1 Anịtẹsaronika 2:2 - IWE ỌNỊNỊ

² Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.

1 Anịtẹsaronika 2:2 ပူးပေါင်းရင်းမြစ်များ

Odeyi 14:3

Ịpọọrụ nịnị ệ yị yà ịzọọ kù ẹtẹẹtẹrẹ. Dị ẹyaa sị ọtụtụrụma kà ịrẹyị Ananyị yị nị. Ananyị yị ộ mẹ̀ ka ẹ̀ zụ mẹ̀ ụkọrọ ohyozirenu ọnịrị apọtẹrẹwa ana sị zụ̀ ka ịrẹyị ayamva Ohomorihi ẹnẹ ẹyaa kà vị ịzẹyịza.

Odeyi 14:5

Dị aza ẹnyị ẹnẹ ẹ̀ yị vị Aniju ọnịrị Aniju nịnị ne beri ọdọvịdị ẹnịnị vabẹ, ka ẹnị ẹ̀ kà ịsa odivi hi odeyi nịnị, di eni è tụ́ wa ịrẹta.

Odeyi 16:12

Dị ị hụụ ịzọọ, dị ị nọ ẹkụra Ihwiripi nị. Ihwiripi ọ vị ẹkụra ịpaapa ịnị ẹtẹ Imasedoniya nị. Aniroomi ọ raa mẹ ịjọvaa tụra a nị. Yâ yà ịnị ẹkụra ọnọọ mẹ ẹkụhị chee.

Odeyi 16:19

Ịjị ọga ozi ọnẹẹ ọnọọ re ka oze ẹkẹhị ẹnịnị o si gu, dị ẹ wụsẹ va za Ịpọọrụ ọnịrị Isira, di e tura wa nọ ini orere ịdị ọdọvịdị ẹnịnị nị.

Odeyi 16:37

Dị Ịpọọrụ kà a yị wa ka, “Ẹ yị nyị ịsị ẹ kà a ka yâ rị ịvị anị. Ama dị ẹ yị za yị, di e tụ́ yi ịjapa ịnị orere nị, ẹyị ana vị Aniroomi. Dị ẹ kụ́ yị và hi ịnị ẹngwa nị. Á yị di eyee sì ka eni è were kụ́ yị jịnẹ!”

Odeyi 17:1

Ịpọọrụ ọnịrị Isira ệ zị oze Anhwipori ọnịrị Aporoniya, dị ẹ na ngụ Ịtẹsaronika nị. Irehi ahẹkẹ Aniju nịnị yà ịzọọ.

Odeyi 17:17

Di ee pe Aniju nịnị ọnịrị aza ana vọ ana aa hẹkẹ Ohomorihi kà ịrẹyị ini irehi Ohomorihi ẹnịnị. Dị ọ raa nọ ini orere eyinị-eyinị, ọza ana àa vẹ ini orere, di ee pe waa kà ịrẹyị.

Odeyi 19:8

Ịpọọrụ ộ yà ịzọọ, ộ nọ ini irehi Ohomorihi Aniju nịnị mẹ ụhwẹ ẹẹta, dị aa sị ọtụtụrụma kà ịrẹyị, di ee sì ka ọnị ọ̀ mẹ wa ka ẹ̀ dọ ịrẹyị ịjọva Ohomorihi nị.

Odeyi 4:13

Ịjị anikootu maanị wụ́, ô hí wa irenu ka ayị Ipita ọnịrị Ịjọọnụ ọ́ maanị vị́, ịnị ụmẹ ana ahịka aza kẹnẹ ẹ vị nị, ẹnịnị ẹ yị yẹ iwe. Ệ yẹ ka ịdị Ijeesu ẹ vịdị yà nị.

Odeyi 4:20

Agụvị ka ẹyị e yi zụ kú irenu, dị asị ị kà ịrẹyị ẹnẹ ẹyị ụvọta si re, dị ị rẹ sị ọọ wụ́.”

Odeyi 4:31

Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.

Odeyi 5:41

Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu.

Aniroomi 1:1

Ẹma vị Ịpọọrụ ozi ahụ Ijeesu Ikirisiti nị. Ohomorihi ộ hị́ mị ka ma vị ozirẹma Ijeesu, dị ọ̀ rẹ nyị mị ka ma kà enube ọyịza anịị yị aza nị.

2 Anịkọrịntị 3:12

Agụvị ka yaa maanị nyị ọyịtureyi ọnọnị, ọnị ọ mẹ̀ ka ya vavọọ nyị ayị dị yaa kà ịrẹyị nị.

Anikorasi 2:1

Jẹẹ ma kà a wụ nịnị ka mâ sị vụrị ẹtẹẹtẹrẹ agụvị awụ nịnị ọnịrị Anịragụ Irayodesiya ọnịrị aza ẹnẹ ẹ̀ yị hyakụ yẹ mị tụ́ eyi.

1 Anịtẹsaronika 1:5

Ị mẹ̀ vịdị va kà enube ọyịza wụ nịnị, ayị vị ịrẹka kẹnẹ ị za vẹ. Ohomorihi ộ sị ụkata anị zụ̀ ini oze enube ọnọọ. Enube ọnọọ vị ana hụụnị ụvọ Ụhwẹ Ọnịnị vẹ. Ộ sị zụ̀ ka enube ọnọọ vị ịzẹyịza. Wáa yẹ, ị mẹmẹ aa mẹ̀ ebira, ị mẹ̀ yà ịdị awụ nịnị ịzọọ. Agụvị awụ nịnị ị vavọọ aa sịị mẹ nị.

2 Itimoti 1:12

Agụvị avọọ m maanị aa rị ụya aanị nị. Ama ụhị ẹ yị hụ agụvị avọọ nyị mị, agụvị ka mâ yẹ ọza ọnị mị sị ayị tụra. Mâ yẹ kaakara ka ịsị o si chire mị ụvọ, o zụ si eyi pee pooro ne tù ẹkụhị ọkarẹyị.

Ijudi 1:3

Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị.