1 Anịtẹsaronika 1:6 - IWE ỌNỊNỊ

⁶ Ẹwụ nịnị ọ́ rẹ sị ahụ ẹyị hi ẹtẹ, dị ụ raa sị ahụ Ijeesu Ananyị yịị hi ẹtẹ nịnị nị. Wàa daka rị ụya nịnị pooro, wâ dọ enube ọnọọ nịnị, dị Ụhwẹ Ọnịnị sị ịrajẹ wụ nịnị nị.

1 Anịtẹsaronika 1:6 ပူးပေါင်းရင်းမြစ်များ

Ihoseya 2:14

Ẹnẹyịmavara kà ọnị e vene e nọ ịnị ụnọmị ịzị ọnị vaa tangwa ka ịrẹyị yọ, dị ọnị ọ dọ ayị.

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Odeyi 13:52

Ezirẹma ene hi Antịyọkị ệ nyị inohine ẹtẹẹtẹrẹ. Dị Ụhwẹ Ọnịnị dọ avaba ayị ẹnịnị nị.

Odeyi 5:41

Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu.

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Aniroomi 15:13

Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.

1 Anịkọrịntị 11:1

Waa hama mị nịnị, anka m màa hama Ikirisiti.

1 Anịkọrịntị 11:2

Mâ yẹ ka waa tamayị amị nịnị ini oze tụra oze. Wâ mẹẹ ẹtẹẹrẹ nịnị. Waa yịị saasa ịsa ọnị mị raà sị zụ̀ wụ nịnị.

1 Anịkọrịntị 4:16

Agụvị avọọ, maa dá ịpẹẹ wụ nịnị ka waa sị ahụ amịị hi ẹtẹ nịnị.

2 Anịkọrịntị 6:10

Aza ee du yi ayị, ama ayị ayị ee yii hine pooro. Yâ vị onosiye, ama yâ mẹ ka aza ọrụrụ-ọrụrụ ẹ̀ nyị ụbanyị, ẹ yị nyị ịsị nyị, ama yá nyị avaba ịsa.

2 Anịkọrịntị 8:5

Ẹnịnị ẹ raà mẹ huna ọpa ẹnẹ ẹyị tụra eyi, ệ vịdị raà sị ẹngụ ẹnịnị yị Ananyị yị, dị ẹ kụkụ va sị ẹngụ ẹnịnị ị nyị, anka Ohomorihi mé sì ọọ.

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anẹhwẹsọsị 5:1

Ezi Ohomorihi oni o sì ịrẹyị anị ụ vị nịnị nị. Agụvị avọọ, waa mẹ ebiraa véné ebira Ohomorihi nịnị.

Anihwiripi 3:17

Ẹwụ nịnị ẹyịnyara amị, wa yịị hama mị nịnị. Sị eyi pe aza ana aa hama yị nịnị, agụvị ka ahụ ayị éyee sii hi ẹtẹ nị.

2 Anịtẹsaronika 1:4

Agụvị avọọ ẹyị nyẹmba aa sị wụ nịnịị mẹ ụbanyị ịnị anịragụ Ohomorihi nị. A mẹ̀ daka aa yịị sị ụya irenyi-irenyii rị wụ nịnị, waa yịị sị ẹngụụ dọ ọ nịnị, dị ụ waa yịị sị ayịị tụra Ikirisiti nịnị nị.

2 Anịtẹsaronika 3:7

Ẹwụ nịnị ụvọta ọ́ọ yẹ, a mẹ̀ vọrọ ka waa hama yị nịnị. Yẹ yị nyị uworo, ị mẹ̀ yà ịdị awụ nịnị.

2 Anịtẹsaronika 3:9

Ayị vị agụvị ka ye yi re oze họ̀ use ka waa sị ịsaa yị nịnị, ị́ vavọọ aa sịị mẹ. Ama yâ vavọọ mẹ ka wa zụ ree, dị waa hama yị nịnị.

2 Itimoti 4:2

ka, waa kà enube ọyịzaa yị aza! Waa kà a ịnị ụmẹ ana aza èe sì ọnịrị ịnị ụmẹ ana aza è yi sì! Waa tụ́ wa ohuvọ, waa kà wa ọnọ, dụ wa rẹẹ tụ́ wa ọtụtụrụma! Re ka wáa nyị isuuru ẹtẹẹtẹrẹ, ụ màa zụ̀ wa ịsa!

Anihiburu 10:34

Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.

1Ipita 1:6

Agụvị avọọ waa jẹ nịnị, wàa daka aa rị ụya nịnị ọyaanị agụvị ẹzamare irenyi-irenyi. Ụmẹ chee ụ́yọrị ọnọọ vị nị.

1Ipita 1:8

Wẹẹ̀ yị daka sị eyi awụ nịnị re Ijeesu Ikirisiti da, ama we yi sì ịrẹyị anị nịnị. We yi si eyi ree nịnị booro aanị, ama wáa sị ayị tụra a nịnị, ana ahịka ayị awụ nịnị ee hine ẹtẹẹtẹrẹ oni irenu ọ̀ yị zụ kà.

1Ipita 3:13

Sị ọza nyẹngụ sị mẹ wụ nịnị, wàaa sịị vụrị ka wa mẹ̀ ịsa ana vọrọ nịnị?

3 Ịjọọnụ 1:11

Ọta amị, asị ụ sị eyi sì ọza na mẹ̀ ebira odivi; ama waa sị eyii sì ọzaa mẹ̀ ebira ozoza! Ọza ana àa mẹ̀ ịsa ozoza, ọ vị ozi Ohomorihi nị; ama ọza ana àa mẹ̀ ịsa odivi ẹ́ yị yẹ Ohomorihi vụrụ-vụrụ.