1Ipita 5:3 - IWE ỌNỊNỊ

³ Asị ụ mẹ ọga tụra aza oni Ohomorihi si chire wu nịnị ụvọ, ama waa mẹ̀ ebira ana a vọrọ ka aza ẹnẹẹ ẹ̀ẹ saasa.

1Ipita 5:3 ပူးပေါင်းရင်းမြစ်များ

Ahẹ Ụgama 33:12

Ẹnẹyịmavara ọnọnị, aza ana sị ọ mẹ Ohomorihi, ẹ̀ nyarị ịrẹsụ ọyịza o! Mị ka ẹwụ nịnị ọnị ọ nyị ka ọnị ọ sị mẹ aza anị, a nyarị ịrajẹ o!

Ahẹ Ụgama 74:2

Tamayị ka ka ẹya vị aza awụ ọnị ụ nyị hụrẹ ụ mẹ ịyẹẹyẹ vẹ nị. Ẹyị ọnọnị ụ tụ̀ hụrẹ udi ọrịhị dị ụ sị yị mẹ aza awụ nị. Navọ wa tamayị ataba ịzị ụ vịdị ra da.

Ezikẹẹrị 34:4

Wẹ́ yị tẹsị ẹnị ana tụ ọkụmị nịnị, ẹnẹ ẹngụ aa zị, wẹ yị tẹsị ẹnịnị ka ẹngụ ẹnịnị ọ̀ ta. Ẹnị ẹnẹ che ahụ, wẹ yị jị ịsa hi ọ yị wa ka ọ̀ vị. Ẹnị ana ha ngụ avị, dị e sị vu, wé yị ne sì wa, dị wa kụ́ wa vavẹ nịnị. Ama dị wa chamayịị yị wa nịnị nị.

Imika 7:14

Ẹnẹ yị mā vara o, si okutẹ awụ we sii sere aza awụ. Aza ẹnẹẹ vị ogu awụ, dị ẹ ra ịnị ọpaapara nị. Dị ẹ vavọọ hi ịzọọ, â nyị ẹtẹ ozoza kara wa; kụ́ wa nọ ịnị ẹtẹ Ịbasanị ọnịrị ẹtẹ Anigiriyadi Ẹnịnị mẹ̀ vịdị ra ịzọọ, ẹtẹ ọnọọ ô zoza yị wa.

Ịrịka 18:7

Ama Eerọnị ọnịrị ezi anị ẹ vị ohirẹsụ irehi Ohomorihi ana vaa hẹkẹ ẹ nị. Ẹnị ịnya kẹnẹ ẹ zụ gụrị ụta ịsọvọ, dị ẹ rẹ ngụ aha enyisi nị. Ẹnẹyịmavara kà ẹyịza ọnị mẹ yị wa ka ẹẹ hẹkẹ ọnị anka ohirẹsụ Irehi anị nị. Aza ana vọ ẹ̀ẹ ngụ aha enyisi à wụ́ wa.

Ịjọọnụ 13:15

Ma raà sị zụ̀ wụ nịnị ka waa mẹ ịsị mị mẹ wụ nịnị aanị.

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

1 Anịkọrịntị 11:11

Ini eyi Ananyị yị, ẹ̀ yị nyị ọnọrụ, ẹ yị zụ nyị ọnẹẹ; ẹ̀ yị rẹ nyị ọnẹẹ, ẹ yị zụ nyị ọnọrụ.

1 Anịkọrịntị 3:5

Ẹnẹ vị Ịpọọrụ? Ẹnẹ vị Aporo? Avaba ayị vị ezi ahụ Ohomorihi kẹnẹ. Yáa kụ́ wụ nịnị va dọ Ijeesu wụ́. Ọzịnya-ọzịnya ayị vị ana aa mẹ̀ ụkọrọ oni Ohomorihi sị yọ.

1 Anịkọrịntị 3:9

Ẹyị vị ene dudu aa mẹ ụkọrọọ yị Ohomorihi. Ẹwụ nịnị vị ana sị mẹẹ anka aarẹ Ohomorihi, à vị irehi oni Ohomorihi aa dà.

2 Anịkọrịntị 1:24

Ye yi sì ka ya sị ụkata za wụ nịnị ka wa dọ ịsa ọnọnị wụ́ nịnị. Ama yee pe wu nịnịị mẹ̀ ụkọrọ ka ịnẹ awụ nịnị ò hine, agụvị ka wâ jẹẹ geri-geri ịnị ẹdọwụ awụ nịnị.

2 Anịkọrịntị 4:5

Yẹ yị kà enube ẹngụ ayị. Ama yaa kà enube ọyịza Ijeesu oni Ohomorihi nyị mẹ ohinọyị ka ọ̀ dọ yị há ka, ọnị ọ vị Ananyị yị nị. Ẹyị â hụ̀ agụvị Ijeesu, yâ vị ezi ahụ awụ nịnị.

Iwe Ọhụhị Imosiisi ana aa hị́ Ọyịvatụrọda 32:9

Ama Ẹnẹyịmavara ụvọta anị ọ vị Ohomorihi aza anị Isirẹrị nị.

Anihwiripi 3:17

Ẹwụ nịnị ẹyịnyara amị, wa yịị hama mị nịnị. Sị eyi pe aza ana aa hama yị nịnị, agụvị ka ahụ ayị éyee sii hi ẹtẹ nị.

Anihwiripi 4:9

Ịrẹyị ọnị mị raà sị zụ̀ wụ nịnị, di mi reè si chire wu nịnị ụvọ, dị ụ wụ́ ọọ hụụnị irenu amị nịnị, di u re re, m màa mẹ̀ ẹ nịnị, ẹwụ nịnị ọ̀ rẹ vavọọ mẹ̀ ẹ. Ohomorihi anaā sịị ẹngwọọrọ yị ọza, vaa yàa beri ewu nịnị.

1 Anịtẹsaronika 1:7

Agụvị avọọ avaba Anịragụ ene hi Imasedoniya ọnịrị Akaya ana vị ọdọwụ vị ana aa hama wụ nịnị.

2 Anịtẹsaronika 3:9

Ayị vị agụvị ka ye yi re oze họ̀ use ka waa sị ịsaa yị nịnị, ị́ vavọọ aa sịị mẹ. Ama yâ vavọọ mẹ ka wa zụ ree, dị waa hama yị nịnị.

1 Itimoti 4:12

Asị ụ zẹẹ ka ọza ọnyọọnyị ọ̀ sị eyi wụ wụ, agụvị ka wáa mẹhị vị ozweyi! Ama vị ọza ọnị ọdọwụ ana vọ vee sì ka ẹnị ẹ̀ẹ hama ịnị ịrẹyị irenu ọnịrị ebira ẹtẹẹrẹ awụ, ini oyisì ịrẹyị aza ọnịrị ayị ọyịsị tụra Ohomorihi beri ebira ọnịnị.

Ịtayịtọsị 2:7

Ẹwụ ụvọta ọ̀ọ mẹ̀ ebira ẹtẹẹrẹ, dị aza ẹ̀ zụụ sị ịrẹyị awụụ hị́ ọsa, dị ẹ̀ rẹ zụụ hama wụ. Nyị ayị ọnya, dụ wa rẹ sị ayị tụ́ ịnị ịsa ọnị waa sịị zụ̀ aza, dụ wa nyị isuuru ịnị anị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.