1 Anịkọrịntị 5:3 - IWE ỌNỊNỊ

³ Ịzẹyịza, mẹ yị yà ịdị awụ nịnị, ama ayị amị yà ịda awụ nịnị. Ma raà jị ịvị yị ẹngụ ọza ana vavọọ mẹ, anka m mèe rere yà ịdị awụ nịnị avọọ.

1 Anịkọrịntị 5:3 ပူးပေါင်းရင်းမြစ်များ

Anikorasi 2:5

Ẹmị ụvọta ẹ̀ yị daka yà ịdị awụ nịnị, ayị amị yà ịdị awụ nịnị. Ịnẹ amị ô hine m mẹ̀ wụ́ ka vị ụ nyayịnẹ sị ụvọ za ẹngụ awụ nịnị, dị ụ yị sị ayị tụra Ijeesu, dị ụ yị jẹẹ geri-geri nịnị nị.

1 Anịtẹsaronika 2:17

Ẹwụ nịnị ẹyịnyara amị, a sị ẹyịrị ẹwụ nịnị há hi ịnị ụmẹ chee. Ama ayị ayị ọ yị yị hụụ ịdị awụ nịnị. Eyi awụ nịnị aa tụra ayị ẹtẹẹtẹrẹ. Yâ sị vụrị ẹtẹẹtẹrẹ ka ya sị eyi re wu nịnị.

2 Anịkọrịntị 13:2

Mee sì ka ma rẹ kà a yị ẹwụ nịnị ana vịdị mẹ vị ọnịrị ẹwụ nịnị ana vọ; ma rẹ vịdị kà a wụ nịnị ịnị ụpẹ ọhụva ọnị mị vẹ ịdị awụ nịnị. Mi ree tenyi ọọ kà, m mẹ̀ sị hụụ ịdị awụ nịnị aanị ka: Màa vana vẹ, ẹ yị nyị ọza ọnị maa navọ.

2 Anịkọrịntị 10:11

Ẹngụ aza ẹnẹẹ ẹ̀ yẹ ka ịsị ọnị chẹrẹ, ị yẹ̀ yị mẹ̀ yà ịdị awụ nịnị, yàa vẹ, ọnị ị rẹ vaa mẹ nị o.

2 Anịkọrịntị 10:1

Ẹmị Ịpọọrụ, mâ sị ịrẹswọkahi ọnịrị ebira hẹẹ Ikirisiti dá ịpẹ wụ nịnị. Aza ẹnyị aa kà a ka màa yà ịdị awụ nịnị, ma mā nyayịnẹ kà ịrẹyị; ama màa va sị hụụ ịdị awụ nịnị, dị maa kà ọnọrụ.

1 Anịkọrịntị 5:12

Sị ẹ jị gẹ ẹmịrị ọza ẹnẹ ẹ̀ yị dọ wụ́, dị ma va naa mẹ̀ ọkarẹyị yọ? Aza ana dọ wụ́ kẹnẹ, a vọrọ ka yaa tụ́ ohuvọ, ẹ̀ẹ yaa mẹ̀ ebira odivi nị.