1 Anịtẹsaronika 2:12 - IWE ỌNỊNỊ

¹² ka waa zị ụsẹ ana vọrọ tụra aza Ohomorihi nịnị. Ọnị ọ hị́ wụ nịnị ka wa va nyị tụ́ ịzị ọnị yà aa mẹ ịjọva ọnịrị ụbanyị anị nị.

1 Anịtẹsaronika 2:12 ပူးပေါင်းရင်းမြစ်များ

Oyinyima 5:22

Enọkị ọnịrị Ohomorihi ệ rị pooro mẹ ịrayị ịrẹkẹẹchẹhị ọ mẹ̀ hụrẹ ma Imetusẹra. Ộ rẹ vana ma ezi anọrụ ọnịrị anẹẹ.

2 Ịtọpa 17:4

Ộ hẹkẹ Ohomorihi ada anị, dị ọ saasa ọda Ohomorihi, dị ẹ yị hama ohinọyị Anisirẹrị nịnị mẹ̀ ịsa ẹnẹ mẹ nị.

Aniroomi 8:28

Yâ yẹ ka avaba ịsa ana àa mẹ, vị oni Ohomorihiī mẹ ka ọ̀ vị ọyịza yị aza ene sì ịrẹyị anị; ọnọọ vị ka aza ọnị ọ sị hị́, anka ọ mẹ̀ mẹ eto anị.

Aniroomi 8:30

Aza oni Ohomorihi sị nyị tịtẹ, dị ọ rẹ hị́ wa nị. Aza ọnọọ vavọọ hị́, dị ọ rẹ jị ịhị yị wa nyị. Aza ọnị ọ vavọọ jị ịhị yị, dị ọ rẹ sị ụbanyị yị wa nị.

1 Anịkọrịntị 1:9

A zụ sị ayị tụra Ohomorihi. Ọnị ọ hị́ wụ nịnị ka ẹwụrị Ozi anị Ijeesu Ikirisiti Ananyị yị ọ̀ vabẹ nị.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Anigaratiya 5:16

Agụvị avọọ, navọ Ụhwẹ Ọnịnị ọ̀ọ sị oze zụ̀ wụ nịnị, agụvị asị ahịka ịsị ọchẹngụ awụ nịnị òo sì kẹnẹ, ụ raa mẹ nịnị nị!

Anẹhwẹsọsị 4:1

Ẹmị ana yà ịnị ẹngwa agụvị Ananyị yị maa dá ịpẹẹ wụ nịnị ka waa mẹ̀ ebira ana vọrọ tụra wụ nịnị anka aza oni Ohomorihi sị hị́.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

Anẹhwẹsọsị 5:8

Ẹwụ nịnị ọ rẹ vịdị zị ụsẹ ịrahụ da, ama booro aanị wa va sị ngụ ini ẹtohweyi nịnị, agụvị ka ẹwụrị Ananyị yị ọ sị vị ọnya nịnị. Agụvị avọọ, waa mẹ̀ ebira aza na yà ini ẹtohweyi nịnị!

Anihwiripi 1:27

Ịsị ẹ vị ịrẹyị obooro ọ vị ka ebira awụ nịnị ọ̀ yà anka ọ mẹ vọrọ tụra ọza ana dọ enube ọyịza wụ́. Me ve hee wu nịnị oo, mẹ yị vẹ oo, mee sì ka ma wụ́ ka wáa sị ayị ọnya jẹẹ geri-geri nịnị, di u we duduu sị ọnyaa dụ ịrẹyị enube ọyịza ọnị ụ dọ wụ́ nịnị.

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

Anikorasi 2:6

Ụ mẹ̀ sị Ijeesu Ikirisiti dọ ka ọnị ọ nyị wụ nịnị aanị nị, waa mẹ̀ ebira ana vọrọ tụra ọza ọnị ọnịrị Ikirisiti sị vị ọnya.

1 Anịtẹsaronika 4:1

Ẹwụ nịnị ẹyịnyara amị, jẹẹ maa kà ịsa ọnya, dị ma va za ịrẹyị amị ịrẹsụ: Ya raà sị zụ̀ wụ nịnị ẹngụ ebira ene zé Ohomorihi eyi ana a vọrọ ka waa mẹ nịnị. Avọọ ụ màa mẹ nịnị da nị. Aarịhịnị, yáa sị Ijeesu Ananyị yị dá ịpẹẹ wụ nịnị ka waa sịị vụrịị hu avọọ nịnị.

1 Anịtẹsaronika 4:12

Wàa vavọọ aa mẹ nịnị, aza ẹnẹ ẹ̀yị vị ọdọwụ vaa sị ụbanyịị wụ nịnị, di u weyi che ayị za ọza nịnị.

1 Anịtẹsaronika 5:24

Ohomorihi ọ nyị wụ nịnị nị. Ọ vavọọ vaa mẹẹ agụvị ka a zụ sị ayị tụraa.

2 Anịtẹsaronika 1:10

Ịrẹyị ẹnẹẹ vaa mẹ ịhị Ijeesu ọ̀ọ vavẹ va dọ igirima ana aza anị aa sịị yọ. Ịhị ọnọọ aza ana sị ayị tụraa vaa sị ụbanyịị yọ. Ẹwụ nịnị rẹ vaa yà ịnị aza ẹnẹẹ bẹẹ, agụvị ka wâ dọ ịrẹyị ọnị kà wụ nịnị wụ́.

2 Itimoti 1:9

Ohomorihi ọ dọ yị ha, dị ọ hị́ yị ka yaa mẹ̀ ebira ọnịnị nị. Ẹ́ yị vị agụvị ịsị ị mẹ ọ vavọọ sị mẹ; ama agụvị ayamva anị kẹnẹ ọnịrị agụvị eto ọnị ọ vịdị sị mẹ yọ nị. Ini oze Ikirisiti ọ vavọọ sị vayị ayị hụrị ụmọrụmọ dị a va yẹ ka aa mẹ ẹhẹ nị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

1Ipita 3:9

Asị ụ sị odivi sí atọ odivi! Ọza ọ̀ọ kụ́ wụ ụhụ, asị ụ vàa yị ọ. Ama waa mẹ̀ aduwaa yị ọ. Wâ yẹ ka Ohomorihi ee sì ka ọnị ọ̀ mẹ wụ nịnị ẹyịza; agụvị avọọ ọ hị́ wụ nịnị nị.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

2Ipita 1:3

Yáa yẹ Ijeesu ana hị́ yị ka ya nyị tụ́ ịnị ụbanyị anị ọnịrị ebira ozoza anị. Ụkata Ohomorihi ọ raà sị avaba ịsa ana vọrọ ka ya nyị yị, dị ya zụ nyị ebira obooro, dị ya rẹ zụ mẹ̀ ebira ene ze Ohomorihi eyi.

1 Ịjọọnụ 2:6

Ọza ana àa ka ọnịrị Ohomorihi ọ sị vị ọnya, áa vọrọ ka ọ̀ọ zị ụsẹ anka Ijeesu mẹ̀ zị ụsẹ.

3 Ịjọọnụ 1:6

Azọga ẹnẹẹ ệ kà a yị anịragụ Ohomorihi ana yà ịzẹnị ụ mẹmẹ sì ịrẹyị ẹnịnị. Wâ mẹẹ ẹtẹẹrẹ. Aarịhịnị wa yịị gụ wa ụvọ, ẹ̀ẹ yaa jịnẹ hụụ ịdị awụ anka ịsị Ohomorihi sì.