1Ipita 3:8 - IWE ỌNỊNỊ

⁸ Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí.

1Ipita 3:8 ပူးပေါင်းရင်းမြစ်များ

Ahẹ Ụgama 103:13

Anka ada ozi mẹ̀ẹ vayị ozi anị avọọ, avọọ Ẹnẹyịmavara mẹ̀ẹ vayị ọza ene hí angwa anị nị.

Ụhịrẹyị 28:8

Ọza anaa dọ ọtụrarẹsụ ẹkẹhị erere agụvị ọnị ọ nyị ẹkẹhị hu avọọ, ọ yị vaa sị mẹ̀ ẹhẹ. Áa kụ ẹkẹhị ọnọọ gụ zi ọzẹnẹsa ana vaa vayị onuruwa nịnị.

Ịzakaraya 7:9

Ịrẹyị ọnị Ẹnẹyịmavara Ochẹtẹẹngụ kà yị: Ọ kà ẹẹ̄ sị ịzẹyịza mẹ̀ ọkarẹyị, ẹẹ̄ ngụ ayị ọza, dị ẹẹ̄ vayị ọnụhụva.

Imatiwu 18:33

Ho! Ẹwụ ẹ yị rẹ nyẹngụ vayị ọnọhụva awụ, anka m mẹ̀ vayị awụụ?’

Iruuku 10:33

Ama a va nyị Anịsamarịya ọnya aanị, ana rẹ zị oze avọọ aa jịnẹ, di oni re ve tù ọza ọnọọ nị. O mè ree, ayị anị ộ va.

Odeyi 2:1

Ịhị ẹkụhị ana a sịị̄ rị eche ana aā hị́ Ịpẹntịkọsị si tù, dị avaba ọdọwụ nịnị kụ́ gụ aha ọnya nị.

Odeyi 27:3

Eyinẹhẹ anị, ya na sị ngụ Ịsịdọnị. Ijuriyọsị, ộ ngụ ayị Ịpọọrụ, dị ọ sị oze yọ ka ò ne hee ọta anị, dị ẹ̀ zụ sị ịsa yọ nị.

Odeyi 28:7

Ọgụrị ịzọọ â nyị aarẹ ọnya aanị. Ohinọyị ẹtẹ ọnọọ ene enyi kara ọ rị Ipaburu nị. Ohinọyị ọnọọ ọ nyị aarẹ ọnọọ nị. Ô sì yi ọzọga ẹtẹẹtẹrẹ, di i chí ini eehi anị mẹ ẹkụhị ẹẹta nị.

Odeyi 4:32

Avaba ẹnịnị ana dọ wụ́ vị ana và ịnẹ bẹ, dị ẹ nyị ayị ọnya nị. Ẹ yị nyị ọza ana kà a ka ịsị ọnị nyị ka áanị ịnyara kẹnẹ ọ vị nị. Ịsị ẹ̀ẹ nyị, vi e dudu aa gà a nị.

Aniroomi 12:10

Wee sì ịrẹyị ẹngụ nịnị ẹtẹẹtẹrẹ, anka ẹyịnyara ini Ikirisiti meē sì ịrẹyị ẹngụ avọọ. Waa sị ụbanyịị yị ọnọhụva awụ huna ẹngụ awụ ụvọta.

Aniroomi 15:5

Ohomorihi anaā sịị isuuruu yị ọza, dị ọ rẹẹ̄ mẹ ka ọza ọ̀ nyị ọtụtụrụma, ọ̀ navọ ariro awụ nịnị ọ̀ zụ vị ọnya, dụ wa zụụ sị ahụ Ijeesu Ikirisiti hi ẹtẹ nịnị!

1 Anịkọrịntị 1:10

Ẹwụ nịnị ẹyịnyara amị, máa sị ịrẹha Ijeesu Ikirisiti Ananyị yị dá ịpẹ wụ nịnị ka wa sị ịnẹ yị ẹngụ nịnị. Asị ụ zẹẹ ka ẹhahi ọ̀ ngụ ịnị akakana awụ nịnị! Và ụvọ bẹ ẹtẹẹtẹrẹ nịnị, dụ wa nyị ayị ọnya nịnị, dụ wa rẹ nyị ariro ọnya nịnị!

1 Anịkọrịntị 12:26

Ọchẹngụ ọnya àaa rị ụya, avaba ana vọ e ree beri ọọ rị ụya nị. Àa sị ụbanyị yị ọnya, avaba ana vọ ee pee jẹ nị.

Anẹhwẹsọsị 4:2

Nyị ịrẹsụ ọkahi, nyị ayohunẹnẹ, dị ụ wa rẹ vị onisuuru nịnị ẹtẹẹtẹrẹ. Wee sì ịrẹyị ẹngụ nịnị ini oze ọyịsị ẹngụ jị ọọ yị ẹngụ nịnị.

Anẹhwẹsọsị 4:31

Asị ụ rẹ̀ kụkụ nyị ẹngụrẹyị ọnịrị ọyịkụ nịnị! Asị u rè nowu kú ẹngụ nịnị, asị ụ rẹ̀ rẹ kụ̀ ẹngụ ụhụ nịnị! Hụụnị avaba ebira odivi nịnị!

Anẹhwẹsọsị 4:32

Ama waa ngụ ayị ẹngụ nịnị, dị ụ waa vayị ẹngụ nịnị, dị ụ wa rẹẹ vagu ẹngụ nịnị, anka Ohomorihi mẹ̀ hụ agụvị Ikirisiti dị ọ vagu wu nịnị.

Anihwiripi 2:3

Asị a nyị ọza ana sị ụhị ọyị kụ̀ mẹ ịsọnyị-ịsọnyị. Asị ụ rẹ mẹ̀ ịsa agụvị di u we zụ sii wo oto nịnị. Ọzọza ọ̀ kà ẹngụ anị chi, asị aza ẹnyị ro o ka ọnị óo huna ọsa.

Anihwiripi 3:16

Ịrẹyị ene hu ọ vị ka, ịzẹyịza ọnị ịsị yẹ, a vẹ yaa yịị kà a tụ́ ọvịdị ịnị anị.

Anikorasi 3:12

Ohomorihi ọ sị wụ nịnị nyị mẹ aza anị; óo sì ịrẹyị awụ nịnị. Agụvị avọọ waa mẹ̀ ebira ana vọrọ tụra ọza Ohomorihi nịnị! Wee roo yị ẹngụ, dị waa ngụ ayị ẹngụ nịnị. Kà ẹngụ awụ nịnị chí, nyị ebira hẹẹ ọnịrị ayọnẹtẹ nịnị.

Anihiburu 13:1

Ẹwụ nịnị ana vị ẹyịnyara ini Ikirisiti, wee yii sì ịrẹyị ẹngụ nịnị!

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

Ijemiisi 5:11

Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

1Ipita 2:17

Sị ụbanyị yị avaba aza. Sì ịrẹyị ọdọwụ anda awụ nịnị. We yii hí angwa Ohomorihi nịnị. Sị ụbanyị yị ohirẹsụ ẹkụra nịnị.

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

2Ipita 1:7

Sì ịrẹyị aza anka ẹyịnyara awụ tụ́ ini ebira ene zé Ohomorihi eyi ọnị ụ nyị! Rẹ vaka ọnọọ, sị vụrị di u we sì ịrẹyị aza anka Ohomorihi mè sì ịrẹyị ẹnịnị.

1 Ịjọọnụ 3:14

Àa vị ẹyị yọ, yáa yẹ ka ya sị jịnẹ hụụnị isu va ngụ ịnị ọyịyara obooro. Ịsị ẹ sị zụ̀ ọ vị ka yée sì ịrẹyị ọdọwụ nịnị. Ọza ene è yi sì ịrẹyị ọdọwụ, ẹẹ̀ yị há hụrị isu ụvọ.