomorihi ọ́ọ yẹ ka Ijeesu Ikirisiti ụvọta ọ mẹ ka eyi awụ nịnị ọ̀ọ tụra mị ẹtẹẹtẹrẹ nị.

Anikorasi 1:4

agụvị ka yâ wụ́ ka waa sị ayị tụra Ijeesu Ikirisiti nịnị, ọnịrị ka wee sì ịrẹyị aza Ohomorihi nịnị.

Anikorasi 4:18

Ẹmị ụvọta aa chẹrẹ ọsọnị aanị nị: Wáá dahi nịnị? Tamayị ka ịnị ẹngwa mị yà ịzẹnị nị. Ohomorihi ọ̀ mẹ ọyịza wụ nịnị o.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

1 Anịtẹsaronika 2:17

Ẹwụ nịnị ẹyịnyara amị, a sị ẹyịrị ẹwụ nịnị há hi ịnị ụmẹ chee. Ama ayị ayị ọ yị yị hụụ ịdị awụ nịnị. Eyi awụ nịnị aa tụra ayị ẹtẹẹtẹrẹ. Yâ sị vụrị ẹtẹẹtẹrẹ ka ya sị eyi re wu nịnị.

1 Anịtẹsaronika 2:9

Ẹwụ nịnị ẹyịnyara amị, wáa tamayị, ị mẹmẹ mẹ̀ ụkọrọ, di i re osiye. Yáa mẹ̀ ụkọrọ ọọdụ ọnịrị ịrahụ, agụvị asị ị na vị ẹnya yị ọzọnyị-ọzọnyị awụ nịnị, ị màa kà enube ọyịza Ohomorihii yị wụ nịnị.

1 Anịtẹsaronika 3:7

Ẹwụ nịnị ẹyịnyara amị, ịnị avaba ụyọrị ọnịrị akanya ayị, ayị ayị ộ nẹtẹ agụvị awụ nịnị, agụvị ka wa sị sị ayị tụra Ikirisiti nịnị.

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

1 Itimoti 1:5

Iruvo ọnị maa sịị kà wụ ọnọ ọnọnị ọ vị ka ọ̀ mẹ ka anị ịzọọ ẹ̀ zụ nyị ịrẹyị ọza oyisì ana hụụnị ayị aza ana sị ayị tụra Ohomorihi obooro vẹ.

2 Itimoti 1:3

Máa kụ́ Ohomorihi avọ, ọnị maa sị ayị ọnyaa hẹkẹ anka ohiku ayị nịnị avọọ. Màaa mẹ̀ aduwa ụmẹ tụra ụmẹ, ọọdụ ọnịrị ịrahụ, mịị̄ tamayị awụ.

Ihwirimọnị 1:5

Mị vavọọ aa mẹ, agụvị ka máa wụ́ ka wee sì ịrẹyị aza Ohomorihi, dị ụ rẹ sị ayị tụra Ijeesu Ikirisiti Ananyị yị nị.

Anihiburu 13:3

Waa tamayị aza ene hi ịnị ẹngwa nịnị, anka òo rere vị ka ẹwụrị wa ọ yà ịnị ẹngwa nịnị nị! Rẹ tamayị aza ana aa rị ụya nịnị, anka òo rere vị ka ẹwụrị wa aa rị ụya nịnị nị!

Anihiburu 13:7

Tamayị ọdọvịdị awụ nịnị ana kà ịrẹyị Ohomorihi wụ nịnị! Zama ọdịrẹma ẹhẹ ẹnịnị re, dị ụ wa sị ayị tụra Ohomorihi anka ẹnịnị!

1 Ịjọọnụ 3:23

Ọda ọnị ọ́ mẹ yị yị: ka ya sị ayị tụra Ijeesu Ikirisiti Ozi anị, di ye re sì ịrẹyị ẹngụ. Ọda anị ọ vị ọnọọ nị.