1Ipita 1:8 - IWE ỌNỊNỊ

⁸ Wẹẹ̀ yị daka sị eyi awụ nịnị re Ijeesu Ikirisiti da, ama we yi sì ịrẹyị anị nịnị. We yi si eyi ree nịnị booro aanị, ama wáa sị ayị tụra a nịnị, ana ahịka ayị awụ nịnị ee hine ẹtẹẹtẹrẹ oni irenu ọ̀ yị zụ kà.

1Ipita 1:8 ပူးပေါင်းရင်းမြစ်များ

Ahẹ Isoromọnị 1:7

Ẹwụ ọnị mị maanị sì ịrẹyị anị, kà a mị daare, ịzị ụ vaa kụ ịsụpa awụ naa rị. Ịzị ẹ vaa yaa tụ́ ụhwọ́ ụmẹ ọọdụ? Sị ẹ vẹ dị mee vee si ụ zịịzị ịzị oseratẹmẹ ana vọ aa kụ ịsụpa ẹnịnịị rị?

Ahẹ Isoromọnị 5:16

Ịrẹyị irenu anị o hine hu nị. Ịsavịsavị anị vị anaa vá amị. Ẹwụ nịnị anyẹnẹẹ Anijerusarẹmị aanị ọza ọnị mị maanị sì ịrẹyị anị mẹ ya nị ọ.

Ahẹ Isoromọnị 5:9

Ewee zoza hu avaba anyẹnẹẹ ana vọ nị, sị́ ọza ọnị ụ maanị sì ịrẹyị anị aanị sí huna aza ana vọ kẹ? Sị́ ẹ yà ịnị ẹngụ anị ọnị ọza ẹ̀ẹẹ yị re da ọnị ụ hụvị anị maanị aa dá ịpẹẹ yị?

Imatiwu 10:37

Ọza ene èe sì ịrẹyị ada anị, àa vị ọnyị anị huna mị, ọ yị hụ ọ vị áamị. Ọza ene èe re sì ịrẹyị ozi ọnọrụ anị, àa vị ozi ọnẹẹ anị huna mị, ọ yị rẹ hụ ọọ vị áamị.

Ịjọọnụ 14:15

“Wàa ka wee sì ịrẹyị amị nịnị, ụ vaa saasa ọda amị nịnị.

Ịjọọnụ 14:21

Ọza ana àa dọ ọda amị, dị ọ saasa a nị, oni o sì ịrẹyị amị nị. Ada amị oni re vee sì ịrẹyị ọza ene èe sì ịrẹyị amị. Ẹmị re vee sì ịrẹyị ọza ọnọọ, dị mị rẹ sị ẹngụ amị zụ̀ ọ.”

Ịjọọnụ 14:24

Ọza ene è yi sì ịrẹyị amị, ọ yị vaa sị ụvọọ za ịrẹyị amị. Ịrẹyị ọnị maa kà ọnị ụ waa wụ́ nịnị aanị, ẹ yị vị ịrẹyị ẹmị ụvọta ọ vị, ịrẹyị Ada amị ana tụ́ mị vẹ ẹhẹẹ yọ nị.

Ịjọọnụ 16:22

Ayị awụ nịnị o si du booro aanị, ama mị vanaa vẹ vee hee wu nịnị; ịjọnọọ ayị awụ nịnị vee hine ẹtẹẹtẹrẹ. Ẹ yị nyị ọza ana va zụụ dọ wụ nịnị ẹngụ ayohine ọnọọ.

Ịjọọnụ 20:29

Dị Ijeesu kà a yọ ka, “A vị agụvị ka we si mi re, ụ va dọ wụ́ụ? Aza ene è yi re mi, dị ẹ dọ mị wụ́, vaa daa jẹ.”

Ịjọọnụ 8:42

Dị Ijeesu kà a yị wa ka, “Àa vị Ohomorihi ọ yaanị vị Ada awụ nịnị nị, ụ yaanị sì ịrẹyị amị nịnị, agụvị ka ịdị Ohomorihi mị hụrẹ vẹ ịzẹnị nị. Ẹ yị vị ẹmị ụvọta ọ tụ́ ẹngụ amị vẹ; ọnị ọ tụ́ mị vẹ ẹhẹ nị.

Odeyi 16:34

Dị ọ sị Ịpọọrụ ọnịrị Isira nọ ini eehi anị, dị ọ sị ịsọyịrị yị wa nị. Ọnịrị aneehi anị kụkụ aa jẹ, agụvị ka ẹ sị Ohomorihi dọ wụ́.

Aniroomi 14:17

Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị.

Aniroomi 15:13

Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.

1 Anịkọrịntị 16:22

Ọza ene èe yi sì ịrẹyị Ananyị yị, o du oo kù. “Marana ta”, ọnị ọ vị ka, Ananyị yị, waa vẹ.

2 Anịkọrịntị 1:22

Ohomorihi ọ raà sị apọtẹrẹwa tụ́ ọọ ka ọnị ọ nyị yị nị. Ọ raà sị Ụhwẹ Ohomorihi tụ́ ịnị ayị ayị, ana mẹ ka ya yẹ ka ịsa ana vọ ọnị ọ kà ọnị vaa sịị yị avọọ, ayị zụ nyị ka ọ yị vaa sịị yị.

2 Anịkọrịntị 12:4

Ịzọọ ộ wụ́ ịrẹyị ọnị ọza ẹ̀ yị zụ kà. Ọza ọ yị hyakụ nyayịnẹ sị irenu kà ịrẹyị ọnọọ.

2 Anịkọrịntị 4:18

Ye yi si eyi ayị tụ́ ịnị ịsa ọzaā sị eyii re. Ịsa ọza ọ̀ yị mā sị eyii re i si eyi tụ́ nị. Agụvị ka ịsa ọzaā sị eyii re vị ana yà yị ụmẹ chee kẹnẹ, ama ịsa ọza ọ̀ yị mā sị eyi re, vị ana yà pooro zịna-zịna.

2 Anịkọrịntị 5:7

Ẹhẹ ayị vị ana jẹẹ tụ́ ịrẹsụ ịsa oni yee zí eyi, ẹ yị vị ịrẹyị ịsa oni yee re ọ vị.

2 Anịkọrịntị 9:15

À vẹ ya kụ́ Ohomorihi avọ agụvị ẹyịza ọbanyị anị ọnị ọza ọ̀ yị zụ sị irenu kà!

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anẹhwẹsọsị 3:19

Máa yẹ ka ọza ọ yị zụ yẹ ta, ịzị Ikirisiti sì ịrẹyị ayị na za. Ama ọ̀ yị navọ wa zụ yẹ nịnị ịzị Ikirisiti sì ịrẹyị awụ nịnị ne tù, agụvị dị avaba ịsa ozoza ana vị Óohomorihi, ọ̀ rẹ zụ gụ tụ́ ịnị avaba ayị awụ nịnị.

Anẹhwẹsọsị 6:24

Ohomorihi ọ̀ mẹ ọyịza yị avaba aza ene sì ịrẹyị Ijeesu Ikirisiti Ananyị yị pooro zịna-zịna.

Anihwiripi 1:25

Máa yẹ ọnọnị ịnị ayị amị; agụvị avọọ, maa yịị yà ẹhẹ pe wu nịnị, dị ma zụ mẹ ka waa kà a tụ́ ọvịdị ịnị ẹdọwụ awụ nịnị, dị ụ wa rẹ nyị ịrajẹ ịnị anị nịnị.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Anihwiripi 4:4

Waa jẹ nịnị ụmẹ tụra ụmẹ agụvị Ananyị yị. Me re tenyi ọ kà, mị ka waa jẹ nịnị.

Anihiburu 11:1

Sị aa hị́ ka ọza ọ́ọ sị ayị tụra Ohomorihi? Ọza ọ̀ọ sị ayị tụra Ohomorihi, ọnị ọ vị ka ọ́ọ yẹ ịnị ayị anị, ọyị jị ọọ ịrẹka ka ịsa ọnị ọnị aa tụra eyi anị aanị, oni vee ree dọ. Dị ọ rẹ yẹ ịnị ayị anị ẹtẹẹtẹrẹ ka ịsa oni oni ò yi re aanị yà ịzọọ ịzẹyịza nị.

Anihiburu 11:27

Ịnị ka Imosiisi ọ sị sị ayị tụra Ohomorihi, ọ mẹ ka ọ̀ hụrẹ Ijipiti. Ọ yị hyakụ hí angwa ka ohinọyị ọnọọ aa kụ́ ayị. Ộ jẹẹ pe Ohomorihi geri-geri, agụvị ka vị ọ sị mẹẹ ka vi ee re Ohomorihi ọnị ọza ò yi zụ re avọọ nị.

1Ipita 1:6

Agụvị avọọ waa jẹ nịnị, wàa daka aa rị ụya nịnị ọyaanị agụvị ẹzamare irenyi-irenyi. Ụmẹ chee ụ́yọrị ọnọọ vị nị.

1Ipita 2:7

Yị aza ana sị ayị tụra a, ịsa obooro ọ vị yị wa nị. Ama yị aza ẹnẹ ẹ̀ yị sị ayị tụra a, e vee re ka, ịrẹta ọnị ọtụrarehi nịnị yi tịtẹ, ọ vana vị ọọnyị ịnị ịrẹta ana aā sịị da irehi nị.

1Ipita 5:4

Ijeesu Ikirisiti ọ vị ohirẹsụ aza ana aa tẹsị aza Ohomorihi nị. Ịhị ọ̀ sị ẹngụ zụ̀, ọ vaa sị ẹyịza ana nyị ụbanyị ẹnẹ ẹ̀ yị ma sa yị wụ nịnị.