1Ipita 5:2 - IWE ỌNỊNỊ

² Aarịhịnị, waa tẹsị aza Ohomorihi oni Ohomorihi si chire wu nịnị ụvọ ka wa sị eyi pe! Asị u ti, àa vavọọ aa mẹ nịnị; ama waa mẹẹ anka ịsị ẹ hụụnị ayị ọza vẹ, anka Ohomorihi me sì ọ. Asị ụ hụ̀ agụvị ẹkẹhị kẹnẹ mẹẹ nịnị; ama waa mẹẹ, agụvị ka ẹwụ nịnị ụvọta ee sì ka wa mẹẹ nịnị nị.

1Ipita 5:2 ပူးပေါင်းရင်းမြစ်များ

2 Ohinọyị 12:6

Ama pooro dị ọ mẹ ịrayị ohurẹẹva ọnị Ijowasi rị ohinọyị, ẹ yị nyị ịzị ohirẹsụ irehi Ohomorihi nịnị tenyi ini Irehi Ohomorihi.

Ahẹ Isoromọnị 1:8

Ẹwụ ọnẹẹ ana maanị zoza aanị, wẹ̀ yị yẹ́, vatụra oze ọnị ịsụpa nịnị aa zị dị wa kụ ezi ẹvụ awụ na rị akaha ajẹngụ oseratẹmẹ nịnị kẹ.

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Ayịsaya 56:11

Ẹnịnị vị ana sị mẹẹ irezi ọnọhọha ọnị ịnẹ ẹ̀ yị ma ha avọọ. Oseratẹmẹ ẹnẹnị ẹ yị yẹ ịsọnyị-ịsọnyị. Ọzọza vị anaa mẹ̀ ịsa ene ze e eyi. Ịsị ẹ vaa vị ọgụụ yị ọzọza kẹnẹ ẹẹ̄ dụ nị.

Ayịsaya 6:8

Dị mị va wụ́ ka Ananyị yị ka, “Ẹnị maa vaa tụ́ ụtụ aanị kẹ, ẹnẹ vaa zị ụtụ ọnọnịị yị? Dị mị ka ẹmị yọ, tụ́ mị.”

Ayịsaya 63:11

Ama Ẹnịnị ệ tamayị ịsa ana mè ịnị ụmẹ Imosiisi ozi ahụ Ẹnẹyịmavara. Ê họ̀ use ka ịzị Ẹnẹyịmavara ana dọ ọdọvịdị aza anị ha hụụnị Oku Ovivi? Ịzị Ẹnẹyịmavara ana sị ụkata yị Imosiisi ya?

Ijeremaya 13:17

Ọ kà, wàa ka wẹ yị wụ nịnị, ọnị vaa jị òrèrè ịnị aku, agụvị ka waa sị ẹngụụ tụ ẹba nịnị. Ọnị vaa jị òrèrè ọngwọọngụ dị ẹgọ ee si agụvị ka asị aza Ẹnẹyịmavara za ọrịhị ne hi aha ọsa.

Ijeremaya 13:20

Ijeremaya ka, re nịnị, ẹwụ nịnị Anijerusarẹmị! Ọnịvị awụ nịnị ẹ raa hụrị Ịbabịrọnị aa vẹ. Aza ana a ka wa sị eyi pe, ọnị ụ maanị aa sịị me eyi nịnị, ịzị ẹ yà kẹ?

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Ezikẹẹrị 34:23

Ọnị vaa nyị oseratẹmẹ ọnya, ene vee sere wa anka ozi ahụ anị Idevidi, dị aa tẹsị ẹnịnị.

Ezikẹẹrị 34:31

Ọ kà, ẹwụ nịnị atẹmẹ anị, ọnị ọnị aa pa vị aza anị, dị ọnị vị Ohomorihi awụ nịnị nị.

Ezikẹẹrị 46:24

Ezikẹẹrị ka ọza ọnọnị ộ kà a yị ọnị ka, ẹsẹnị ẹ vị ịzị aza anaa mẹ̀ ụkọrọ ịnị irehi Ohomorihi vaa yaa chịnẹ uye ana aza sị va mẹ̀ ịsọvọ nị o.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Imika 5:4

Ẹnẹyịmavara vaa sị ụkataa yị aza ọnị ọ vaa sị vẹ. Ụkata ọnọọ o ve sii sere aza anị. Mị ka ụkata Ẹnẹyịmavara Ohomorihi ana nyị ụbanyị o ve sii sere wa nị. Angwa o yi kuku vee hi aza Ohomorihi agụvị ka avaba anẹhẹ vaa yẹ ka Ohomorihi ộ banyị.

Imika 7:14

Ẹnẹ yị mā vara o, si okutẹ awụ we sii sere aza awụ. Aza ẹnẹẹ vị ogu awụ, dị ẹ ra ịnị ọpaapara nị. Dị ẹ vavọọ hi ịzọọ, â nyị ẹtẹ ozoza kara wa; kụ́ wa nọ ịnị ẹtẹ Ịbasanị ọnịrị ẹtẹ Anigiriyadi Ẹnịnị mẹ̀ vịdị ra ịzọọ, ẹtẹ ọnọọ ô zoza yị wa.

Ịzakaraya 11:17

Oseratẹmẹ kẹnẹ-kẹnẹ ọnọọ ọ sị da, ọ raà para atẹmẹ anị hu. Ịrẹkụ vee du avaba ụkata anị. Ụvọ anị vaa su, di eyi ụvọrị anị gu.

Ịmarakayị 1:10

Dị ọ kà, ayị anị eyi hine tu ịsọvọ ẹnịnị. Aa yẹ a hyakụ kụkụ gu oze hi irehi anị ọnọọ. Dị asị ẹnịnị kụkụ hu ịra tụ ịzọọ agụvị ka ayị anị e yi hine tụ ịnị ịsọvọ kẹnẹ-kẹnẹ ọnị ẹyaa mẹ avọọ.

Ịrịka 18:7

Ama Eerọnị ọnịrị ezi anị ẹ vị ohirẹsụ irehi Ohomorihi ana vaa hẹkẹ ẹ nị. Ẹnị ịnya kẹnẹ ẹ zụ gụrị ụta ịsọvọ, dị ẹ rẹ ngụ aha enyisi nị. Ẹnẹyịmavara kà ẹyịza ọnị mẹ yị wa ka ẹẹ hẹkẹ ọnị anka ohirẹsụ Irehi anị nị. Aza ana vọ ẹ̀ẹ ngụ aha enyisi à wụ́ wa.

Iruuku 12:32

“Ẹwụ nịnị ịragụ oweyi, asị u hí angwa nịnị, agụvị ka ịnẹ Ada awụ nịnị ô hine ka wa ngụ ịdị anị nịnị dị ọnị ọ̀ọ mẹ ịjọvaa tụra wụ nịnị.

Odeyi 20:29

Mâ yẹ ka mèe si hu, aza edivi anka akatapooro nịnị vaa ngụ ịnị akakana awụ nịnị. Ẹ yị vaa navọ ẹwụ nịnị ana yà anka atẹmẹ avọọ hẹẹ.

Odeyi 21:13

Dị Ịpọọrụ ka, “Sụ waa mẹ nịnị aanị, dị waa jị òrèrè nịnị? U wee sì ka we du mi ayị nịnị nịị? Mê tenyi ẹngụ ka à wụ̀ mị Íjerusarẹmị agụvị ịrẹha Ijeesu Ananyị yị, ayị vị ka à sụ́ mi orupa kẹnẹ.”

Aniroomi 1:15

Agụvị avọọ ma sị ẹngụ tenyi, di me re ka ma rẹ kà enube ọyịza yị ẹwụ nịnị ene re hi Iroomi bẹẹ.

1 Anịkọrịntị 9:7

Áá nyị isoja eneē sí ẹngụ anị ụta? Wéé re ọkụrịkụ ẹnẹ ẹ̀ yị mā rị ịsa ịnị aarẹ anị da? Ẹ yị rẹ nyị ọza anaā pá ịsụpa ẹnẹ ẹ̀ yị mā rị ịsị ẹ hụụnị anị vẹ.

1 Itimoti 3:3

Asị ọdọvịdị ịragụ Ohomorihi na vị ohweche, asị ọ vị ọnịrazị! Ama áa vọrọ ka ọ̀ nyị ebira hẹẹ, asị ọ vị ọnịrẹyị, dị asị ọ rẹ vị eneyiche!

1 Itimoti 3:8

Aza ana aa mẹ ọgụvọ ịnị ịragụ Ohomorihi, áa vọrọ ka ẹnị ẹ̀ rẹ nyị ebira ana vọrọ. Ẹ́ yị vọrọ ka ẹ̀ vị ọnịrarẹ ẹẹva. Asị ẹnị dọ ọda eche oyihú, dị asị ẹ rẹ vị ọza anaā sịị ayịị tụ́ ịnị ẹkẹhị kẹnẹ!

Ịtayịtọsị 1:11

Ẹyaa sị ịsa ẹnẹ ẹ̀ yị vọrọọ zụ̀ aza. Dị ẹyaa kụ́ avaba aza ene hi ini eehi ọnyaa nyeeyi. Ẹkẹhị kẹnẹ ẹ sị eyi tụ́ ịnị anị nị. Re ka ẹngụ aza ẹnẹẹ waa za wa irenu kú oku.

Ịtayịtọsị 1:7

Agụvị ka ọdọvịdị ịragụ o si eyi pe ịragụ Ohomorihi, ẹ́ yị vọrọ ka ọ̀ nyị ohuvọ ọnyọọnyị. Asị ọ vị ọza ana ahịka aanị ịnya kẹnẹ ọọ̄ dụ nị, asị ọ rẹ vị ọza anaā hụraa kụ́ ayị, dị asị ọ́ rẹ vị ohweche. Asị ọ vị ọnịrazị, dị asị ọ rẹ vị ọza anaā sịị ayị tụ́ ịnị ẹkẹhị kẹnẹ.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Ịtayịtọsị 3:1

Tama aza awụ ayị ka ẹ̀ ká ịrẹsụ hi yị aza anaa mẹ ịjọva, dị ẹ̀ẹ wụ́ ịrẹyị ẹnịnị. Ẹnịnị è re tenyi ẹngụ dị ẹ̀ẹ mẹ̀ ịsa tụra ịsa ene èe zoza.

Ihwirimọnị 1:14

Ama mé yi sì ka ma sị ụkata za wụ gụ mị ụvọ. Mee sì ka ẹwụ ụvọta ọ̀ sị ayị awụ mẹẹ. Agụvị avọọ, ẹ́ yị nyị ịsị mị vaa mẹ ẹ̀ yị vị ụ sị ụvọ tụ́ ọ.

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.