1 Anịtẹsaronika 2:6 - IWE ỌNỊNỊ

⁶ Yẹ yị kà ka ọzọnyị-ọzọnyị ọ̀ ga yị, ọ̀ọ vị ẹwụ nịnị, ọ̀ọ vị aza ẹnẹsa. Anka odeyi Ikirisiti, ya yaanị re oze kà a ka wa sị ịsa ana vọrọ yị nịnị.

1 Anịtẹsaronika 2:6 ပူးပေါင်းရင်းမြစ်များ

Ẹsịta 1:4

Ụhwẹ ịhịnọnyị ọ sị sị avaba ogu ene hi ẹtẹ anị ọnịrị ụbanyị ẹtẹ ịjọva anị ne beri ụkata anị zụ̀ wa.

Ẹsịta 5:11

Ẹ mẹ̀ vẹ, ộ kà a yị wa ọnị mẹmẹ nyị ogu irenyi-irenyi, ọpa ezi ọnị ọnị ma, ohinọyị mẹmẹ sị ụbanyị yị ọnị dị ọ́ kà ọnị hịrẹ huna ezi ahụ ohinọyị ana vọ.

Ụhịrẹyị 25:27

Ọza mẹẹ rị ẹhụ baaba dị a zama, avọọ ọza enee si ka aa ga ọnị mẹẹ nyị ẹngụkata nị.

Ịdanịyẹrị 4:30

dị ọ ka, aanị ka ẹ yị vị ọnị ọ dà Ịbabịrọnị, ana maanị banyị ọyị sị mẹ aha ọyị yaayịtẹ anị? Ọ kà vị ọnị dà a ọyị sị sị ụkata anị ọnịrị ụbanyị anị zụ nị.

Ịjọọnụ 12:43

Ẹnịnị ê sì ka aza ẹ̀ẹ kà ọdaa yị ẹnị huna e mè sì ka Ohomorihi ọ̀ kà ọda yị ẹnị.

Ịjọọnụ 5:41

“Mẹ yị dụ ka aza ẹ̀ẹ ga mị.

Ịjọọnụ 5:44

Ụụ̄ dụ ka waa ga ẹngụ nịnị, ama wa mā dụ ka Ohomorihi ana ahịka ọnị kẹnẹ ọ vị Ohomorihi nị, ọ̀ ga wụ nịnị. Ini oze avọọ, wéé ro ka wa zụ dọ Ohomorihi wụ́ nịnị?

Ịjọọnụ 7:18

Ọza ana àaa dà ẹngụ anịị kà, vị ene ee sì ụbanyị yị ẹngụ anị. Ama ọza ene èee sì ụbanyịị yị ọza ana tụ́ ọọ, ọnị ọ vị ọnịzẹyịza nị, o mē vene ọza.

1 Anịkọrịntị 11:9

Ohomorihi ọ yị mẹ ọnọrụ yị ọnẹẹ, ọnẹẹ ọ vana mẹ yị ọnọrụ nị.

2 Anịkọrịntị 13:10

Iruvo ọnị maa sịị chẹrẹ iwe ọnọnịị tụ́ụ hi wu nịnị m mẹ̀ yị yà ịdị awụ nịnị yị: Me yi sì ka màa vẹ, ma sị ụvọ ọkatẹngụ za wụ nịnị, anka Ananyị yị mẹ̀ sị ụkata mị. Ụkata ọnị ọ sị mị vị ọnị ọ kà ma sịị gụ aza ụvọ, ọ yị kà ka ma sịị gụ ọzaa hyẹdụ.

2 Anịkọrịntị 4:5

Yẹ yị kà enube ẹngụ ayị. Ama yaa kà enube ọyịza Ijeesu oni Ohomorihi nyị mẹ ohinọyị ka ọ̀ dọ yị há ka, ọnị ọ vị Ananyị yị nị. Ẹyị â hụ̀ agụvị Ijeesu, yâ vị ezi ahụ awụ nịnị.

Anigaratiya 1:10

U wéé yi ro ka m maa dụ ka ọza ọ̀ọ ga mị nị, à vị Ohomorihi mi sì ka ọ̀ọ ga mị nị? Eyi ọza m maa mẹ̀ nị? Mèe yii sì ka ma mẹ eyi ọza, mẹ yị zụ vị ozi ahụ Ijeesu Ikirisiti.

Anigaratiya 5:26

Asị ị rẹ̀ mẹ eyi kẹnẹ-kẹnẹ, asị ị rẹ̀ rẹ mẹ ayị kụ́ ẹngụ, dị asị ị rẹ̀ kụ̀ ụhị!

Anigaratiya 6:13

Aza ana hyakụ aa jị ụvẹvẹnẹ, ẹ mā mẹ ịsị ọda kà, ama eyee sì ka wa jị ụvẹvẹnẹ nịnị, dị ẹnị ẹ̀ sịị mẹ eyi ka wáa sị ẹngụ awụ nịnị yị wa.

1 Anịtẹsaronika 2:9

Ẹwụ nịnị ẹyịnyara amị, wáa tamayị, ị mẹmẹ mẹ̀ ụkọrọ, di i re osiye. Yáa mẹ̀ ụkọrọ ọọdụ ọnịrị ịrahụ, agụvị asị ị na vị ẹnya yị ọzọnyị-ọzọnyị awụ nịnị, ị màa kà enube ọyịza Ohomorihii yị wụ nịnị.

1 Itimoti 5:17

Azọkụ ịragụ Ohomorihi ana àa mẹ̀ ụkọrọ ẹtẹẹrẹ, vị ana a vọrọ ka à sị ụbanyị yị, dị à rẹẹ sị ịsaa yị wa; hu keekere, aza ana aa sịị vụrị ka ẹnị ẹ̀ẹ kà ịrẹyị Ohomorihi, dị ẹnị ẹ̀ rẹẹ zụ̀ aza ịsa.