1 Anịtẹsaronika 2:3 - IWE ỌNỊNỊ

³ Ị mẹ̀ vavọọ aa kà a wụ nịnị, yẹ yị saasa ịrẹyị ireche, yẹ yị mẹ̀ ebira ịdọtị, ye yi re vene wu nịnị.

1 Anịtẹsaronika 2:3 ပူးပေါင်းရင်းမြစ်များ

Ịrịka 16:15

Ịrẹyị ọnọọ ọ kụ Imosiisi ayị, dị ọ mẹ̀ aduwa ka asị Ẹnẹyịmavara dọ ịsọvọ ẹnịnị. Ọ kà a yị nyị ịsị ọnị dọ wa. Ọnị ọ yị dọ wa ịkẹrịkẹtẹ.

Odeyi 13:15

Ịjị a sị iwe ọda Imosiisi ọnịrị iwe ọnịsẹ nịnị kà, dị ọdọvịdị irehi Ohomorihi ọnọọ tụ́ ne tù Ịpọọrụ nịnị, dị ẹ ka, “Ẹnẹbẹnị ayị, ị yaanị sì ka wa kà ịrẹyị yị aza ẹnẹnị nịnị, wàa nyị ịrẹyị ana a vọrọ ka ọ̀ tụ́ wa ọtụtụrụma.”

Odeyi 4:36

 nyị ọza ịnya aanị ana aā hị́ Ijosẹẹhụ. Anireevi ana a ma ẹkụra Ịsayịpịrụsị, ọ vị nị. Apositeri nịnịị̄ hị́ ọọ Ịbanabasị, oni iruvo anị vị “Ọtwọzọtụtụrụma”.

2 Anịkọrịntị 11:13

Ezirẹma Ijeesu ireche ẹ vị nị, dị eyee cheechee tụ́ ịnị ụkọrọ ẹnịnị nị. Dị ẹyaa mẹ apẹ ka ezirẹma Ijeesu ẹnị vị nị.

2 Anịkọrịntị 2:17

Ẹyị ẹ yị yà anka aza ọrụrụ-ọrụrụ ẹnyị ana sị ụvọ za ịrẹyị Ohomorihi anka ịsị a sịị̄ sẹ ohu. Ama Ohomorihi ọ tụ́ ẹyị ụtụ nị, dị yaa sị ịzẹyịzaa kà ịrẹyị anị ọ́vịdị Ohomorihi anka aza ọnị ọnịrị Ikirisiti sị vị ọnya.

2 Anịkọrịntị 4:2

Ya raà hụrẹ ụvọ avaba ịsa ini ewere ọnịrị ịsị ẹẹ̄ mẹ ụhịị nyị ọza. Ye yi vene ọza, ya yi re sima ịrẹyị Ohomorihi. Ohomorihi vị onivenu ayị ka, ịzẹyịza kẹnẹ ịị̄ kà nị. Oze avọọ ị ya zịị mẹ ka aza ẹ̀ yẹ ịnị ayị ẹnịnị ka ya wụra sị ayị tụra nị.

2 Anịkọrịntị 4:5

Yẹ yị kà enube ẹngụ ayị. Ama yaa kà enube ọyịza Ijeesu oni Ohomorihi nyị mẹ ohinọyị ka ọ̀ dọ yị há ka, ọnị ọ vị Ananyị yị nị. Ẹyị â hụ̀ agụvị Ijeesu, yâ vị ezi ahụ awụ nịnị.

2 Anịkọrịntị 6:8

 sị ụbanyị yị, a rẹ mẹ̀ ụhị nyị yị.  kụ̀ yị ụhụ, a rẹ ga yị. Ịzẹyịza ịị̄ kà nị, ama aza ệ za yị anka onireche avọọ.

2 Anịkọrịntị 7:2

Navọ ayị awụ nịnị ò hine tù yi, agụvị ka ẹ yị nyị ọza awụ nịnị ọnị mẹ odivi. Ẹ yị nyị ọza ọnị i du, yẹ yị rẹ rị ọza ẹtẹ ahụ.

1 Anịtẹsaronika 2:11

Wáa yẹ nịnị ka vị yaa mẹ ọza ịnya ọza ịnya awụ nịnị anka ada mẹ̀ẹ̄ mẹ ezi anị avọọ nị. Yâ tụ́ wụ nịnị ọtụtụrụma; ya rẹ sị ayohunẹnẹ yị wụ nịnị. Yê hú wu nịnị ụvọ

1 Anịtẹsaronika 4:7

Ohomorihi ọ yị hị́ yị ka ya vaa mẹ̀ ebira kẹnẹ-kẹnẹ; ebira ọnịnị ọ ka yaa mẹ nị.

2 Anịtẹsaronika 2:11

Agụvị avọọ dị Ohomorihi tụ́ ịsị ẹẹ̄ sị ọzaa nyeeyi saka-saka, agụvị dị ẹ̀ kụkụụ dọ ịrẹyị ireche kẹnẹẹ wụ́ nị.

2Ipita 1:16

Ẹ yị vị ịtọpa aza kẹnẹ ị sị rị ụvọ aa zị, ị maa kà a wụ nịnị ini oze ụkata Ijeesu Ikirisiti Ananyị yị ọnịrị ọ mẹmẹ vẹ. Ama yáa sị eyi ayị ré igirima anị.

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”