1 Anịtẹsaronika 3:3 - IWE ỌNỊNỊ

³ agụvị asị ana nyị ọza ana vara ayị ịnị awụ nịnị agụvị ụya ọnị ụ waa rị nịnị aanị. Ẹwụ nịnị nyẹmba ọ́ọ yẹ ka ụyọrị yà ịnị ịsa oni Ohomorihi sì ka ò tù yi.

1 Anịtẹsaronika 3:3 ပူးပေါင်းရင်းမြစ်များ

Ijoovu 23:14

Ọ vaa mẹ ịsị ọ ka ọnị aa mẹ yị ọnị ịnị ịsa ọrụrụ ọnị ọ mẹ eto anị.

Ahẹ Ụgama 112:6

Nyị ịsị e zụ zizi ẹngụ aza ẹnẹẹ. Aza ana aā mẹ̀ ebira ana vọrọ vị ana a vaa tamayị anị pooro.

Iruuku 21:12

Dị ịsa ẹnẹnị ẹ̀ va mẹ, a vaa za wụ nịnị, dị aa sị ụyaa rị wụ nịnị. A vaa za wụ nịnịị nọ ini irehi Ohomorihi, dị ẹ kụ́ wụ nịnị hi ịnị ẹngwa. A rẹ vaa za wụ nịnịị nọ ịdị ohinọyị ọnịrị ọdọvịdị nịnị agụvị amị.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Odeyi 2:25

Idevidi ộ vịdị kà a ini oze Ijeesu ka: “Mee re Ohomorihi Ananyị yị ọ́vịdị amị ụpọsa-ụpọsa; ọ yà eyi ụvọrị amị, ẹ yị nyị ịsị ẹ zụ mẹ mị.

Odeyi 21:11

O mè ve tù yi, dị ọ sị ịbanụ Ịpọọrụ, dị ọ sị sụ́ ahụ anị ọnịrị ụvọ anị nị. Dị ọ ka, “Ụhwẹ Ọnịnị ka aanị Ániju nịnị ene hi Ijerusarẹmị mẹ̀ vaa sụ́ ọza ana nyị ịbanụ ọnọnị nị, dị a sị ọọ chire Anigiriki nịnị ụvọ.”

Odeyi 21:13

Dị Ịpọọrụ ka, “Sụ waa mẹ nịnị aanị, dị waa jị òrèrè nịnị? U wee sì ka we du mi ayị nịnị nịị? Mê tenyi ẹngụ ka à wụ̀ mị Íjerusarẹmị agụvị ịrẹha Ijeesu Ananyị yị, ayị vị ka à sụ́ mi orupa kẹnẹ.”

Odeyi 9:16

Ẹmị ụvọta vaa sịị zụ̀ ọọ ụya ọnị ọ vaa rị agụvị amị.”

Aniroomi 5:3

Ẹ yị vavọọ kẹnẹ, ị raa jẹ ịrajẹẹ tụ́ ịnị ụya ọnị yaa rị aanị bẹẹ, agụvị ka yâ yẹ ka ụyọrị vị anaā mẹ ka ọza ọ̀ zụ sị ẹngụ dọ ịrẹyị.

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

1 Anịkọrịntị 4:9

Vị ọ sị mẹẹ ini eyi amị ka ẹyị odeyi, Óhomorihi sị tụ́ udi oweyi hu keekere ịnị avaba aza nị. Vị ị sị mẹẹ anka aza ana a sị ọkarẹyị isu mẹ yị avọọ nị. Yáa jẹẹ ịnị ịnọyị-ịnọyị ka avaba ịsa, àa vị anggẹẹrị nịnị, àa vị aza dị èe re yi.

Anẹhwẹsọsị 3:13

Aarịhịnị, asị ụ na zẹẹ ka ayị awụ nịnị ọ̀ vazi agụvị ụya ọnị maa rịị yị wụ nịnị! Avaba anị vị ọgụ yị wụ nịnị.

Anihwiripi 1:28

Asị u hí angwa ọnịvị awụ nịnị vụrụ-vụrụ. Ọnọọ vaa sị zụ̀ wa ka ẹnịnị vee vu ẹtẹ, ama ẹwụ nịnị vaa nyị ehuna, ọnịrị ka Ohomorihi ọ yà ịrẹma awụ nịnị nị.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

1 Anịtẹsaronika 5:9

Ohomorihi ọ yị nyị yị ka ọnị ọ̀ va kụ́ ayị hi yi. Ama ee sì ka ya va nyị ẹdọha ọnị Ijeesu sịị̄ yị ọza.

2 Anịtẹsaronika 1:4

Agụvị avọọ ẹyị nyẹmba aa sị wụ nịnịị mẹ ụbanyị ịnị anịragụ Ohomorihi nị. A mẹ̀ daka aa yịị sị ụya irenyi-irenyii rị wụ nịnị, waa yịị sị ẹngụụ dọ ọ nịnị, dị ụ waa yịị sị ayịị tụra Ikirisiti nịnị nị.

2 Itimoti 1:8

Asị ụ na nyị ụhị ọ̀yị kà ịrẹyị Ananyị yị! Asị ụ rẹ na nyị ụhị agụvị ẹmị ana yà ịnị ẹngwa agụvị anị. Ama è wè re tenyi ẹngụ anka Óhomorihi ọ̀ọ mẹ̀ sị ụkata wụ, dị ụ wa nyị ụvọ tụ́ ịnị ụya ọnị ọzaa rị agụvị enube ọyịza.

1Ipita 2:21

Oze oni Ohomorihi hị́ wụ nịnị tụ́ ọ vị ọnọọ nị, agụvị ka Ikirisiti nyẹmba ộ rị ụya yị wụ nịnị. Ộ tụ́ oze tịtẹ yị wụ nịnị ka wa vavọọ sị ahụ anịị hi ẹtẹ nịnị.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

Ẹtore 2:13

Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.