1 Anịtẹsaronika 2:5 - IWE ỌNỊNỊ

⁵ Wáa yẹ nịnị ka ẹ yị nyị ụmẹ ọnị ị sị kà eyi ọza; yẹ yị rẹ mẹ apẹ há ọhọha. Ohomorihi vị onivenu ayị.

1 Anịtẹsaronika 2:5 ပူးပေါင်းရင်းမြစ်များ

Ijoovu 16:19

Ohomorihi ana ya ẹbẹẹba ene sere ọnị ọ vị onivenu anị nị.

Ijoovu 17:5

Ẹnịnị ẹ̀ jị ịvị yị ọnị agụvị ụrị ẹngụ ẹnịnị. Ohomorihi o gu ozi ẹnịnị eyi.

Ụhịrẹyị 20:19

Ọza ọnị irenu anị ọ yị ma tịtẹ hẹẹ vị anaā kụ ọza iruvoo hi ẹhẹ. Asị ụ zị ògù anị o.

Ụhịrẹyị 26:28

Ọza ọnị ọza e yi sì ịrẹyị anị oo cheeche ku ka ọ̀ọ zị ọ nị. Ireche vi ene du ọza.

Ụhịrẹyị 28:23

Ọza anaa tụ ọza ohuvọ aa zụ varẹma sì ịrẹyị anị huni ọza enee vene ọza nị.

Ayịsaya 30:10

Ẹ ka asị ọnịsẹ nịnị rè kuku re ẹtẹ ẹ̀ ka yị ẹnị. Ẹ ka asị ẹ rè kà a yi ẹnị ka ịsa ana vọrọ ka àa mẹ yị. Ẹ ka ọnịsẹ nịnị èe cheeche ene hinee yị ẹnị kẹnẹ.

Ayịsaya 56:11

Ẹnịnị vị ana sị mẹẹ irezi ọnọhọha ọnị ịnẹ ẹ̀ yị ma ha avọọ. Oseratẹmẹ ẹnẹnị ẹ yị yẹ ịsọnyị-ịsọnyị. Ọzọza vị anaa mẹ̀ ịsa ene ze e eyi. Ịsị ẹ vaa vị ọgụụ yị ọzọza kẹnẹ ẹẹ̄ dụ nị.

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Imika 3:5

Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa.

Ịmarakayị 1:10

Dị ọ kà, ayị anị eyi hine tu ịsọvọ ẹnịnị. Aa yẹ a hyakụ kụkụ gu oze hi irehi anị ọnọọ. Dị asị ẹnịnị kụkụ hu ịra tụ ịzọọ agụvị ka ayị anị e yi hine tụ ịnị ịsọvọ kẹnẹ-kẹnẹ ọnị ẹyaa mẹ avọọ.

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Odeyi 20:33

Ẹ yị nyị ọza ọnị mị mẹ eyọhụrẹ hi ịkọvọ anị, àa vị ịta anị.

Aniroomi 1:9

Mâ sị Ohomorihi ọnị maa sị ayị ọnyaa hẹkẹ, ịnị ka maa kà enube ọyịza Ozi anị tẹ̀ ivenu, ka ẹ yị nyị ka maa mẹ̀ aduwa dị mẹ̀ yị tamayị awụ nịnị.

Aniroomi 16:18

Ẹngụ aza ana aa mẹ̀ ebira ẹnẹẹ, ẹyị vị Ikirisiti Ananyị yị ẹyaa hẹkẹ. Ịsa ọyịrị kẹnẹ ẹ sị ayị tụ́ ịnị anị nị. Dị ẹyaa sị ịrẹyị ohine ọnịrị ọza oyigonoo vene aza ẹnẹ ẹ̀ yị nyị ịsị ẹ yẹ.

Aniroomi 9:1

Ịrẹyị ọnị maa kà aanị vị ịzẹyịza. Mâ sị Ikirisiti tẹ ivenu, me yi cheeche. Ayị amị ọnịrị Ụhwẹ Ohomorihi ọ rẹ dọ ivenu tụ́ ọọ bẹẹ.

2 Anịkọrịntị 12:17

Mị ka ịnị avaba aza ọnị mị tụ́ hi wu nịnị, áá daka nyị ịzị mị yà mẹ wụ nịnị rị?

2 Anịkọrịntị 2:17

Ẹyị ẹ yị yà anka aza ọrụrụ-ọrụrụ ẹnyị ana sị ụvọ za ịrẹyị Ohomorihi anka ịsị a sịị̄ sẹ ohu. Ama Ohomorihi ọ tụ́ ẹyị ụtụ nị, dị yaa sị ịzẹyịzaa kà ịrẹyị anị ọ́vịdị Ohomorihi anka aza ọnị ọnịrị Ikirisiti sị vị ọnya.

2 Anịkọrịntị 4:2

Ya raà hụrẹ ụvọ avaba ịsa ini ewere ọnịrị ịsị ẹẹ̄ mẹ ụhịị nyị ọza. Ye yi vene ọza, ya yi re sima ịrẹyị Ohomorihi. Ohomorihi vị onivenu ayị ka, ịzẹyịza kẹnẹ ịị̄ kà nị. Oze avọọ ị ya zịị mẹ ka aza ẹ̀ yẹ ịnị ayị ẹnịnị ka ya wụra sị ayị tụra nị.

2 Anịkọrịntị 7:2

Navọ ayị awụ nịnị ò hine tù yi, agụvị ka ẹ yị nyị ọza awụ nịnị ọnị mẹ odivi. Ẹ yị nyị ọza ọnị i du, yẹ yị rẹ rị ọza ẹtẹ ahụ.

Anigaratiya 1:20

Avaba ịsa ọnị mị chẹrẹ tụ́ hi wu aanị vị ịzẹyịza. Ohomorihi vị onivenu amị ka me yi cheeche.

1 Anịtẹsaronika 2:10

Ẹwụ nịnị vị onivenu ayị, Ohomorihi rẹ vị onivenu bẹẹ, ka yáa mẹ̀ ebira ọnịnị ọnịrị ịsa ana vọrọ. Yẹ yị rẹ nyị ohuvọ ịnị akakana awụ nịnị ana vị ọdọwụ.

1 Itimoti 3:3

Asị ọdọvịdị ịragụ Ohomorihi na vị ohweche, asị ọ vị ọnịrazị! Ama áa vọrọ ka ọ̀ nyị ebira hẹẹ, asị ọ vị ọnịrẹyị, dị asị ọ rẹ vị eneyiche!

1 Itimoti 3:8

Aza ana aa mẹ ọgụvọ ịnị ịragụ Ohomorihi, áa vọrọ ka ẹnị ẹ̀ rẹ nyị ebira ana vọrọ. Ẹ́ yị vọrọ ka ẹ̀ vị ọnịrarẹ ẹẹva. Asị ẹnị dọ ọda eche oyihú, dị asị ẹ rẹ vị ọza anaā sịị ayịị tụ́ ịnị ẹkẹhị kẹnẹ!

Ịtayịtọsị 1:7

Agụvị ka ọdọvịdị ịragụ o si eyi pe ịragụ Ohomorihi, ẹ́ yị vọrọ ka ọ̀ nyị ohuvọ ọnyọọnyị. Asị ọ vị ọza ana ahịka aanị ịnya kẹnẹ ọọ̄ dụ nị, asị ọ rẹ vị ọza anaā hụraa kụ́ ayị, dị asị ọ́ rẹ vị ohweche. Asị ọ vị ọnịrazị, dị asị ọ rẹ vị ọza anaā sịị ayị tụ́ ịnị ẹkẹhị kẹnẹ.

1Ipita 5:2

Aarịhịnị, waa tẹsị aza Ohomorihi oni Ohomorihi si chire wu nịnị ụvọ ka wa sị eyi pe! Asị u ti, àa vavọọ aa mẹ nịnị; ama waa mẹẹ anka ịsị ẹ hụụnị ayị ọza vẹ, anka Ohomorihi me sì ọ. Asị ụ hụ̀ agụvị ẹkẹhị kẹnẹ mẹẹ nịnị; ama waa mẹẹ, agụvị ka ẹwụ nịnị ụvọta ee sì ka wa mẹẹ nịnị nị.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.