1Ipita 5:7 - IWE ỌNỊNỊ

⁷ Sị avaba ariro awụ nịnị chire Ohomorihi ụvọ, agụvị ka ọ́ọ sị ịrẹyị awụ nịnị tụ́ ịnị ayị anị.

1Ipita 5:7 ပူးပေါင်းရင်းမြစ်များ

Ahẹ Ụgama 34:15

Ẹnẹyịmavara vị ana sị eyi pè aza ana aa mẹ̀ ebira ana vọrọ ini eyi anị ẹnịnị ẹ̀ẹ nowu na za a, dị ọ ba wa owu.

Ahẹ Ụgama 37:5

Sị avaba ẹhẹ awụ chire Ẹnẹyịmavara ụvọ dị wa sị ayị tụra a ka ọ vaa mẹ ọgụvọ.

Ahẹ Ụgama 40:17

Ịzẹyịza onosiye mị vị nị, ẹ yị nyị ịsị mị nyị, navọ asị u hi ayị amị Ẹnẹyịmavara Ohomorihi amị, ẹwaa gụ mị ụvọ dị waa dọ mịị tụ́ nọ navọ kwogwo we jintu va gụ mị ụvọ.

Ahẹ Ụgama 55:22

Ịrẹyị ene èe tù wu, ụ sị chire Ẹnẹyịmavara ụvọ, ka ọ vaa sị ụvọọ za wụ Ohomorihi ọ yị vaa zẹẹ ka aza ana aa mẹ ịzẹyịza ẹ̀ hyẹdụ.

Ụhịrẹyị 16:3

Sị ịsị wàa mẹ̀ chire Ẹnẹyịmavara ụvọ, dị ọ zụ vị mẹ̀.

Imatiwu 6:27

Ẹnẹ nyẹngụ sị ariro ọyịmẹ̀ dà ụvọ ọnya tụ́ ịnị ụgọdọ anị ịnị ẹngụ awụ nịnị?

Imatiwu 6:28

Sị ẹ vẹ dị ụ waa mẹ ariro agụvị awuru nịnị? Ro ịrẹyị ododo ene hi ịnị avị, ẹ mẹmẹẹ̄ hụ! Ẹ mā mẹ akanya ka vi eni ee hí ịta nị.

Imatiwu 6:31

Agụvị avọọ asị ụ rẹ̀ mẹ ariro nịnị ka: ‘Sị ị vaa rị?’ À vị ka, ‘Si i vee hú’ ọnịrị ‘Si i ve sii kú ẹngụ?’

Ịmaakị 4:38

Ijeesu yà ịnị ẹpa ọnọ, ộ sị ịsa pe ịrẹsụ aa sụ̀ ara. Dị ẹ na ha a nị, dị ẹ ka, “Nda, eni ee vee sú ọ! Wẹ yị tẹsịị?”

Iruuku 12:22

Dị Ijeesu kà a yị ezirẹma anị ka, “Asị ụ rẹ̀ mẹ ariro ini oze ẹhẹ awụ nịnị ka sị ụ vaa rị kẹ! Asị ụ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị!

Iruuku 12:26

Wẹ̀ yị nyẹngụ mẹ oweyi kiiki ọnọnị nịnị, sị ẹ vavẹ dị ụ waa mẹ ariro ịsa ana vọ nịnị?

Ịjọọnụ 10:13

Ọza ana a vavọọ dọ ka òo sere atẹmẹ vị eneē zwe, agụvị ka vị a dọ ọ ụkọrọ kẹnẹ nị; ẹ yị nyị ịzị ịrẹyị atẹmẹ ẹnẹẹ gẹ ẹ.

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

1 Ịsamụwẹrị 30:6

Ayị Idevidi o si du ẹtẹẹtẹrẹ agụvị ka aza anị ẹnị ẹ rẹ kụkụ sị eyi va kà a ka ẹnị ee ne e ịrẹta. Ayị vị ana raa kụ́ ẹnị ka asị ozi ẹnịnị za. Ama Ẹnẹyịmavara ana vị Ohomorihi oni Idevidi aa hẹkẹ ộ sị ụkata yọ.