1 Anịtẹsaronika 2:9 - IWE ỌNỊNỊ

⁹ Ẹwụ nịnị ẹyịnyara amị, wáa tamayị, ị mẹmẹ mẹ̀ ụkọrọ, di i re osiye. Yáa mẹ̀ ụkọrọ ọọdụ ọnịrị ịrahụ, agụvị asị ị na vị ẹnya yị ọzọnyị-ọzọnyị awụ nịnị, ị màa kà enube ọyịza Ohomorihii yị wụ nịnị.

1 Anịtẹsaronika 2:9 ပူးပေါင်းရင်းမြစ်များ

2 Ohinọyị 6:2

Jẹẹ ya nọ Ijodani dị ọzịnya-ọzịnya ọ̀ na jị ọtụ dị ya sị va da aha ọnị yaa ra. Di Erisa ka ooho, ẹẹ na nị.

Inehemaya 5:15

Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.

Inehemaya 5:18

Ẹkụhị-ẹkụhị vị ana aā wụ̀ ụnọ ọnyara, atẹmẹ ozoza ịhịnọnyị ọnịrị aahwẹ ọrụrụụ mẹ̀ ịsaa yị wa. Ẹkụhị ẹwẹẹwụ aa sị eche va yị wa nị. Mâ yẹ ẹnya ọnị ẹ za, dị mẹ̀ yị dọ wa ẹkẹhị ịsọyịrị ana aā sịị yị Ịgọvọnọ nị.

Ahẹ Ụgama 32:4

Ohomorihi, ọọdụ ọnịrị ịrahụ vị ọnị ụ nyayịnẹ tana ụvọ za mị Ẹngụ amị ộ ta vara anka avị ịnị ọhahị avọọ.

Ahẹ Ụgama 88:1

Ẹnẹyịmavara, ẹwụ Ohomorihi ana dọ mị tụ́ ẹwụ maa hị́ pooro ọọdụ ọnịrị ịrahụ nị.

Ụhịrẹyị 31:18

Ọnyẹnẹẹ ana yara sẹ̀ ohu ọ vị nị. Ọnị o hu ịra mẹ̀ ụkọrọ naa sụ nị.

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Iruuku 18:7

Wéé ro ka Ohomorihi ọ yị vaa mẹ̀ ịsa ana vọrọọ yị aza anị ọnọọ nyị, ene ee nowuu hị́ ọọ, ọọdụ ọnịrị ịrahụ, ọ̀ọ daka za wa tura ẹtẹ?

Iruuku 2:37

Dị ọ kụkụ vana aa mẹ osoku hụrẹ ịrayị ẹbẹẹna tụra ẹẹna nị. Ọ mā hụụnị irehi Ohomorihi pooro. Dị aa ba awẹ, dị ọ raa mẹ̀ aduwa, ọ màa hẹkẹ Ohomorihi ọọdụ ọnịrị ịrahụ nị.

Odeyi 18:3

dị ọ yà ịzọọ pe wa, agụvị ka ụkọrọ ọnyọọnya ẹẹ̄ mẹ nị. Ụkọrọ ajẹngụ ana aā sị ịtụmpahaa mẹ, ẹẹ̄ mẹ nị. Dị ẹnịnị dudu aa mẹ ụkọrọọ vaabẹ nị.

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Odeyi 20:31

Agụvị avọọ sị eyi pe ẹngụ awụ nịnị! Tamayị nịnị ka hụrẹ ịrayị ẹẹta, ọọdụ ọnịrị ịrahụ ẹmịrị ẹgọ hụrẹ ee pe ọzịnya-ọzịnya awụ nịnị juwe nị, mẹyị tụ́ ụhwọ́.

Aniroomi 1:1

Ẹma vị Ịpọọrụ ozi ahụ Ijeesu Ikirisiti nị. Ohomorihi ộ hị́ mị ka ma vị ozirẹma Ijeesu, dị ọ̀ rẹ nyị mị ka ma kà enube ọyịza anịị yị aza nị.

Aniroomi 15:16

ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ.

Aniroomi 15:19

ọnịrị ini oze apọtẹrẹwa ẹbanyị-ẹbanyị ọnịrị ụkọrọ ohyozirenu ọnịrị ini oze ụkata Ụhwẹ Ọnịnị. M mẹ̀ ngwọọ hụrẹ Ijerusarẹmị na ngụ Iririkumi, ma raà kà enube ọyịza Ikirisiti avaba aha.

1 Anịkọrịntị 4:12

Vị ị nyayịnẹ aa sị ụvọ ayịị mẹ̀ ụkọrọ nị. Aza àaa kụ̀ yị ụhụ, dị ẹyị aa mẹ̀ aduwaa yị wa. Aza àaa sị ụyaa rị yị, dị ị vavọọ yị nyị isuuru.

1 Anịkọrịntị 9:15

Mị yaanị re oze họ̀ use ịsa ẹnẹnị, ama me yi sì ka me họ̀ use anị. Ẹ yị rẹ vị agụvị mee re ịsaa dọ, mị sị sị aa chẹrẹ iwe ọnọnị. Ọ̀ọ sị kà ọnị ọza va naa dọ mị ịsị maa sịị mẹ ụbanyị, mèe vene sú, ộ dahi.

1 Anịkọrịntị 9:18

Sị ẹ va vị ọgụ ẹmị? Ọgụ amị ọ vị ka: Maa kà enube ọyịza, ama mẹ yị kà a ka ọza ọ̀ sị ịsọnyị-ịsọnyịị mị. Mẹ yị kà ka maa dọ ịsị ọza anaā kà enube ọyịzaā dọ.

1 Anịkọrịntị 9:4

Yaa mẹ̀ ụkọrọ, u wéé ro ka ẹ yị vọrọ ka yaa kà a ka wa sị ịsọyịrị yị nịnị nị?

2 Anịkọrịntị 11:27

Mâ mẹ̀ ụkọrọ, ộ ngụ mị ẹngụ. Ụmẹ ọrụrụ-ọrụrụ mẹ yị sụ̀ ara ịrahụ. Ụngwẹ ộ kụ̀ mị, enyi ọ rẹ kụ̀ mị. Ụmẹ ọrụrụ-ọrụrụ me yi re ịsa rị, me yi re aha yà, me yi re ịta kú ẹngụ.

2 Anịkọrịntị 11:9

M mẹ̀ yà ịdị awụ nịnị, mèee sì ịsa, mẹ yị kụ́ ọọ kata wụ nịnị ẹngụ. Anda ayị ana hụ rẹ Imasedoniya vẹ, ẹ́ yaa sị ịsị mèe sì yị mị nị. Mẹ yị kụ́ ọọ kata wụ nịnị ẹngụ ịnị ẹngụ ịnị ịsọnyị-ịsọnyị. Avọọ m mẹ̀ yị vaa mẹ pooro nị.

2 Anịkọrịntị 6:5

Ê tụ́ yị, á kụ́ yị hi ịnị ẹngwa, â tụ́ ịrẹyị tù yị. Aza ệ za yị mẹ̀ ụkọrọ, yẹ yị sụ̀ ara, yẹ yị rẹ rị ịsa.

Anihwiripi 4:16

M mẹ̀ rẹ yà Ịtẹsaronika, wâ sị ịsị mẹ̀ yị nyị va mị nịnị huna ụpẹ ẹẹva.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

1 Anịtẹsaronika 2:2

Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.

1 Anịtẹsaronika 2:6

Yẹ yị kà ka ọzọnyị-ọzọnyị ọ̀ ga yị, ọ̀ọ vị ẹwụ nịnị, ọ̀ọ vị aza ẹnẹsa. Anka odeyi Ikirisiti, ya yaanị re oze kà a ka wa sị ịsa ana vọrọ yị nịnị.

1 Anịtẹsaronika 3:10

Ọọdụ ọnịrị ịrahụ, yaa sị avaba ayị ayịị mẹ̀ aduwa ka ya rẹ sị eyi gẹrị ẹwụ nịnị, dị ya zụ gụ wụ nịnị ụvọ ini oze ẹdọwụ awụ nịnị, dụ wa zụ gụ nịnị nị.

1 Itimoti 1:11

Ịrẹyị ọnọọ vị enube ọyịza Ohomorihi ana nyị avaba igirima ọnịrị avaba ụbanyị. Ọnị ọ sị ọọ chire mi ụvọ nị.

1 Itimoti 4:10

Agụvị avọọ, ị vụrị aa mẹ̀ ụkọrọ nị, agụvị ka yáa sị eyi tụra Ohomorihi ana yára. Ọnị ọ vị Ọdọzaha avaba aza nị, hu keekere, aza ana hyakụ sị ayị tụraa.

1 Itimoti 5:5

Ama ọnẹẹ ana àa vị osoku obooro, dị ọ̀ yị kụkụ nyị ọza vụrụ-vụrụ nị, vị ana kụkụ sị eyi tụra Ohomorihi kẹnẹ; dị aa mẹ̀ aduwa ọọdụ ọnịrị ịrahụ ka Ohomorihi ọ̀ọ gụ ọnị ụvọ.

2 Itimoti 1:3

Máa kụ́ Ohomorihi avọ, ọnị maa sị ayị ọnyaa hẹkẹ anka ohiku ayị nịnị avọọ. Màaa mẹ̀ aduwa ụmẹ tụra ụmẹ, ọọdụ ọnịrị ịrahụ, mịị̄ tamayị awụ.