1 Anịtẹsaronika 1:9 - IWE ỌNỊNỊ

⁹ Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

1 Anịtẹsaronika 1:9 ပူးပေါင်းရင်းမြစ်များ

Ahẹ Ụgama 42:2

Mee sì wu ẹtẹẹtẹrẹ Ohomorihi ana yàra Eyi awụ vị ana nyayịnẹ aa tụra amị Ohomorihi, ịhị ụ ka mee nee re oze dị ma vẹ ini eehi awụ dị ma va hẹkẹ wụ?

Ahẹ Ụgama 84:2

Eyi irehi awụ aa tụra mị kẹnẹ. Ohomorihi ana yà ịzọọ, à kà ka me vene re ka mị yà ịda awụ.

Ayịsaya 37:17

Ẹnẹyịmavara, re ịsị aa mẹẹ tu yị booro aanị, wụ̀ avaba ụhụ ọnị Isenakeribi aa kụ̀ ẹwụ Ohomorihi ana yara aanị.

Ayịsaya 37:4

Ẹyịyara Ẹnẹyịmavara Ohomorihi anị ộ wụ́ ịrẹyị isiya ọnị ohinọyị Anasiriya mẹ tụ ozi ahụ anị Irabisake hi Ohomorihi ẹnịnị ana yara. Agụvị avọọ, Ayịsaya ọ kwẹẹtẹ o mẹ̀ aduwa yị aza ẹnịnị ana vọ.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ịdanịyẹrị 6:26

Ọ kà, ọnị ộ mẹ̀ ẹ ọda ka ịnị avaba anẹkụra ọnị ọnị vị ohinọyị ẹ̀ sị ụbanyị yị Ohomorihi ọnị Ịdanịyẹrị aa hẹkẹ, dị ee hí angwa anị. Agụvị ka, ọnị ọ vị Ohomorihi ana yara pooro nị. Ọnị ọ rẹ vaa mẹ ịjọva pooro nị. Ẹ yị nyị ọza ene ve zụ vú ịjọva anị ọnịrị ụkata anị ẹtẹ.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Aniroomi 9:26

Ịzị aa yà kà a yị wa gẹdẹ-gẹdẹ ka ayị vị aza Ohomorihi ẹ vị, ịzọọ a rẹ vaa yàa hị́ wa aza Ohomorihi ana yàra nị.”

1 Anịkọrịntị 12:2

Wâ yẹ ka ịnị ụmẹ ọnị ụ vị anarịmadọwụ nịnị, â kụ́ wụ nịnị nyeeyi zị oze irenyi-irenyi na ngụ ịdị ori ẹnẹnị ẹnẹ ẹ̀ yị nyị ụhwẹ.

Iwe Ọhụhị Imosiisi ana aa hị́ Ọyịvatụrọda 5:26

Ẹnẹ nyẹngụ wụ Ohomorihi ana yara ịrẹyị hụụnị ịra, dị ọ yara?

1 Anịtẹsaronika 2:1

Ẹwụ nịnị ẹyịnyara amị, wáa yẹ nịnị ka ịdị awụ nịnị ọnị ị vẹ, o yi vị osusu kẹnẹ.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.

1 Itimoti 4:10

Agụvị avọọ, ị vụrị aa mẹ̀ ụkọrọ nị, agụvị ka yáa sị eyi tụra Ohomorihi ana yára. Ọnị ọ vị Ọdọzaha avaba aza nị, hu keekere, aza ana hyakụ sị ayị tụraa.

Anihiburu 12:22

Ịzị ẹwụ nịnị vẹ aanị vị ịnị Ataba Ịzayọnị, ọnịrị ịnị ẹkụra Ohomorihi ana yára. Ịzọọ aā hị́ Ijerusarẹmị ini ihinẹba nị. Anggẹẹrị ọrụrụ-ọrụrụ ọnị ọza ọ̀yị yẹ ịrịka vị ene hi ịzọọ.

Ijosuwa 3:10

Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa.

1 Ịjọọnụ 5:21

Ẹwụ nịnị ezi emi, si eyi pe ẹngụ awụ nịnị, asị ụ na hẹkẹ ori nịnị o!

Ẹtore 17:2

Ohinọyị anẹhẹ nịnị e reè pee sẹ̀ ịrẹka; ọ raà mẹ ka anẹhẹ è hú enyi ịrẹkọyịsẹ anị, dị ọ̀ọ mẹrị wa anka eche avọọ.”

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?

1 Ịsamụwẹrị 17:36

Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.