1Ipita 2:7 - IWE ỌNỊNỊ

⁷ Yị aza ana sị ayị tụra a, ịsa obooro ọ vị yị wa nị. Ama yị aza ẹnẹ ẹ̀ yị sị ayị tụra a, e vee re ka, ịrẹta ọnị ọtụrarehi nịnị yi tịtẹ, ọ vana vị ọọnyị ịnị ịrẹta ana aā sịị da irehi nị.

1Ipita 2:7 ပူးပေါင်းရင်းမြစ်များ

Ayịsaya 28:5

Ịnị ụmẹ ọnọọ Ẹnẹyịmavara Ochẹtẹẹngụ vị ana vaa sị mẹẹ anka amu ohinọyị ana nyị ụbanyị. Ọnị aza ẹnị ana vọ vaa sị mẹ ọvị nị.

Ịhagayị 2:7

Ọ kà ọnị vee ziizi avaba ẹkụra, dị ọnị kụ́ ogu ẹnịnị ve hi ini irehi anị, di ịzọọ hí yị ogu ẹnẹẹ.

Ịzakaraya 4:7

Akanya ọ̀ọ daka ya anka ataba, eyi Izerubabẹrị aa ta hi eteesu nị. Ọnị aa da irehi Ohomorihi nị. Ọ̀ọ maanị aa sị ịrẹta ọdịrẹma tụra a kẹnẹ, dị avaba aza aa kà booro-booro ka irehi ọnọọ o zoza.

Imatiwu 21:42

Dị Ijeesu kà a yị wa ka, “Aanịka wẹẹ̀ yị kà a ini Iwe Ohomorihi nịnị ka: ‘Ịrẹta ọnị ọtụrarehi nịnị yi tịtẹ, ọnị ọ vana vị ọọnyị ịnị ịrẹta anaa sịị̄ dà irehi nị. Ananyị yị ọ maanị mẹ nị, ô hí yi irenu!’

Iruuku 2:32

Ọnị ọ va ẹtohweyi ana vaa sị oze zụ̀ Anigiriki nị, dị ọ raa sị ụbanyịị yị Anisirẹrị ana vị aza awụ.”

Iruuku 2:34

Dị Isimiyọnị rẹ mẹ̀ aduwa yị wa nị. Dị ọ kà a yị Imeri ọnyị Ijeesu ka, “Ohomorihi ọ sị ozi ọnọnị nyị ka ini oze anị aza ẹnyị ịnị Anisirẹrị nịnị vaa yàa hyẹdụ, dị aza ẹnyị rẹ varẹma kwẹẹtẹ nị. Ohomorihi ọ raà sị ọọ mẹ apọtẹrẹwa ọnị aza ẹnyị vee yii tịtẹ;

Iruuku 20:17

Di Ijeesu kana eyi re wa nị, dị ọ ka, “Sị ẹ va vị iruvo ịrẹyị ọnọnị ana a chẹrẹ tụ́ ini Iwe Ohomorihi? ‘Ịrẹta ọnị ọtụrarehi nịnị yi tịtẹ, ọnị ọ vana vị ọọnyị ịnị ịrẹta ana a sịị̄ dà irehi nị.’

Ịjọọnụ 4:42

Dị ẹ kụkụ kà a yị ọnẹẹ ọnọọ ka, “Ẹ ya raà sị ayị tụra a booro aanị, ẹ yị vị agụvị ịrẹyị ọnị ụ kà yị kẹnẹ; ama ẹyị ụvọta ọ sị ịrẹyị anị wụ́, ya sị yẹ ka ịzẹyịza, ọnị ọ vị Ikirisiti, ana vị Ọdọzaha anẹhẹ nị.”

Odeyi 26:19

“Taarụ, mẹ yị mẹ akamawụ hi ẹtẹ oni mi re hụrẹ ẹbẹẹba.

Aniroomi 10:21

Ama ini oze Anisirẹrị nịnị Ohomorihi ọ va kà a ka, “Eyinị-eyinị maa sịị tana ụvọ ka ma sị sị anakamawụ ẹnẹnị, anaā và mị ị̀karenu aanị nị.”

Aniroomi 15:31

ka ò jị oku kú mi hụụnị ụvọ Anijudiya ẹnẹ ẹ̀ yị dọ wụ́. Rẹ mẹ̀ aduwa ka aza Ohomorihi ene hi Ijerusarẹmị, ẹ̀ dọ ụkọrọ ọnị maa naa mẹ ịzọọ!

2 Anịkọrịntị 2:16

Yị aza ene ee vu ẹtẹ, vị ị sị mẹẹ anka ịsa agụ ene sú, ana agụ anị rẹẹ̄ wụ̀ ọza avọọ nị. Ama yị aza ana vọ, vị ịsị mẹẹ anka ịsa ana yàra, ana agụ anị rẹẹ̄ mẹ ka ọza ọ̀ yàra avọọ nị.

Anikorasi 2:10

Ọnị ọ nyị ẹbẹẹba anggẹẹrị nịnị ana nyị ụkata nị. Ẹwụ rị ọ ọ̀ọ sị vị ọnya nịnị, wa sị gụ nịnị.

Ịtayịtọsị 3:3

Yáa yẹ ka ẹyị nyẹmba vịdị vị ọnụra, dị ị rẹ vị anakamawụ, di e reè vene yi nị. Dị yaa hẹkẹ ịsa edivi ọnị ọchẹngụ ayịị̄ sì, dị ị rẹ dụ ọda ụbanyị ẹhẹ ọnọnị ọyịmẹ̀ nị. Ịị̄ vịdịị mẹ̀ ebira edivi, dị yaa mẹ eyọhụrẹ, dị yaa kụ́ ayị aza, dị ị hyakụ aa kụ́ ayị ẹngụ bẹẹ nị.

Anihiburu 11:31

Ịrahabị ọsẹrẹka ộ sị ayị tụra Ohomorihi. Ọnị ọ mẹ ka asị a wụ ọọ beri aza ana mẹ akamawụ hi Ohomorihi nị. Aza ene ne yi ẹtẹ ọnọọ re, ọ́ọ dọ wa pe ẹngụ tụ́ ịnị ẹngwọọrọ.

Anihiburu 4:11

Agụvị avọọ, à vẹ yaa sịị vụrị, dị ya zụ ngụ ịnị ụhwọtụ ọnọọ. Asị a nyị ọza ana na mẹ akamawụ anka ohiku ayị nịnị.

1Ipita 1:8

Wẹẹ̀ yị daka sị eyi awụ nịnị re Ijeesu Ikirisiti da, ama we yi sì ịrẹyị anị nịnị. We yi si eyi ree nịnị booro aanị, ama wáa sị ayị tụra a nịnị, ana ahịka ayị awụ nịnị ee hine ẹtẹẹtẹrẹ oni irenu ọ̀ yị zụ kà.

1Ipita 2:4

Vẹ ịdị Ijeesu Ikirisiti ana vị Ịrẹta ana yára nịnị. Aza ê yi ọ tịtẹ, ama Ohomorihi ọ sị ọ nyị, ịsa obooro ọ vị̀ yị Ohomorihi nị.

1Ipita 2:8

Ịrẹta ọnị ọzaā tụ́ ahụ ịnị anị dị ọ hyẹdụ ọ vị nị. Ệ vavọọ hyẹdụ, agụvị ka ẹnịnị ẹ́ yị dọ ịrẹyị Ohomorihi wụ. Avọọ Óhomorihi mẹ̀ vịdị mẹ eto anị tịtẹ nị.