1Ipita 5:8 - IWE ỌNỊNỊ

⁸ Sị ụvọ za ẹngụ awụ nịnị, dị ụ wa sị eyi pe ẹtẹ nịnị, agụvị ka Echu ana vị ọnịvị awụ nịnị, aa ngwọọ zịịzị anka idu ene ee nowuu zị avọọ, ee sì ọza ọnị ọọ wụụ rị.

1Ipita 5:8 ပူးပေါင်းရင်းမြစ်များ

Ẹsịta 7:6

Dị Ẹsịta ka, “Ịhamanị, ọza odivi ọnọnị ọ vavọọ vị ọnịvị ayị nị.” Dị ẹngụ Ịhamanị sụ ẹgahị ọvịdị ohinọyị ọnịrị ose anị nị.

Ijoovu 2:2

Dị Ẹnẹyịmavara họ̀ ọ ka ịzị ọ hụrẹ aa vẹ? Dị Echu tụ́ ohi ka ọnị aa vachi vahịrẹ ngụ ẹhẹ zị nị.

Ahẹ Ụgama 104:21

Idu nịnị ẹ̀ẹ sì uye, di e yee nowu, di e yee sì ịsọyịrị oni Ohomorihi vaa sị yị wa.

Ahẹ Ụgama 109:6

Navọ wa sị ọza ana vaa kwẹẹtẹ tù ọ, dị ahịka ọnịvị anị ee pè e kụ́ ịrẹka nị.

Ụhịrẹyị 19:12

Ọyịkụ ohinọyị vị eneē chire ẹtẹ angwa, ama ebira ọyịza anị vị anaa sị ẹtẹ rọ̀.

Ụhịrẹyị 20:2

Hi angwa ohinọyị ana a kụ ayị anka ọza meē hí angwa idu avọọ, ọza ene e du ohinọyị ayị vi ene si ẹngụ anị usu.

Ụhịrẹyị 28:15

Ọdọvịdị odivi vị eneē chire onosiye nịnị angwa anka idu à vị ọdụmị anaa tụra ka uye naa avọọ.

Ayịsaya 50:8

Ọga ana vaa jị ịhị yị ọnị ya ẹtẹ. Ẹnẹ nyayịnẹ jịnẹ vee du ọnị? A jẹẹ di eyi o gẹreyi kẹ! Aza ene du ọnị ẹ jịnẹ tụ ẹhẹ kẹ.

Ijeremaya 2:15

Ọnịvị Anisirẹrị nịnị aa hàa hi wa anka idu avọọ, ẹ kụ aza dụ hụrị ẹtẹ Isirẹrị, dị ẹkụra ẹnịnị sị jị eburu nị. Aza ẹ sị hụ́ hụụnị anị bemi-bemi.

Ijeremaya 51:38

Avaba Anibabironi nịnị vee nowu anka idu nịnị avọọ, dị ẹyaa kụ́ ịrẹkaa hi ịnị ọbẹ anka ezi idu nịnị avọọ.

Ezikẹẹrị 19:7

Ộ gara ịzị isoja nịnị ee seree ha, dị ọ gara ẹkụra ẹnịnị ha ẹtẹẹtẹrẹ nị. Ụmẹ tụra ụmẹ ọnị ô nowu kẹnẹ, dị ayị aa hụrẹ avaba aza ene hi ịnị ẹkụra ịnẹ.

Ezikẹẹrị 22:25

Ẹnị ọdọvịdị ẹnịnị vị ana sị mẹẹ idu enee nowu kara uye ọnị ọ za, dị aa nàa a rị avọọ. Ẹ́ kụ aza wụ; dị ẹ́ kụ ogu ọnịrị ẹnya akàaka o me zee wa eyi nị. Ẹ́ sị anẹẹ ọrụrụ-ọrụrụ jị osoku và hí ịnị ẹkụra.

Ịdanịyẹrị 6:24

Dị ohinọyị ọnọnị mẹ ọda ka à na zá avaba aza ana sị ịrẹyị Ịdanịyẹrị va tụ ịrẹka nị. Ịzẹyịza dị a na zá wa nị. Dị a kụ wa beri ezi ẹnịnị ọnịrị ose ẹnịnị, dị e ne wa và hí ịnị ụsị ana kụ idu nịnị hi nị. Dị a naa nyị ka ê tu ẹtẹ idu za wa, dị ẹ nà wa rị chẹ́kẹ̀-chẹ́kẹ̀ nị. Ẹchụkụ ẹnịnị ikonyara ẹ yị hyakụ vẹtẹ.

Ihoseya 11:10

Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ.

Ihoseya 13:8

Ọnị vaa nọ wa ịrẹvụ anka ọdụmị ọnị ozi anị vu avọọ nị. Ọnị aa gara wa chẹkẹ-chẹkẹ anka uye ịnị avị, dị ọnị rị wa anka idu avọọ nị.

Ijowẹrị 3:16

Ẹnẹyịmavara vee nowu hụrẹ Ịzayọnị, dị ọ ka irutu hụrẹ Ijerusarẹmị, dị ẹbẹẹba ọnịrị ẹtẹ ee ziizi. Ama ọnị vaa dọ aza anị ha, dị ọnị vị ụkata ẹnịnị.

Emọsị 1:2

Ọ kà: “Ẹnẹyịmavara ộ na owu hụrị ataba Ịzayọnị; ọngwẹ anị ọ katuru hụrẹ Ijerusarẹmị. Dị avị ọnị ịsụpaā rị wara za ẹtẹ, dị avị ene hi ịrẹsụ ataba Ịkamẹrị ee vi nị.”

Emọsị 3:4

Idu o mē na owu kẹnẹ ịnị iruku ẹ̀ẹ vị ọ sị uye za. Avọọ ozi idu ọnị e mere na owu kẹnẹ ẹ̀ẹ vị aa rị ịsa.

Emọsị 3:8

Idu òo na owu, ene éé yi vee hí angwa? Ẹnẹyịmavara Ohomorihi ọ̀ọ kà ịrẹyị, ẹnẹ zụ za ka ọnị ẹ yị ka ụtụ ọnọọ?

Ịzakaraya 11:3

Ọdọvịdị nịnị ee nowu booro-booro, ụbanyị ẹnịnị ộ ta. Batọ owu idu nịnị; iruku ana vị eehi ẹnịnị ana gụrị Ijodani ộ ta.

Ịzakaraya 3:1

Ịnị etore ọsa ọnị Ẹnẹyịmavara sị zụ Ịzakaraya, ô re Ijosuwa ohirẹsụ irehi Ohomorihi ka ọ jẹẹ ọvịdị anggẹẹrị Ẹnẹyịmavara, di echu jẹẹ eyi ụvọrị anị ka ọnị o du ọ nị.

Imatiwu 13:39

Ọnịvị ọnọọ ene ne chire ebe ẹnẹẹ ọ vị echu nị. Ụmẹ anaa sịị̄ mẹẹ ọ vị ụmẹ ọdịrẹma ẹhẹ nị. Aza ana vaa mẹ wa ọ vị anggẹẹrị nịnị nị.

Imatiwu 24:42

Agụvị avọọ wee zí nịnị, agụvị ka wẹ yị yẹ ụmẹ ana Ananyị yị aa sịị vẹ.

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Imatiwu 4:1

Ịjọnọọ dị Ụhwẹ Ọnịnị sị Ijeesu hịrẹ nọ ịnị ụnọmị ka Echu ọ̀ na zama a re nị.

Imatiwu 4:11

Ịjọnọọ dị Echu kwooze yọ, dị anggẹẹrị nịnị vaa mẹ ozi ahụụ yị Ijeesu nị.

Ịmaakị 4:15

Aza ẹnẹnị vị ana yà anka ihu enee mi tụ́ ụtọ oze; aza ẹnẹnị mẹ̀ yị wụ́ ịrẹyị Ohomorihi kẹnẹ, di Echu wụsẹ vẹ, dị ọ sị ịrẹyị enee mi tụ́ ịnị ayị ẹnịnị hụụ ịzọọ nị.

Iruuku 21:34

Dị Ijeesu ka, “Sị eyi pe ẹngụ awụ nịnị, oo! Asị ụ sị eche ọyịrị pooro ọnịrị eche ahaahara oyihú ne beri ariro ẹhẹ ọnọnị dọ ẹngụ awụ nịnị oro! Agụvị ka ẹ̀ yị vị avọọ, ẹkụhị ọnọọ o vee tù wu nịnị ịnị ụmẹ oni u wè yi ro nịnị.

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Iruuku 22:31

Dị Ananyị yị ka, “Ịsayịmọnị, Ịsayịmọnị! Re, Echu ee sì ka ọnị ọ̀ sị wụ nịnị, di oni ò pehe wu nịnị, dị à zụ yẹ aza ana vị azịzẹ ọnịrị akụ.

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

2 Anịkọrịntị 2:11

Ẹ̀ yị vị avọọ, Echu sị yị huna. Yáa yẹ irikichi ana aa mẹ.

Anẹhwẹsọsị 4:27

Asị ụ sị oze yị Echu nịnị!

Anẹhwẹsọsị 6:11

Avaba ẹnya ịrẹkụ oni Ohomorihiī kụ́ụ yị ọza, kụ́ ọọ nịnị! Ọnọọ vaa mẹ ka wa zụ và eyi kà evene Echu nịnị.

1 Itimoti 2:15

Ama ányẹnẹẹ màa ma ozi, ẹ̀ẹ yaa yịị sị ayịị tụra Ohomorihi, dị e re yee sì ịrẹyị ọza, dị ẹyaa mẹ̀ ebira ọnịnị dị ẹ rẹ sị ụvọ za ẹngụ ẹnịnị nị, Ohomorihi vaa dọ waa há.

1 Itimoti 2:9

Mi ree sì ka anẹẹ nịnị ẹ̀ẹ kụ́ ẹhwị ẹnya, anka ọ mẹ̀ vọrọ tụra ọnyẹnẹẹ, dị ẹ̀ sị eyi pe ẹngụ ẹnịnị ịnị anị. Asị ẹ rẹ̀ mẹ ọvị ahaahara, ẹhụụ ẹyị ọkajuwa oyigu, àa vị igooru ọnịrị uweyi ọkatarihi ọyịhara hi ẹngụ, ọnịrị achị ẹbanyị-ẹbanyị!

1 Itimoti 3:11

A rẹ vọrọ ka ose ẹnịnị ẹ̀ nyị ebira ana vọrọ. Asị ẹ vị aza eneē du aza ịrẹsụ, dị ẹ̀ zụ sị ụvọ za ẹngụ ẹnịnị, dị ẹ̀ rẹ vị aza ana a zụ sị ayị tụra ịnị avaba ịsa.

1 Itimoti 3:2

Ama ẹ́ yị vọrọ ka ọdọvịdị ịragụ ọ̀ nyị ohuvọ pẹrẹ. Ọnẹẹ ikonya a rẹ vọrọ ka ọ̀ nyị nị. Áa vọrọ ka ọ̀ vị ọza ana zụ sị ụvọ za ẹngụ anị, dị ọ̀ rẹẹ mẹ̀ ebira ịrẹyọyẹ. Áa vọrọ ka ọdọvịdị ịragụ ọ̀ọ mẹ̀ ebira ana vọrọ, dị òo sì ọzọga, dị ọ̀ rẹ zụụ sị ịsaa zụ̀ aza.

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.

Ịtayịtọsị 1:8

Ama áa vọrọ ka ọ̀ vị ọza eneē sì ọzọga, dị ó re sì avaba ịsa ene zoza. Áa rẹ vọrọ ka ọ̀ zụ mẹ̀ ebira ịrẹyọyẹ, dị ọ̀ vị ọnịzẹyịza, dị ọ̀ nyị ebira ọnịnị, dị ọ̀ rẹ sị ụvọ za ẹngụ anị.

Ịtayịtọsị 2:12

Ayamva ọnọọ aa sịị zụ̀ ka ya hụrẹ avaba ebira oni Ohomorihi è yi sì ụvọ, ọnịrị ịsa ẹhẹ ọnọnị ọnị ọchẹngụ ayịị̄ sì, ama dị yaa mẹ̀ ebira ịrẹyọyẹ, dị yaa mẹ̀ ịsa ana vọrọ ọnịrị ịsa oni Ohomorihi sì ịnị ẹhẹ ọnị ị yà aanị.

Ịtayịtọsị 2:2

Kàa yị anọrụ ana sị vị azọkụ ka ẹ̀ sị ụvọ za ẹngụ ẹnịnị, dị ẹ̀ nyị ebira ana vọrọ, dị ẹ̀ẹ mẹ̀ ebira ịrẹyọyẹ. Ẹnịnị ẹ̀ sị ayị tụ́ ịnị ẹdọwụ obooro. Kàa ka èe sì ịrẹyị ọza, dị ẹ̀ rẹ nyị ayọnẹtẹ.

Ịtayịtọsị 2:4

Ẹ̀ẹ vavọọ aa mẹ, ẹ va zụ sịị zụ̀ anẹẹ ana vị ozweyi ka è sì ịrẹyị ọva ẹnịnị ẹnịrị ezi ẹnịnị.

Ịtayịtọsị 2:6

Rẹ vavọọ kà a yị anọrụ ana vị ozweyi ka ẹnị ẹ̀ rẹẹ mẹ̀ ebira ịrẹyọyẹ!

Ijemiisi 4:7

Agụvị avọọ ká ịrẹsụ hi yị Ohomorihi nịnị! Asị ụ sị oze yị Echu nịnị, ka o vee zwèe kà naa wụ nịnị.

1Ipita 1:13

Agụvị avọọ, tenyi ayị awụ nịnị, dị ụ wa ẹ sị ụvọ za ẹngụ awụ nịnị! Sị avaba ayị awụ tụ́ ịnị ẹyịza oni Ohomorihi vaa sị yị wụ nịnị, ịhị Ijeesu Ikirisiti ọ̀ọ sị ẹngụ zụ̀.

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

Ẹtore 12:10

Dị mị wụ́ ọngwẹ ọbanyị ọnya ẹbẹẹba, dị aa kà a ka: Ohomorihi o si ehuna nyị booro aanị! Ohomorihi ayị ọ raà sị zụ̀ ka ọnị ọ nyị ụkata, dị ọnị rẹ vị ohinọyị nị. Ohinọyị anị ọnị ọ nyị ka ọ̀ dọ yị há ọ raà sị ọda anị zụ̀. Ọza ana yà ọvịdị Ohomorihi dị aa sị ịrẹyị anda ayị nịnị ị tụ́ ịrẹka ọọdụ ọnịrị ịrahụ, a sị ọọ dụ jịnẹ hụrị ẹbẹẹba.

Ẹtore 12:12

Agụvị avọọ, ẹwụ nịnị ẹbẹẹba ọnịrị aza ene hi ịnị anị, waa jẹ nịnị! Ama ẹwụ nịnị ẹhẹ ọnịrị oku, wa sị da nịnị, agụvị ka Echu o zi chí ka wụ nịnị vẹ. Ayị anị aa dà ọva, agụvị ka ộ yẹ ka ụmẹ anị aa chee aanị.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 20:10

Dị a za Echu ene vene wa, di e ne e ngụ ini adagu ịra ana a sị ohuru tụ́ ịnị anị nị. Ịzọọ uye ịnị avị ọnọọ ọnịrị ọnịsẹ ireche hi nị. Dị aa sị ụyaa rị wa ọọdụ ọnịrị ịrahụ pooro zịna-zịna.

Ẹtore 20:2

Dị ọ za uye odivi, ana vị ẹwụ ịyẹẹyẹ ọnọọ ana vị Echu ọnịrị Isitani, dị ọ za a, dị ọ sụ́ ọọ tịtẹ mẹ ịrayị akahị (1,000) nị.

Ọdọvịdị 14:5

Ẹkụhị ọnya, Ịsamịsịnị ọnịrị ada anị beri ọnyị anị a nọ Itimina. Ẹ maanị e tu ụbazị ọnya aanị ana ya Itimina, kẹnẹ dị idu ọnya aanị vana hụrẹ hi wa, dị a hà, dị a tụra ka wa vẹ nị.