1Ipita 5:5 - IWE ỌNỊNỊ

⁵ Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

1Ipita 5:5 ပူးပေါင်းရင်းမြစ်များ

2 Ịtọpa 6:41

Ọ kà Ẹnẹyịmavara Ohomorihi ọ̀ kwẹẹtẹ beri apoti oto anị ana vị ịsa ụkata anị, dị ọ ngụ ịnị irehi anị na ya pooro zịna-zịna. Ọ mẹ ka o zee yi ohirẹsụ irehi Ohomorihi ịnị ịsa tụra ịsa, dị ọyịza ọnị aa mẹ̀ yị wa ọ vị ayohine avaba aza anị.

Ijoovu 22:29

Àa mẹ̀ ụhị nyị aza, dị ụ mẹ̀ aduwa nị, dị Ohomorihi dọ wa ha.

Ijoovu 29:14

Ebira ọyịza vị ọnị ọnị sị mẹ achị ku ẹngụ, dị ọnị sị ịzẹyịza mẹ awuru ọnịrị ubobo anị nị.

Ahẹ Ụgama 132:16

Ẹnẹyịmavara rẹ ka ohirẹsụ irehi anị ene hi vị ọnị ọnị vaa mẹ ka ò zee yi ẹtẹẹtẹrẹ, dị aza anị ene hi ịzọọ aa jị ahẹ ịrajẹ.

Ahẹ Ụgama 132:9

Navọ ahịka ebira ana vọrọ ohirẹsụ irehi awụ nịnị vaa mẹ pooro nị Dị aza awụ ẹ̀ẹ jị ahẹ ịrajẹ.

Ahẹ Ụgama 138:6

Ịzẹyịza Ẹnẹyịmavara vị ana yà ẹbẹẹba, ama ọ yị kà ka ẹ yị nyị ịzị ịrẹyị onosiye gẹ ọnị. Aza ana aa mẹ eyii zi ẹ yị zụ kà ka wẹ yị yẹ ịsị ẹnị aa mẹ.

Ụhịrẹyị 25:7

Navọ a hi wụ na yaatụ aha ụbanyị, ọnọọ ọ mẹ̀ hụ ka a dụ wụ kwẹẹtẹ yị ọza ẹnẹsa ka ọ yaatụ aha ọnọọ nị.

Ụhịrẹyị 3:34

Ẹnẹyịmavara vị eneē nyị onisiya nịnị unyi, ama ọọ̄ vayị ọza tụra ọza ana sị ịrẹsụ nọ ẹtẹ yị ọ.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ayịsaya 61:10

Ayị amị vị ana nyayịnẹ hine ịnị Ẹnẹyịmavara Ohomorihi amị. Ọ raà sị ẹdọha yị mị anka a mẹẹ kụ ẹnya hi ọza ẹngụ avọọ. Awuru ịzẹyịza ene e chire mi vị ana hụ mị enyi Mị sị mẹẹ anka ọnọrụ ene chi awuuru ana nyị ọnẹẹ avọọ nị. Mị sị mẹẹ anka ọnẹẹ ana a za oze ana kụ ọmọ hi ẹngụ avọọ nị.

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

Ezikẹẹrị 26:16

Avaba ohinọyị anẹkụra ene hi ụtenyi vee chii hụụ ịrẹsụ aga ẹnịnị. Ẹ vaa ngwa awuru ẹnịnị ana a mẹ̀ ụkọrọ hii tịtẹ, dị ẹ yaatụ hi ini eteesu. Ịsị e tu wu nịnị vaa mẹ angwaa hi wa, dị ẹyaa dá ẹgahị.

Ịdanịyẹrị 11:12

Ịjị ọ̀ọ maanị sị ọkọnị aza ẹnẹnị za, dị ọ kụkụ e wu zị agụvị ka ọnị ọ raa nyị ẹbẹẹba. O re vee wu agụvị aza ọnị ọza ẹ yị zụ za ịrịka ọnị ọ wụ̀ va ha. Ama ẹ yị vavọọ va zụ nyị ẹbẹẹba pooro.

Ireevi 19:32

Ọ́ ka ẹnịnị ẹ̀ kwẹẹtẹ jẹ yị azọkụ nịnị, dị ẹ̀ sị ụbanyị yị wa. Ẹnịnị ẹ̀ sị ụbanyị ọnị Ohomorihi ẹnịnị dị ẹẹ saasa ịrẹyị anị; ọnị ọ vị Ẹnẹyịmavara nị.

Iruuku 22:26

Ama ẹ yị vọrọ ka áawụ nịnị ọ̀ vavọọ yà. Ọza ene èe hu ịnị ẹngụ awụ nịnị, a vọrọ ka ọ̀ sị ẹngụ anị tụ́ udi oweyi nị. Ọza ana àa vị ọdọvịdị, ọ̀ọ mẹ̀ ebira ozi ahụ.

Aniroomi 12:10

Wee sì ịrẹyị ẹngụ nịnị ẹtẹẹtẹrẹ, anka ẹyịnyara ini Ikirisiti meē sì ịrẹyị ẹngụ avọọ. Waa sị ụbanyịị yị ọnọhụva awụ huna ẹngụ awụ ụvọta.

Aniroomi 13:14

Ama sị ebira Ijeesu Ikirisiti Ananyị yị mẹ awuru chire nịnị, asa ahịka ebira odivi ọnị ọchẹngụ awụ nịnịị̄ sì kẹnẹ, ụ waa mẹ nịnị nị!

Anẹhwẹsọsị 5:21

Waa sị ịrẹsụụ yị ẹngụ nịnị, agụvị ka wáa nyị angwahi Ikirisiti nịnị.

Anihwiripi 2:3

Asị a nyị ọza ana sị ụhị ọyị kụ̀ mẹ ịsọnyị-ịsọnyị. Asị ụ rẹ mẹ̀ ịsa agụvị di u we zụ sii wo oto nịnị. Ọzọza ọ̀ kà ẹngụ anị chi, asị aza ẹnyị ro o ka ọnị óo huna ọsa.

Anikorasi 3:12

Ohomorihi ọ sị wụ nịnị nyị mẹ aza anị; óo sì ịrẹyị awụ nịnị. Agụvị avọọ waa mẹ̀ ebira ana vọrọ tụra ọza Ohomorihi nịnị! Wee roo yị ẹngụ, dị waa ngụ ayị ẹngụ nịnị. Kà ẹngụ awụ nịnị chí, nyị ebira hẹẹ ọnịrị ayọnẹtẹ nịnị.

1 Itimoti 5:1

Asị ụ na sị ọyịkụ tụ́ ọzọkụ ohuvọ! Ama tangwaa dá ịpẹẹ yọ anka ada awụ avọọ! Waa mẹẹ hi ọpa ezweyi anka ẹyịnyara awụ avọọ!

Anihiburu 13:17

Waa wụ́ ịrẹyị chire ọdọvịdị awụ nịnị, dị ụ wa ká ịrẹsụ hi yị wa nịnị! Wáa yẹ ka ẹnị e sị eyi pe ụhwẹ awụ nịnị nị, agụvị ka ẹnịnị vaa kà enube ụkọrọ ẹnịnị. Waa wụ́ ịrẹyị ẹnịnị, agụvị ayị ẹnịnị è zụ hine ịnị ụkọrọ ẹnịnị. Wẹ̀ yị vavọọ mẹ, ayị ẹnịnị e zụ du, ọnọọ ọ́ yị zụ mẹ ọgụvọ wụ nịnị.

Ijemiisi 4:6

Ama ụkata oni Ohomorihi sị yị ọ banyị hu nị, agụvị ka Iwe Ohomorihi ọ́ kà a ka: Ohomorihi o yi sì aza anaā sịị ẹngụ ẹnịnịị̄ tụ́ ẹba ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

1Ipita 3:8

Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí.

1Ipita 4:1

Wáa yẹ nịnị ka Ikirisiti ọnị nyẹmba ọ́ọ rị ụya ịnị ọchẹngụ anị. Agụvị avọọ ẹwụ nịnị ò re tenyi ẹngụ, dị ụ wa vavọọ nyị ariro nịnị! Ọza ana àa vavọọ rị ụya, ọ sị hụụnị ịvị ọyịmẹ̀.

1Ipita 4:5

Ẹnịnị vaa kụ́ irenu ẹnịnị ọ́vịdị Ohomorihi ana sị ẹngụ tenyi ka ọnị vaa mẹ̀ ọkarẹyị aza ana yára ọnịrị aza ne wusu.