1Ipita 2:12 - IWE ỌNỊNỊ

¹² Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.

1Ipita 2:12 ပူးပေါင်းရင်းမြစ်များ

Ahẹ Ụgama 37:14

Aza edivi ẹ sị ọpa kà e yee sì ka ẹnị ẹ̀ sị wụ onosiye ẹnẹ ẹ̀ yị nyị ụkata ọnịrị aza ana aa mẹ̀ ebira ana vọrọ.

Ahẹ Ụgama 50:23

Ohomorihi rẹ ka Ọza ana aā kụ́ ọnị avọ, ọnị vaa yẹ ka aa mẹ̀ ịsọvọ ana sị ụbanyị yị ọnị nị Ọza ene èe tenyi ebira anị, ọnị mị vaa dọ ọ há nị.

Ayịsaya 10:3

sị ụ vaa mẹ nịnị ịhị ọnọọ? Eni u vee zwe nee tù ka ọ̀ gụ wụ nịnị ụvọ? Mị ka ịzị ụ vaa kụ́ ogu awụ nịnị nee hi ịhị ọnọọ?

Ịdanịyẹrị 6:4

Ịjọnọọ, dị ẹnị ana a ka è si eyi pe Ịgọvọnọ nịnị ne beri Ịgọvọnọ ẹnẹnị ee si iruvo Ịdanịyẹrị nị. E yee sì ịrẹyị ene e ve sii du ọ ka ẹ yị mẹ̀ ụkọrọ ẹtẹẹrẹ. Ama ẹnịnị e yi re ịsa sị ụvọ za, agụvị ka Ịdanịyẹrị vị anaa sị ịzẹyịzaa mẹ̀ ụkọrọ anị.

Imatiwu 10:25

Ọza ana aa kọsẹ ịsa ọ̀ọ sị yà anka ọga anị, ô ze; ozi ahụ ọ̀ọ rẹ sị yà anka ọga anị, o re ze. Àa na aa hị́ adarehi ‘ohirẹsụ ụhwẹ echu’, yẹ ka ịrẹha ene divi hu avọọ a vaa hị́ anineehi anị nị.”

Imatiwu 5:11

Ụ vaa daa jẹ nịnị, aza àa kụ̀ wụ nịnị ụhụ, dị ẹyaa sị ụyaa rị wụ nịnị nị, dị ẹyaa sị irechee kà avaba ịsa odivi hi wu nịnị nị agụvị amị.

Imatiwu 5:16

Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

Imatiwu 9:8

Ịjị ọkọnị aza ẹnẹẹ re e, ô hí wa irenu, dị ẹyaa sị ụgaa yị Ohomorihi ana maanị sị ụkata yị aza nị.

Iruuku 1:68

“À vẹ ya sị ụga yị Ananyị yị ana vị Ohomorihi Anisirẹrị! Agụvị ka ọ va raà gụ aza anị ụvọ, ọ sị wa hị́ varẹma.

Iruuku 19:44

Dị ẹ vara wụ eteesu saka-saka beri ezi ewu. Ẹnịnị ẹ yị vaa navọ ịrẹta ẹnyịị tụra ọsa, agụvị ka wẹ yị yẹ ụmẹ oni Ohomorihi sị vẹ ka ọnị ọ̀ va dọ wụ há.”

Iruuku 6:22

Ẹwụ nịnị vaa daa jẹ, aza àaa kụ́ ayị awụ nịnị, di e si wu nịnị yi tịtẹ, dị ẹ rẹ yaa kụ̀ wụ nịnị ụhụ, dị ẹ ka aza edivi ụ vị nịnị nị agụvị ẹmị Ozi ọza onigirima.

Ịjọọnụ 13:31

Ịjị Ijudasi si hu, dị Ijeesu ka, “Booro aanị, aa vaa sị igirimaa yị Ozi ọza onigirima, dị a rẹ sị igirima yị Ohomorihi ini oze anị.

Odeyi 15:14

Ịsayịmọnị ọ sị ọọ kà a yị, Óhomorihi ọnị ụvọta meme nyima aa sị ayịị tụ́ ịnị ịrẹyị Anigiriki bẹẹ. Agụvị avọọ dị ọ nyị aza hụụnị Anigiriki ka ẹ̀ vị aza anị nị.

Odeyi 24:13

Ẹ yị nyị ịsị ẹ rẹ zụ sị sị zụ̀ wụ ka ịsị ẹ ka mâ mẹ aanị vị ịzẹyịza.

Odeyi 25:7

Ịjị Ịpọọrụ vẹ, dị Aniju ana hụrẹ Ijerusarẹmị chí vẹ jẹẹ karaa nị. Ẹ ka Ịpọọrụ ộ mẹ̀ ịsa edivi-edivi irenyi-renyi. Ama ẹnịnị ẹ yị zụ sị zụ̀ ka ịzẹyịza ẹ́nị aa kà nị.

Odeyi 28:22

Ama ẹnị yaanị sì ka ya wụ́ ịsị Ịpọọrụ ro, agụvị ka ẹnị ẹ́ yẹ ka avaba aha aza yà aa kà ịrẹyị odivii hi ogu ọnọnị nị.”

Aniroomi 12:17

Ọza ọ̀ọ mẹ wụ nịnị ịsa odivi, asị u sị odivi sí ọọ atọ nịnị! Waa mẹ avaba ịsa ana aza dọ ka hịịn, ịzẹyịza yọ nị!

Aniroomi 13:13

à vẹ yaa zị ụsẹ ana vọrọ tụra aza ẹnẹ ẹ̀ yị zị ụsẹ ịrahụ! Asị ị rẹ̀ kụkụ dọ ọda eche ọyịrị pooro kẹnẹ! Asị i rè hú eche, dị ọ̀ọ mẹrị yị; asị ị rẹ̀ mẹ̀ ebira ịdọtị irenyi-renyi, àa vị ebira kẹnẹ-kẹnẹ! Asị ị rẹ̀ zyaazị; asị ị rẹ̀ rẹ kụ̀ ụhị!

Aniroomi 14:18

Ọza ana àa vavọọ aa hẹkẹ Ikirisiti, óo zé Ohomorihi eyi, aza ẹ rẹ sị ụvọ tụ́ ọọ bẹẹ.

Aniroomi 15:9

Ọ rẹ vaa mẹ ka Anigiriki ẹ̀ zụ sị ụga yị Ohomorihi, agụvị ka ọọ̄ vayị aza. Â vịdị vavọọ chẹrẹẹ tụ́ ini Iwe Ohomorihi ka, “Agụvị avọọ mị vaa kụ́ wụ avọ ịnị akakana Anigiriki; mị rẹ vaa jị ahẹ ga ịrẹha awụ.”

1 Anịkọrịntị 14:25

Ịsa ene ee ro ịnị ayị anị vaa tụ́ ẹhẹ, dị ọ và ku ẹtẹ, dị ọ sị ụbanyị yị Ohomorihi. Dị ọ dọ irenu ka hịịn, ịzẹyịza Ohomorihi yà ịnị akakana awụ nịnị.

2 Anịkọrịntị 1:12

Yâ yẹ ịnị ayị ịzẹyịza ka ebira ayị ịnị ẹhẹ ọnọnị ọnịrị ịsị yee pe wu nịnịị mẹ, ka ayị ọnya beri ebira Ohomorihi ị yaa sịị mẹ̀ ẹ nị. Ayamva Ohomorihi ọ mẹ ka ya vavọọ mẹ nị. Ẹ yị vị ịrẹyọyẹ ọza kẹnẹ ọ vị. Agụvị avọọ ị yaa sịị jẹ nị.

2 Anịkọrịntị 13:7

Yaa mẹ̀ aduwaa hi Ohomorihi ka asị ụ na mẹ̀ ịsa odivi nịnị. Ẹ yị vị ka ya sị zụ̀ ka yaa mẹ ẹtẹẹrẹ. Ama yaa mẹ̀ ẹ ka wa zụụ mẹ̀ ebira ozoza nịnị; aza ẹ nyị ẹ̀ẹ daka ee ro o ka ẹyị ẹ yị mẹ ẹtẹẹrẹ.

2 Anịkọrịntị 8:21

Ẹ yị vị Ananyị yị kẹnẹ, i yee sì ka ya mẹ̀ ịsa ana vọrọ ini eyi anị. Yee sì ka ya rẹẹ mẹ̀ ịsa ana vọrọ ini eyi ọza bẹẹ.

Anẹhwẹsọsị 2:3

Ịyẹẹyẹ avaba ẹyịrị ụhwẹ echu ẹnẹẹ vị anaā vịdịị kụ́ ogu, dị ahịka oyisì ẹngụ ẹyị ọza kẹnẹ, ị yaa mẹ nị. Dị yaa mẹ̀ ịsa ọnị ọchẹngụ ọnịrị ayị ayị òo sì kẹnẹ; anka aza ana vọ, ẹyị vị ana rẹ vịdị aa mẹ̀ ebira anaa vọrọ ka Ohomorihi ọ̀ sị kụ́ ayị hi yị.

Anẹhwẹsọsị 4:22

Agụvị avọọ kụkụ sị ebira awụ nịnị ịyẹẹyẹ tịtẹ! Ebira ọnọọ vị ịsa ọnị ọchẹngụ ọzaā sì eneē vene ọza; ọ sị wụ nịnị wụ da.

Anihwiripi 1:27

Ịsị ẹ vị ịrẹyị obooro ọ vị ka ebira awụ nịnị ọ̀ yà anka ọ mẹ vọrọ tụra ọza ana dọ enube ọyịza wụ́. Me ve hee wu nịnị oo, mẹ yị vẹ oo, mee sì ka ma wụ́ ka wáa sị ayị ọnya jẹẹ geri-geri nịnị, di u we duduu sị ọnyaa dụ ịrẹyị enube ọyịza ọnị ụ dọ wụ́ nịnị.

Anihwiripi 4:8

Ẹwụ nịnị ẹyịnyara amị, maa za ịrẹyị amị ịrẹsụ. Ẹngụ ịrẹyị ẹnẹnị a vọrọ ka wee ro nịnị nị: ịrẹyị ana àa vị ịzẹyịza, dị ọ vị ịrẹyị obooro nị, ọnịrị ịrẹyị ana àa vọrọ, dị ọ rẹ nị nị, beri ịrẹyị ana aza èe sì ịrẹyị anị, dị a raa kà ọyịza anị nị; ịsị ẹ̀ẹ vị ebira ozoza, dị aza raa ga a nị, wee ro ẹngụ ịrẹyị ọnọọ nịnị.

1 Anịtẹsaronika 4:12

Wàa vavọọ aa mẹ nịnị, aza ẹnẹ ẹ̀yị vị ọdọwụ vaa sị ụbanyịị wụ nịnị, di u weyi che ayị za ọza nịnị.

1 Itimoti 2:2

Ẹ̀ẹ mẹ̀ aduwaa yị ohinọyị nịnị ọnịrị aza ana nyị ọda! Ọnọọ vaa mẹ ka ya zụ nyị ebira hẹẹ, dị yaa mẹ ẹhẹ ẹngwọọrọ, dị yaa mẹ mẹ̀ ebira oni Ohomorihi sì dị ọ rẹ vọrọ ini oze tụra oze.

1 Itimoti 4:12

Asị ụ zẹẹ ka ọza ọnyọọnyị ọ̀ sị eyi wụ wụ, agụvị ka wáa mẹhị vị ozweyi! Ama vị ọza ọnị ọdọwụ ana vọ vee sì ka ẹnị ẹ̀ẹ hama ịnị ịrẹyị irenu ọnịrị ebira ẹtẹẹrẹ awụ, ini oyisì ịrẹyị aza ọnịrị ayị ọyịsị tụra Ohomorihi beri ebira ọnịnị.

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.

Anihiburu 13:18

Waa mẹ̀ aduwaa yị nịnị! Yáa yẹ ka ayị ayị ẹ yị jị ịvị yị. Iī sì ka ya mẹ̀ ịsa ana vọrọ ịnị ịsa tụra ịsa.

Anihiburu 13:5

Asị ụ zẹẹ ka wa họ́họ̀ha ẹkẹhị ịnị ẹhẹ awụ nịnị! Ama re ka ịsị ụ wàa nyị, ọ́ọ vavọọ hụ wụ nịnị! Wáa yẹ ka Ohomorihi ọ sị ọọ kà ka ọnị ọ yị vaa navọ wụ nịnị tịtẹ, ọnị ọ yị rẹ vaa sị ayịị hụụnị ịrẹyị awụ nịnị.

Ijemiisi 3:13

Àa nyị ọza ana ka ọnị ọ́ọ yẹ ịrẹyị, ene eyi anị hweyi ịnị ẹngụ awụ nịnị, ọza ọnọọ ọ̀ mẹ̀ ebira ozoza, dị ọ̀ rẹ ká ịrẹsụ hi. Ịrẹsụ ọkahi ọnọọ ọ vaa sị zụ̀ ka ọ́ọ yẹ ịrẹyị nị.

1Ipita 2:15

Ohomorihi ô sì ka waa mẹ̀ ebira ọyịza, agụvị dị ụ wa zụ mẹ ka ọnụra nịnị ẹnẹ ẹ̀ yị nyị ịsị ẹ yẹ, ẹ̀ sị irenu ẹnịnị kú oku.

1Ipita 3:16

Ama re ka waa và ayị nẹtẹ, dị ụ wa rẹ sị ụbanyị yị wa. Nyị ayị ozoza, agụvị aza ana àa kà ịrẹyị odivi awụ nịnị, ụhị ọ̀ zụ nyị aza ẹnẹẹ ana aa kụ̀ wụ nịnị ụhụ, agụvị ka aza vee re ka ebira awụ nịnị óo zoza anka ọza ana aa saasa Ikirisiti.

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.

2Ipita 3:11

Ụmẹ sị yẹ nịnị aanị ka aanị avaba ịsa mẹ̀ vee vú ẹtẹ nị, yẹ ẹngụ ebira ana vọrọ ka waa mẹ nịnị! Àa vọrọ ka ẹhẹ awụ nịnị ọ̀ vị ọnịnị, dị ụ wa sị ẹngụ awụ nịnị yị Ohomorihi saka-saka, dị ụ waa mẹ̀ ebira ene zé Ohomorihi eyi!

Iruutu 3:14

Ịzẹyịza, dị Iruutu varẹma na hụtẹtẹ tụ́ ahụtara anị nị. Ịnị ụmẹ eyọnị viri-viri, dị ẹtẹ ve hweyi, dị ọ kwẹẹtẹ hụ ịzọọ nị. Ịjọnọọ ọza ộ yị zụ yẹ ọza. Ộ vavọọ jintu kwẹẹtẹ agụvị ka Ibowazị e yi sì ka à nyị ọza ene re ka ộ vẹ ịzị eē tụ́ ibaari anị.