1Ipita 2:9 - IWE ỌNỊNỊ

⁹ Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

1Ipita 2:9 ပူးပေါင်းရင်းမြစ်များ

Ahẹ Ụgama 106:5

Navọ ize aza awụ ọnị ụ sị nyị ò ve che kú mị, di me zụ beri aza awụ jẹ ịrajẹ. Navọ ẹnịrị aza awụ è ve duduu kụ́ wụ avọ.

Ahẹ Ụgama 118:27

Ẹnẹyịmavara ọ vi Ohomorihi nị. Ọ raà mẹ ka ò zoza yị. Jị avị rị ụvọ, dị waa jẹ ịrajẹ nịnị, dị waa nyị ẹzẹẹ kara aha ịsọvọ nịnị.

Ahẹ Ụgama 135:4

Ẹnẹyịmavara ọ sị Ijekọvụ nyị ka aanị ọ vị nị. Ọ kà Anisirẹrị vị ogu anị.

Ahẹ Ụgama 22:30

Ezi ịrẹma-ịrẹma vaa hẹkẹ Ẹnẹyịmavara A vaa pa ịta yị wa ịsa ọnị ọ mẹ.

Ahẹ Ụgama 33:12

Ẹnẹyịmavara ọnọnị, aza ana sị ọ mẹ Ohomorihi, ẹ̀ nyarị ịrẹsụ ọyịza o! Mị ka ẹwụ nịnị ọnị ọ nyị ka ọnị ọ sị mẹ aza anị, a nyarị ịrajẹ o!

Ahẹ Ụgama 73:15

Màa ka maa ka ịrẹyị ọnọnị ịzị eyi za mị ne tù, mị raà mẹ aza awụ ịrẹma ụvọ.

Ayịsaya 26:2

Nā oze vị anẹkụra nịnị ana aa mẹ ịzẹyịza ẹ̀ ngụ eehi, dị ẹ yaa mẹ̀ ịsa ene zee wu eyi.

Ayịsaya 41:8

Ama ẹwụ Isirẹrị ozi ahụ amị, ẹwụnị ezi Ijekọvụ ọnị Ẹnẹyịmavara nyị̀, ana vị evere Abụrahamị ọta amị.

Ayịsaya 42:16

Ọ kà, ọnị vaa sị ụvọọ gẹ aza anị ene gù eyi vaa tụra oze ẹnẹ ẹnịnị ẹ̀ yị vịdị zị da. Ọnị vaa vara etohozi ẹnịnị ẹtohweyi. Ọnị vaa swa ẹtẹ ana yà boga-boga yị wa. Ịsa ẹnẹnị ọnị wo oto anị ka ọnị vaa mẹ̀ nị. Ẹ yị nyị ka ọnị ẹ yị mẹ̀ ẹ.

Ayịsaya 44:1

Ẹnẹyịmavara kà, “Sị ụtọ pe ẹtẹ booro aanị, ẹwụ Isirẹrị, ozi ahụ amị. Ẹwụ nịnị ezi Ijekọvụ, ọnị mị nyị mẹ aza amị.

Ayịsaya 61:6

Aza vaa yẹ wa ka ohirẹsụ irehi Ẹnẹyịmavara ẹ vị nị. Ezi ahụ Ohomorihi ayị. Ẹnịnị ẹ vaa sị ogu anẹkụra nịnị mẹ ẹhẹ nị. Ee mè eyi ka ẹnị ẹ nyị nị.

Ayịsaya 62:12

A vaa hị́ wụ nịnị “aza ọnịnị Ohomorihi”, aza ọnị Ẹnẹyịmavara sị dọ ha Ijerusarẹmị vị ana vaa hị́ ẹkụra ọbanyị ọnị Ohomorihi sị ịrẹyị anị. Ẹkụra ọbanyị ọnị Ohomorihi ọ yị hụrẹ ụvọ.

Ayịsaya 66:21

Ẹnẹyịmavara kà ọnị vaa sị aza ẹnyị ẹnịnị ka ẹ vị ohirẹsụ irehi anị, dị ẹnyị vị Anireevi ana mẹ ọgụvọ.

Ayịsaya 9:2

Aza ene hi ịnị ịrahụ e reè ẹtohweyi ọbanyị ọnya. Ẹtẹ ene vịdị hozi kara wa ama ẹ sị ẹtohweyi re.

Ịmarakayị 3:17

Ẹnẹyịmavara Ochẹtẹẹngụ ka aza anị ẹ vaa vị nị. Ogu ọtirenyi ẹ vaa vị yị ọnị ịnị ẹkụhị ọnị ọnị vaa sị mẹ̀ ọkarẹyị nị. Ọnị vaa vayị ẹnịnị anka ada mẹẹ̄ vayị ozi anị anaa hẹkẹ ẹ avọọ.

Imatiwu 4:16

Aza ene hi ịnị ịrahụ vee re ẹtohweyi ọbanyị. Etohweyi vee hweyii tụra aza ene hi ịnị ịrahụ ịnị ụvọ isu.”

Imatiwu 5:16

Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

Iruuku 1:79

Ọ vaa sị ẹtohweyi yị aza ene hi ịnị ịrahụ, dị ẹ yà ịnị ụvọ isu. Ọ vaa zụ̀ yị oze ẹngwọọrọ.”

Ịjọọnụ 17:19

Agụvị ẹnịnị mị sị ẹngụ amị tụ́ irenyi yị wụ nị, agụvị dị ẹnị ẹ̀ rẹ sị ẹngụ ẹnịnị tụ́ irenyi yị wụ ịnị ịzẹyịza.

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Odeyi 26:28

Dị Agiripa kà a yị Ịpọọrụ ka, “Ịnị ụmẹ keere ọnọnị, ụ waa vaa vara mị Anikirisiti nị?”

Aniroomi 9:24

Mị ka ẹyị ọnọọ hị́, ayị vị hụụnị Aniju nịnị kẹnẹ, ama hụụnị Anigiriki nịnị bẹẹ.

1 Anịkọrịntị 3:17

Ọza ene èe du irehi Ohomorihi ẹngụ, vị Ohomorihi aa wụ̀ ọza ọnọọ nị. Irehi Ohomorihi vị ọnịnị, ẹwụ nịnị ọ vị irehi anị ọnọọ nị.

Anẹhwẹsọsị 1:14

Ụhwẹ Ọnịnị ọnọọ ọ́ọ sị zụ ka ị vaa dọ ẹyịza ana vọ oni Ohomorihi kà a ka ẹ yị zụ nyị ka ọnị ọ yị vaa sịị yị aza anị. Ọ rẹ mẹ ka ya yẹ ka Ohomorihi vaa hị́ aza anịị varẹma saka-saka. Agụvị avọọ à vẹ yaa ga ụbanyị anị.

Anẹhwẹsọsị 1:6

À vẹ yaa ga Ohomorihi, agụvị ka ayamva anị ọ́ọ nyị ụbanyị ẹtẹẹtẹrẹ, ọnị ọ vị ka ộ vayị ayị ini oze Ozi anị oni o sì ịrẹyị anị ẹtẹẹtẹrẹ.

Anẹhwẹsọsị 3:21

À vẹ yaa sị ụgaa yị Ohomorihi ịnị ịragụ anị ọnịrị ini oze Ijeesu Ikirisiti pooro zịna-zịna! Aamị.

Iwe Ọhụhị Imosiisi ana aa hị́ Ọyịvatụrọda 10:15

Ọ nyayịnẹ sì ịrẹyị ohiku ẹnịnị, dị ọ nyị wa dị ọ navọ avaba Anẹkụra nịnị ana vọ nị. Avọọ ọ mẹ yị nyị wa pooro ve tu ajịnị nị.

Iwe Ọhụhị Imosiisi ana aa hị́ Ọyịvatụrọda 14:2

Ka aza ana a sị tụ́ irenyi yị Ẹnẹyịmavara Ohomorihi ẹnịnị ẹ vị nị. Ẹnị Ẹnẹyịmavara nyị yị ẹngụ anị hụụnị avaba aza ene hi ịnị ẹhẹ nị.

Iwe Ọhụhị Imosiisi ana aa hị́ Ọyịvatụrọda 18:2

Ẹnịnị ẹ yị vaa nyị ẹtẹ ẹnịnị anka ịrẹsụ-ịrẹsụ ana vọ. Ẹnẹyịmavara ọ vị ọnyịrẹ̀va ẹnịnị anka ọ mẹ vịdị kà a yị wa nị.

Iwe Ọhụhị Imosiisi ana aa hị́ Ọyịvatụrọda 4:20

Ama Ẹnẹyịmavara vị ana dọ ẹnịnị ha hụrị Ijipiti ana sị mẹ anka ịra avọọ. Ọ kụ wụ nịnị jịnẹ hụụ ịzọọ ka ẹnịnị ẹ vị aza anị anka ẹ mẹ ya ajịnị aanị.

Iwe Ọhụhị Imosiisi ana aa hị́ Ọyịvatụrọda 7:6

“Wa vavọọ mẹ̀ ẹ agụvị ka wa sị vị Ẹnẹyịmavara ana vị Ohomorihi awụ nịnị. Ọnị ọ nyị wụ nịnị ka wa vị anị hụụnị akakana aza ene hi ịnị ẹhẹ nị.

Anihwiripi 3:14

Mị vụrị aa yịị kà a tụ́ ọvịdị ne tù ọzarẹyịrẹsụ, agụvị dị ma zụ dọ ọgụ ọnọọ, oni Ohomorihi hụ agụvị anị hị́ mị ini Ikirisiti; ọnị ọ vị ka ma na ra ẹbẹẹba nị.

Anikorasi 1:13

Ohomorihi ộ dọ yị hụụnị ụkata ịrahụ, ọ raà sị yị va ngụ ịzị Ozi anị oni o sì ịrẹyị anị yà aa mẹ ịjọva.

2 Itimoti 1:9

Ohomorihi ọ dọ yị ha, dị ọ hị́ yị ka yaa mẹ̀ ebira ọnịnị nị. Ẹ́ yị vị agụvị ịsị ị mẹ ọ vavọọ sị mẹ; ama agụvị ayamva anị kẹnẹ ọnịrị agụvị eto ọnị ọ vịdị sị mẹ yọ nị. Ini oze Ikirisiti ọ vavọọ sị vayị ayị hụrị ụmọrụmọ dị a va yẹ ka aa mẹ ẹhẹ nị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

1Ipita 1:2

Ohomorihi Ada ayị ô vịdị si o ro tịtẹ, dị ọ va nyị wụ nịnị nị. Ộ sị Ụhwẹ Ọnịnị anị nyị wụ nịnị tịtẹ yị ẹngụ anị, ka wa wụ́ ịrẹyị Ijeesu Ikirisiti nịnị, dị e che anya anị sẹ́ wụ nịnị. Ohomorihi ọ̀ mẹ ọyịza ọnịrị ẹngwọọrọ anị yị wụ nịnị hu avọọ hu avọọ!

1Ipita 2:5

Ẹwụ nịnị nyẹmba vị ana rẹ yà anka ịrẹta ana yára avọọ. Ohomorihi aa sị wụ nịnịị dà irehi anị ana yára. Ohomorihi ọ raà sị wụ nịnị tụ́ irenyi yị ẹngụ anị anka ohirẹsụ irehi Ohomorihi nịnị, ka wa sị ụkata Ụhwẹ Ọnịnịị hẹkẹ Ohomorihi nịnị. Ọnọọ ọ vị ịsọvọ ọnị waa mẹ̀ ẹ hi Ohomorihi ini oze Ijeesu Ikirisiti nị. Ịsị Ohomorihi sì ọ vị ọnọọ nị.

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.

Ẹtore 1:6

Ọ raà nyị yị ka ya nyị tụ́ ịnị ịjọva anị, dị ya rẹ yà anka ohirẹsụ irehi Ohomorihi, dị yaa hẹkẹ Ohomorihi Ada anị. Ọnị ọ vaa nyị igirima ọnịrị ụkata pooro zịna-zịna nị. Aamị.

Ẹtore 20:6

Ọnịpaapa ẹnẹẹ ana a vịdị vavọọ ha hụụnị isu vị Óhomorihi, ẹ rẹ vaa dàa jẹ. Ẹngụ aza ẹnẹẹ e mè vene kuku sú ụpẹ ọhụva. Ohirẹsụ irehi Ohomorihi ẹ vaa vịị yị Ohomorihi ọnịrị ohinọyị ọnị ọ ka ọ̀ dọ yị há nị. Dị ẹnịrị ọọ dudu mẹ ohinọyị mẹ ịrayị akahị.

Ẹtore 5:10

Wa raà nyị wa ka ẹ̀nyị tụ́ ịnị ịjọva Ohomorihi. Dị ẹ̀ rẹ yà anka ohirẹsụ irehi Ohomorihi, dị ẹ̀ẹ hẹkẹ Ohomorihi ayị, ẹnịnị rẹ vaa rị ohinọyị ịnị ẹhẹ.

1 Ịsamụwẹrị 12:22

Ẹnẹyịmavara ọ raà wo oto ka ọnị e yi vee yi wu nịnị tịtẹ agụvị dị ọnị ọ̀ sị wụ nịnị mẹ aza anị.