1 Anịtẹsaronika 2:1 - IWE ỌNỊNỊ

¹ Ẹwụ nịnị ẹyịnyara amị, wáa yẹ nịnị ka ịdị awụ nịnị ọnị ị vẹ, o yi vị osusu kẹnẹ.

1 Anịtẹsaronika 2:1 ပူးပေါင်းရင်းမြစ်များ

Ijoovu 39:16

Ezi anị vị ọnị ọọ chamayịị yị. Ẹ̀ẹ daka su, ẹ́ yị nyị ịzị ọ gẹẹ.

Ahẹ Ụgama 127:1

Ẹ̀ yị vị Ẹnẹyịmavara ọ̀ dà irehi, aza ana aa vụrịị dà a vị ana aa mẹ akanya kẹnẹ. Ẹ̀ yị rẹ vị Ẹnẹyịmavara o sere ẹkụra, aza ana jị areyi dị ẹ ka vị ẹnị ee sere e nị vị ana aa jị areyi ọọhẹ kẹnẹ.

Ahẹ Ụgama 73:13

Dị mị kụkụ ee ro o ka ẹmị ana ka m maa mẹ̀ ịzẹyịza nị, sị ẹ va vị ọgụ amị kẹ? Mị ka me yi sì ka ma mẹ̀ ebira odivi ama sị ẹ va vị ọgụ oni mi re ịnị anị?

Ayịsaya 49:4

Ama mê tụ ọ ohi ka ọ sị ngụ mị ẹngụ, mị du ụmẹ amị ha kẹnẹ. Avaba ịsị mị mẹ vị ọnị mị mẹ yị Ẹnẹyịmavara Ohomorihi, ama ẹ yị nyị ịsa ọnị ọ sị yị mị.

Ayịsaya 65:23

Ẹnịnị ẹ̀ẹ mẹ̀ ụkọrọ, ẹ yị vaa vị ọọhẹ. Ẹngụkata edivi ẹ yị vee tu ezi ẹnịnị. Mị vaa mẹ ka ò ze yị ezi ẹnịnị ọnịrị ezi ẹnẹ ẹ vanaa ma pooro.

Ihabaku 2:13

Ama Ẹnẹyịmavara Ochẹtẹẹngụ kà ọnị vaa sị ịra rị avaba ịsa ana aza ọnịrị ẹkụra sị ẹhị ẹnịnị sì nị.

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

1 Anịkọrịntị 15:2

Ini oze enube ọyịza ọnọọ Ohomorihi aa yàa dọ wụ nịnịị há nị, wàa yị jẹẹ pe ịrẹyị ọnị mị vịdị kà wụ nịnị, àyị vị ahịka ụ wẹ̀ yị dọ wụ́ nịnị booro nị.

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

2 Anịkọrịntị 6:1

Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị,

Anigaratiya 2:2

Máa na, agụvị ka Ohomorihi ọ́ọ sị zụ̀ mị ka ma nọ ịzọọ. Ẹ́mịrị ọdọvịdị nịnị kẹnẹ mẹ̀ nyị eyọgẹ, dị mị kà avaba anị yị wa enube ọyịza ọnị maa kà a yị anarịmadọwụ nịnị nị. Me yi sì ka ụkọrọ ọnị mị vịdị mẹ ọnịrị ọnị maa mẹ̀ aanị ò vị osusu kẹnẹ.

Anigaratiya 4:11

Angwa awụ nịnị ee hí mi. Avaba ụkọrọ ọnị maa mẹ̀ agụvị awụ nịnị, ọọhẹ ộ vana vị nị?

Anihwiripi 2:16

Sị ụvọ za ịrẹyị anaā mẹ ka ọza ọ̀ yàra nịnị, agụvị ịhị Ikirisiti ọ̀ọ vavẹ, ma zụ jẹ ịrajẹ ka echi ọnị mị zwe ọnịrị ụkọrọ ọnị mị mẹ, ọ rẹ̀ va vị ọọhẹ.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.

1 Anịtẹsaronika 3:5

Mẹ yị kụkụ zụ za ayị; agụvị avọọ mị tụ́ vẹ nị. Mée sì ka ò ve re, ụ mẹmẹ aa yịị sị ayịị tụra Ikirisiti nịnị. Angwa ee hí mi ka Echu ọ sị wụ nịnị zama re, dị ọ mẹ wụ nịnị nyeeyi, dị ụkọrọ ayị na sị vị osusu kẹnẹ.

2 Anịtẹsaronika 1:10

Ịrẹyị ẹnẹẹ vaa mẹ ịhị Ijeesu ọ̀ọ vavẹ va dọ igirima ana aza anị aa sịị yọ. Ịhị ọnọọ aza ana sị ayị tụraa vaa sị ụbanyịị yọ. Ẹwụ nịnị rẹ vaa yà ịnị aza ẹnẹẹ bẹẹ, agụvị ka wâ dọ ịrẹyị ọnị kà wụ nịnị wụ́.

2 Anịtẹsaronika 3:1

Ẹwụ nịnị ẹyịnyara amị, dị ma va za ịrẹyị amị ẹtẹ, waa mẹ̀ aduwaa yị nịnị ka ịrẹyị Ohomorihi ọ̀ wụsẹẹ garaa hi ẹtẹ, dị ọ̀ọ nyị ụbanyị, anka ọ mẹ̀ yà ịdị awụ nịnị!