1Ipita 3:1 - IWE ỌNỊNỊ

¹ Ẹwụ nịnị ese, ká ịrẹsụ hi yị ọva awụ nịnị, agụvị ẹnyị ẹnẹ ẹ̀ yị dọ ịrẹyị Ohomorihi wụ́, èe re ebira awụ nịnị, ịsavọọ ẹ̀ zụ dọ wụ́. Wẹ̀ yị daka sị irenu kà a yị wa,

1Ipita 3:1 ပူးပေါင်းရင်းမြစ်များ

Oyinyima 3:16

Di Ohomorihi kà a yị ọnẹẹ ọnọọ ka, “Ọnị vaa sị eyi anị re ịrẹyị ẹtẹẹtẹrẹ àa ma ozi. Vị ọ vaa zị ọ ẹnẹmẹhị nị. Ama vi o vee yii sì ka ọnị ọ̀ yà ịda ọva anị nị, di ahịka ọnị aa mẹ ọdaa tụra a nị”.

Ụhịrẹyị 11:30

Ọnịrẹyịzẹyịza sị mẹ anka ọchị anaa tụ́ ẹtụtụ anị avọọ nị. Ọza ọhịmị vị anaa wụ̀ ọza.

Ụhịrẹyị 18:19

Wàa mẹ ọgụvọ yị ọnọhụva awụ, ó vee sere wụ anka ọvọ ana jị kara ẹkụra avọọ nị. Ama ịrazị vị anaa ha azaa hi anka oze ovwoovu ana sị enyusẹ chire avọọ.

Imatiwu 18:15

“Ọhụva awụ ọ̀ọ mẹ wụ́ ịrẹyị odivi, na dị ọ̀ vị ẹwụrị ọ anava, dị ụ wa họ̀ ọ. Ọ̀ọ wụ́ ịrẹyị awụ, wa raà sị ọọ varẹma vị ọnọhụva awụ.

Aniroomi 10:16

Ama ayị vị avaba ẹnịnị ẹ dọ enube ọyịza ọnọọ. Ayịsaya ộ vịdị kà a ka, “Ananyị yị, aza ẹ yị dọ enube ọyịza ọnị yaa kà, ọ!”

Aniroomi 6:17

Wâ vịdị vị ọrịhị ịvị nịnị da. Ama yáa kụ́ Ohomorihi avọ, agụvị ka wa va raà sị avaba ayị awụ nịnị dọ ịrẹyị ana aa sịị zụ̀ wụ nịnị.

Aniroomi 7:2

Wâ yẹ ka ọnẹẹ ana nyị ọnọrụ, ọda ộ zaa ka ọ̀ yà ịda ọva anị, ọva anị ọ̀ọ yị yà ẹhẹ. Ama ọva anị òo wusu, ọda ọyị kụkụ zaa ka ọ̀ yị yà ịda anị.

1 Anịkọrịntị 11:3

Ama mee sì ka wa yẹ nịnị ka Ikirisiti ọ vị ohirẹsụ ọnọrụ nịnị nị. Ọva ọnẹẹ ọ vị ohirẹsụ ọnẹẹ nị. Ohomorihi ọ vị ohirẹsụ Ikirisiti nị.

1 Anịkọrịntị 14:34

àa sị gụ, anyẹnẹẹ èe kú oku irenu. Ọza ọ yị sị oze yị wa ka ẹ̀ẹ kà ịrẹyị. Ama ẹnịnị ẹ̀ kà ẹngụ ẹnịnị chí, anka ọ́da Ohomorihi mẹ̀ rẹ kà a.

1 Anịkọrịntị 7:16

Ẹwụ ọnẹẹ ana dọ wụ́, wáá daka yẹ, à vị wa zụ mẹ ka Ohomorihi ọ̀ dọ ọva awụ ẹnẹ ẹ̀ yị dọ wụ́ há? Ẹwụ ọnọrụ ana dọ wụ́, wáá daka yẹ, à vị ẹwa rẹ zụ́ mẹ ka Ohomorihi ọ̀ dọ ose ewu ẹnẹ ẹ̀ yị dọ wụ́ há?

Anẹhwẹsọsị 5:33

Ẹwụ nịnị ọ́ raa kà bẹẹ nị: ọzịnya-ọzịnya awụ nịnị ò sì ịrẹyị ose anị anka ẹngụ anị ụvọta! Dị ose ò re ka ọnị ọ́ọ sị ụbanyị yị ọva anị!

Anikorasi 3:18

Ẹwụ nịnị ọnẹẹ ana nyị ọnọrụ, waa ká ịrẹsụ hii yị ọva awụ nịnị anka ọ mẹ̀ vọrọ tụra ọza Ohomorihi.

Anikorasi 4:5

Yẹ, ụ mẹmẹẹ sị ịrẹyọyẹẹ mẹ ebiraa hi aza ẹnẹ ẹ̀ yị vị ọdọwụ. Re ka we yi du ụmẹ ha nịnị.

2 Anịtẹsaronika 1:8

Dị ọ sị ịra giri-giri vẹ, di o ve si atọ yị aza ẹnẹ ẹ̀ yị yẹ Ohomorihi, dị ẹ̀ yị rẹ dọ enube ọyịza Ijeesu Ananyị yị wụ́.

Anihiburu 11:8

Abụrahamị ọnị ọ rẹ sị ayị tụra Ohomorihi, agụvị avọọ ộ wụ́ ịrẹyị chire Ohomorihi. Ịnị ụmẹ ọnya Ohomorihi ộ kà a yọ ka ọ̀ kwẹẹtẹ, dị ọ̀ nọ ịnị ẹtẹ ọnya aanị ọnị ọnị vaa sịị yọ. Ịzẹyịza, Abụrahamị ộ kwẹẹtẹ, dị aa yịị na kẹnẹ nị. Ọ yị hyakụ yẹ ịzị ọ daka aa nọ.

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

1Ipita 3:2

e vee re ka wáa nyị ebira ozoza ọnịrị ka wáa nyị angwahi Ohomorihi nịnị.

1Ipita 3:7

Ẹwụ nịnị ọva, wa rẹẹ mẹ̀ ebira ẹtẹẹrẹ hi ese wu nịnị bẹẹ, wâ yẹ nịnị ka ọkụmị ẹ vị nị. Sị ụbanyị yị wa, agụvị ka Óhomorihi mẹ̀ sị ụhwẹ ana yára pooro zịna-zịna mẹ wụ ẹyịza, avọọ ọ mẹ̀ rẹ sị yị ese wu nị. Wa vavọọ mẹ nịnị, agụvị asị a nyị ịsị ẹ dọ aduwa awụ nịnị oro.

1Ipita 4:17

Ụmẹ ọkarẹyị o si tù, aza Ohomorihi Óhomorihi vaa vịdị aa mẹ̀ ọkarẹyị anị nị. Àa vị ịdị ẹyị aza Ohomorihi, ọkarẹyị nyima hụrẹ nị, si ụ ro ka ọ vaa vị ẹzẹtẹ aza ẹnẹ ẹ̀ yị dọ enube ọyịza Ohomorihi wụ́?