1 Anịtẹsaronika 1:7 - IWE ỌNỊNỊ

⁷ Agụvị avọọ avaba Anịragụ ene hi Imasedoniya ọnịrị Akaya ana vị ọdọwụ vị ana aa hama wụ nịnị.

1 Anịtẹsaronika 1:7 ပူးပေါင်းရင်းမြစ်များ

Odeyi 1:13

Ẹ mẹ̀ vẹ, dị ẹ nọ ịnị aku ịnị ọtụrọsa ịzị ẹnịnị hi nị. Aza ene hi ịzọọ yị: Ipita, Ịjọọnụ, Ijemiisi ọnịrị Andụrụ, Ihwiripi ọnịrị Ịtọmọsị, Ibatoromiwu ọnịrị Imatiwu, Ijemiisi ozi Arịhwịyọsị, Ịsayịmọnị ana aā hị́ Izirọtị (Anakwẹngụhi) beri Ijudasi ozi Ijemiisi.

Odeyi 16:12

Dị ị hụụ ịzọọ, dị ị nọ ẹkụra Ihwiripi nị. Ihwiripi ọ vị ẹkụra ịpaapa ịnị ẹtẹ Imasedoniya nị. Aniroomi ọ raa mẹ ịjọvaa tụra a nị. Yâ yà ịnị ẹkụra ọnọọ mẹ ẹkụhị chee.

Odeyi 18:1

Ịrẹma ịrẹyị ẹnẹnị, dị Ịpọọrụ hụrẹ Atẹnị, dị ọ nọ Ịkọrịntị nị.

Odeyi 18:12

A mẹ̀ yị sị Igariyo rị ohinọyị ana jẹẹ yị Aniroomi ịnị ẹtẹ Akaya, dị Aniju nịnị wụsẹ kwẹẹtẹ, dị ẹ za Ịpọọrụ, dị ẹ sị ọọ nọ ikootu nị.

Odeyi 19:21

Ịrẹma ịsa ẹnẹnị, dị Ịpọọrụ ro o tụ́ ịnị ayị anị ka, ọnị ọ̀ọ raà zị oze Imasedoniya ọnịrị Akaya na para hu, ọnị raa nọ Ijerusarẹmị nị. Dị ọ ka, “Màa raà nọ ịzọọ, â nyị ka ma rẹ nọ Iroomi bẹẹ.”

Aniroomi 15:26

Anịragụ ene hi Imasedoniya ọnịrị Akaya nịnị ệ sị tụ́ ịnị ayị ka ẹnị ẹ̀ tụ́ ẹkẹhị na mẹ ọgụvọ yị aza Ohomorihi ene hi Ijerusarẹmị ẹnẹ ẹ̀ yị nyị ẹkẹhị.

2 Anịkọrịntị 1:1

Ẹma vị Ịpọọrụ nị, Ohomorihi ô sì ọọ ka ma vị ozirẹma Ijeesu oni Ohomorihi nyị mẹ ohinọyị ka ọ̀ dọ yị ha. Ẹmịrị Itimoti ẹnẹbẹnị ayị aa chẹrẹ iwe ọnọnịị tụ́ụ hi wu nịnị anịragụ Ohomorihi ene hi Ịkọrịntị beri avaba aa Ohomorihi ene hi ẹtẹ Akaya nị.

2 Anịkọrịntị 9:2

Mâ yẹ ka wee sì ka wa mẹ ọgụvọ nịnị. Mâ hyakụ sị ịrẹyị awụ nịnị wo oto yị Animasedoniya. Mâ kà a yị wa ka hụrẹ ayẹnẹ ánda ayị ene hi Akaya hụrẹ ee sì ka ẹnị ẹ̀ mẹ ọgụvọ nị. Ụ mẹmẹ sị ayị sị ọọ nịnị, ọ raà mẹ ka aza ọrụrụ-ọrụrụ ẹnị ẹ̀ rẹ sị ayị sị ọọ.

1 Anịtẹsaronika 1:8

Oze ịnị ụvọ awụ nịnị ị́rẹyị Ananyị yị sị zị gara na ngụ Imasedoniya ọnịrị Akaya nị. Ẹ yị hyakụ vị ịzọọ kẹnẹ, ọ sị ngụ ịrẹyị avaba aha ka waa sị ayị tụra Ohomorihi nịnị. Ịjọnọọ ẹ yị kụkụ nyị ịsị a vọrọ ka ẹ yà kà.

1 Anịtẹsaronika 4:10

Ịzẹyịza, avọọ ụ màa mẹẹ hi anda ayị ene hi Imasedoniya nị. Ẹwụ nịnị ẹyịnyara amị, yaa dá ịpẹẹ wụ nịnị ka waa sịị vụrịị hu avọọ nịnị.

1 Itimoti 4:12

Asị ụ zẹẹ ka ọza ọnyọọnyị ọ̀ sị eyi wụ wụ, agụvị ka wáa mẹhị vị ozweyi! Ama vị ọza ọnị ọdọwụ ana vọ vee sì ka ẹnị ẹ̀ẹ hama ịnị ịrẹyị irenu ọnịrị ebira ẹtẹẹrẹ awụ, ini oyisì ịrẹyị aza ọnịrị ayị ọyịsị tụra Ohomorihi beri ebira ọnịnị.

Ịtayịtọsị 2:7

Ẹwụ ụvọta ọ̀ọ mẹ̀ ebira ẹtẹẹrẹ, dị aza ẹ̀ zụụ sị ịrẹyị awụụ hị́ ọsa, dị ẹ̀ rẹ zụụ hama wụ. Nyị ayị ọnya, dụ wa rẹ sị ayị tụ́ ịnị ịsa ọnị waa sịị zụ̀ aza, dụ wa nyị isuuru ịnị anị.

1Ipita 5:3

Asị ụ mẹ ọga tụra aza oni Ohomorihi si chire wu nịnị ụvọ, ama waa mẹ̀ ebira ana a vọrọ ka aza ẹnẹẹ ẹ̀ẹ saasa.