1Ipita 4:6 - IWE ỌNỊNỊ

⁶ Iruvo ana sị kà enube ọyịza yị oku nịnị, ọ vị ka ụhwẹ ẹnịnị ẹ̀ zụ yára, anka Ohomorihi mẹ̀ yára, ọ̀ọ daka vị ka Ohomorihi ộ vị raa mẹ̀ ọkarẹyị yị wa, ẹ mẹ̀ yị yà ịnị ẹhẹ anka aza ana vọ.

1Ipita 4:6 ပူးပေါင်းရင်းမြစ်များ

Imatiwu 24:9

Ịjọnọọ a vaa za wụ nịnị dị a ka à sị ụya rị wụ nịnị, dị a wụ wụ nịnị. Avaba anẹhẹ vaa nyị ịhyẹrẹ awụ nịnị agụvị amị.

Aniroomi 8:2

Ị mẹ̀ kụkụ yà ịnị ụvọ Ụhwẹ Ohomorihi aanị, ọ raà mẹ ka ẹyịrị Ikirisiti ọ̀ vị ọnya, dị ya yàra obooro. Ụhwẹ Ohomorihi ọnọọ ọ sị mị dọ hụụnị ụvọ ọda anaā sịị ọzaa mẹ ịvị, di o sú.

Anigaratiya 2:19

Àa vị ẹmịị yọ, ini oze ọda mị yà yẹ ka mê wusu yị ọda, Mẹ yị kụkụ sị ayị tụra ọda ẹnẹẹ, agụvị dị ma zụ yàra yị Ohomorihi. Ẹmịrị Ikirisiti a kanyị za ọchị apavahị, di i sú nị.

Anigaratiya 5:25

Ụhwẹ Ọnịnị ọ sị ọyịyara obooro yị nị. Agụvị avọọ à navọ Ụhwẹ Ọnịnị ọnọọ ọ̀ rẹẹ zụ̀ yị oze ịnị avaba ịsị yàa mẹ.

1Ipita 1:12

Ohomorihi ộ sị zụ wa ka ẹwụ nịnị ẹyaa mẹ ụkọrọọ yị nị, ẹ́ yị vị ẹngụ ẹnịnị. Aza anaā kà enube ọyịza ệ kà a wụ nịnị, anka Ụhwẹ Ọnịnị ana a tụ́ hụrị ẹbẹẹba vẹ mẹ̀ sị ụkata yị wa. Anggẹẹrị nịnị nyẹmba bẹẹ ee sì ka eni è re ịsa ẹnẹnị.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

1Ipita 3:19

Dị ọ sị ụkata ụhwẹ anị ọnọọ na kà ịrẹyị Ohomorihi yị ụhwẹ nịnị ene hi ịnị ẹngwa ịzọọ.

Ẹtore 14:18

Dị anggẹẹrị ọnya aanị ana sị eyi pe ịra ịnị ụta hụụ ịzọọ vẹ nị. Di o nowu tụ́ ẹba kà ịrẹyị yị ana nyị ụhwọ ana rẹ avọọ nị, dị ọ ka, “Sị ụhwọ awụ, dụ wa sị há ẹtụtụ ịvayịnị ene hi ẹhẹ, agụvị ka ẹ́ẹ ta ví.”