1 Anịtẹsaronika 2:16 - IWE ỌNỊNỊ

¹⁶ Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.

1 Anịtẹsaronika 2:16 ပူးပေါင်းရင်းမြစ်များ

Oyinyima 15:16

Ọ rẹ ka ẹ vaa mẹ ẹhụụ ịrayị akava avọọ dị ẹ vavẹ ịzẹnị, agụvị ka Anamọrị nịnị ệ yị za ebira odivi ẹnịnị ịrẹsụ ne tụ̀ ụmẹ avọọ.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ịdanịyẹrị 8:23

Ịjị ụmẹ ohinọyị ẹnẹnị àaa vaa ta, dị ẹ kụkụ aa mẹ̀ ebira odivi kẹnẹ. Dị à va sị ụya rị wa, a vaa nyị ohinọyị ọkatẹngụ ọnya.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Ịmarakayị 4:5

Dị ọ ka, ree nịnị, mị vaa tụ Erija ọnịsẹ tụ ọvịdị ẹkụhị ọnị Ẹnẹyịmavara vaa sị mẹ̀ ọkarẹyị. Ẹkụhị ọnọọ ee vee tu. Aza vee hí angwa ẹtẹẹtẹrẹ.

Imatiwu 12:45

dị ọ varẹma, dị ọ na kụ́ ụhwẹ echu ịhịmba ọsa ana hyakụ divi hu ọnị nyẹmba, dị ẹ vẹ, dị ẹ va ra ịzọọ. Dị ọdịrẹma ọza ọnọọ kuku si divi huna ọ mẹẹ̄ vịdịị yà. Avọọ ọ mẹ̀ vaa yàa yị anụmẹ odivi ọnọnị nị.”

Imatiwu 23:32

Ka tụ ọvịdị nịnị waa yịị mẹ̀ ịsa ana vọ ana ada awụ nịnị nyima anị.

Imatiwu 24:14

A vaa kà enube ọyịza ịjọva Ohomorihi ịnị avaba ẹhẹ, agụvị dị ọ̀ vị ivenu yị avaba anẹhẹ; ịjọnọọ ọgọnị, dị ẹzẹtẹ ẹhẹ vẹ.

Imatiwu 24:6

Ụ vaa wụ́ ekuku ịrẹkụ nịnị ọnịrị ụha ịrẹkụ nịnị, ama asị ụ zẹẹ ka ayị awụ nịnị ọ̀ vazi! Ẹ yị zụ nyị ka ọ yị vavọọ yà, ama ẹzẹtẹ ẹhẹ ọọ̀ yị vẹ.

Imatiwu 3:12

Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.

Ịmaakị 16:16

Ọza ana àa dọ wụ́, dị a mẹ̀ ọyịhwọzenyi yọ nị, ọ vaa há. Ama ọza ẹnẹ ẹ̀ yị dọ wụ vị ana a vaa jị ịvịị yị.

Odeyi 13:45

Ịjị Aniju nịnị maanị re ọkọnị aza ẹnẹẹ, ẹyaa kụ̀ ụhị dị ẹ ka, ịrẹyị Ịpọọrụ vị ireche, dị ẹya kụ̀ ọọ ụhụ nị.

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 14:19

Aniju ẹnyị ệ hụrẹ Antịyọkị (ịnị ẹtẹ Ipisidiya) vẹ, ẹnyị ẹ rẹ hụrẹ ẹkụra Ayịkọnịyọmị vẹ. Dị ẹ tụ́ anẹkụra ẹnẹẹ ịrẹyị, di e ne Ịpọọrụ ịrẹta, di e tura a hụụnị ẹkụra nị. Vị ẹnịnị ro ka ô wusu nị.

Odeyi 14:2

Ama Aniju nịnị ẹnẹ ẹ̀ yị zẹẹ ka ẹnị ẹ̀ dọ wụ́, ẹ rẹ tụ́ Anigiriki nịnị ịrẹyị, dị ẹ sị ayị vara tù ọdọwụ nịnị nị.

Odeyi 14:5

Dị aza ẹnyị ẹnẹ ẹ̀ yị vị Aniju ọnịrị Aniju nịnị ne beri ọdọvịdị ẹnịnị vabẹ, ka ẹnị ẹ̀ kà ịsa odivi hi odeyi nịnị, di eni è tụ́ wa ịrẹta.

Odeyi 17:13

Ịjị Aniju ene hi Ịtẹsaronika wụ́ ka Ịpọọrụ ọ na kà ịrẹyị Ohomorihi Íbereya, dị ẹ nọ ịzọọ, dị ẹ na tụ́ aza ịrẹyị ẹtẹẹtẹrẹ nị.

Odeyi 19:9

Aza ẹnyị ịnị aza ẹnẹẹ vị anayọkatẹngụ ọnịrị anakamawụ. Dị ẹyaa kà ịrẹyị odivii hi oze Ohomorihi ini eyi anịragụ nị. Agụvị avọọ, dị Ịpọọrụ hụụ ịzọọ yị wa, dị ọ rẹ kụ́ ezirẹma ene ịhị ịzọọ nị. Dị ọ kụkụ aa nọ ini isukuuru Ịtayịranọsị eyinị-eyinị, di ee pe azaa kà ịrẹyị ịzọọ nị.

Odeyi 21:21

A sị ọọ kà yị wa ka ụ waa sịị zụ̀ avaba Aniju ene hi ẹhẹ ka ẹ̀ và hụụnị ọda oni Imosiisi mẹ nị. A ka ẹwụ ka asị ẹ rẹ jị ozi ẹnịnị ụvẹvẹnẹ, dị ẹ̀ rẹ và hụụnị avaba ịsa ohiku Aniju nịnị.

Odeyi 23:12

Ẹnẹnẹ eyinẹhẹ anị, Aniju ẹnyị ê gẹ eyi, di e hị́ eku ka ẹnị ẹyị vaa rị, eni eyi re vee hú, àyị vị ẹnị wụ Ịpọọrụ.

Odeyi 24:9

Dị Aniju nịnị dọ ọ ivenu ka ịzẹyịza avaba ịsa ọnọọ kà vị nị.

Odeyi 25:2

Dị ohirẹsụ ẹbanyị irehi Ohomorihi ne beri ọdọvịdị Aniju nịnị sị ịrẹyị Ịpọọrụ tụ́ ọọ ịrẹka nị. Dị ẹ dá ịpẹ yị Ịhwẹsịtọsị

Odeyi 25:7

Ịjị Ịpọọrụ vẹ, dị Aniju ana hụrẹ Ijerusarẹmị chí vẹ jẹẹ karaa nị. Ẹ ka Ịpọọrụ ộ mẹ̀ ịsa edivi-edivi irenyi-renyi. Ama ẹnịnị ẹ yị zụ sị zụ̀ ka ịzẹyịza ẹ́nị aa kà nị.

Odeyi 4:12

Ẹ yị nyị ọza ẹnẹsa ana zụ dọ ọza há, Ẹ yị nyị ọza ẹnẹsa íruvo ihinẹba ọnọnị oni Ohomorihi sị ịrẹha anị yị aza ka ọ̀ọ dọ waa há.”

Odeyi 9:23

Ịjị ọ sị mẹ ẹkụhị chee para hu, dị Aniju nịnị gẹ eyi ka ẹnị ẹ̀ wụ ọ nị.

1 Anịkọrịntị 10:33

Avọọ gẹdẹ-gẹdẹ m maa mẹ̀ nị. Maa sịị vụrị ka mee ro o yị aza ịnị avaba ịsị ẹ màaa mẹ. Me yi sì ọyịza yị ẹngụ amị kẹnẹ, ama mee sì ọyịzaa yị aza ana vọ, agụvị dị à zụ dọ wa há.

Anigaratiya 5:11

Àa vị ẹmịị yọ nị, ẹwụ nịnị anda ayị, màa yịị kà a ka aza ana dọ Ijeesu wụ́, ẹ̀ jị ụvẹvẹnẹ, aza ẹnẹẹ ẹyị kụkụ yaanị aa sị ụyaa rị mị. Màa yaanị vavọọ aa kà, isu Ijeesu ị́rẹsụ apavahị ọyị yaanị aa mẹ ayịị kụ́ aza.

Anẹhwẹsọsị 3:13

Aarịhịnị, asị ụ na zẹẹ ka ayị awụ nịnị ọ̀ vazi agụvị ụya ọnị maa rịị yị wụ nịnị! Avaba anị vị ọgụ yị wụ nịnị.

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.

1 Anịtẹsaronika 1:10

Dị ụ rẹ jẹẹ ee zí Ozi Ohomorihi nịnị ka ọ̀ và hụrị ẹbẹẹba vẹ nị. Ozi anị ọnọọ ọ ha hụụnị isu nị. Ọnị ọ vị Ijeesu ana dọ yị há hụụnị ọyịkụ Ohomorihi ana aa vẹ nị.

2 Anịtẹsaronika 2:10

Ịnị ịsa odivi anị, ọ vaa sị irechee vene aza ene vee vụ ẹtẹ. E vee vu ẹtẹ kẹnẹ, agụvị ka ẹnịnị e yi sì ịrẹyị ịzẹyịza, ana zụ mẹ ka à yaanị dọ wa há.

1 Itimoti 2:4

Ohomorihi ee sì ka ọnị ọ̀ dọ avaba aza há, dị ẹ̀ zụ yẹ ịzẹyịza.

Anihiburu 6:8

Ama àa vị ikeyi ọnịrị avị kẹnẹ-kẹnẹ e nyị hi ịnị anị nị, ẹ́ yị nyị ịsị aa sị ẹtẹ ọnọọ mẹ, Ohomorihi ọ́ọ hyakụ nyayịnẹ chì hi ọọ, dị a vana rị ọ ịra ọdịrẹma.

Ẹtore 22:11

Ọza ana àaa mẹ̀ ịsa odivi, ọ̀ yịị mẹ̀ ẹ na! Ọza ana àaa mẹ̀ ebira ịdọtị, ọ̀ yịị mẹ ịdọtị anịị na! Ọza ana àaa mẹ̀ ebira Óhomorihi, ọ̀ yịị mẹ̀ ẹ na!”