1Ipita 1:4 - IWE ỌNỊNỊ

⁴ Ị rẹ vaa dọ ẹyịza oni Ohomorihi sị tẹ tụ́ ịnị ihinẹba yị aza anị. Ẹ yị nyị ịsị e zụ du ẹyịza ẹnẹẹ vụrụ-vụrụ, ẹ yị ma rẹ sa.

1Ipita 1:4 ပူးပေါင်းရင်းမြစ်များ

Ahẹ Ụgama 31:19

Wâ dà mẹ ka ò zee yi aza ana sị ụbanyị yị wụ kẹnẹ Aza ene èe zwe va tẹ ịda awụ, avọọ ụ mẹẹ̄ mẹ ka ò zee yi wa ini eyi avaba aza nị.

Ahẹ Ụgama 47:4

Ohomorihi ọ nyị ẹtẹ ayịị yị nị Ẹtẹ ọnọọ vị ọnị ọ sị yị aza anị oni o sì ịrẹyị anị Aza anị ê sì ịrẹyị ẹtẹ ọnọọ ẹtẹẹtẹrẹ.

Ayịsaya 66:22

Anka ẹtẹ ọwọọwa ọnịrị ẹbẹẹba mẹ vaa ya ịzọọ pooro, avọọ evere ẹnịnị ọnịrị ịrẹha anị ẹ yị vu pooro nị.

Ezikẹẹrị 47:12

Ọchị irenyi-irenyi vee hi ụtụụtọ okuha ọnọọ eyi ẹnyị eyi ọsa ana aza vaa rị ẹtụtụ anị. Avị ẹnịnị ẹ́ yị vaa wọ̀rọ̀; ẹnịnị vị ana vaa tụ́ ẹtụtụ pooro kẹnẹ. Ụhụụhwẹ vị ọnị ẹnịnị vaa tụ́ ẹtụtụ ọwọọwa agụvị ka enyi enee sii hụụnị irehi Ohomorihi eyee hu nị. Ẹtụtụ ọchị ẹnẹẹ vị ana a vaa rị, dị aà sị avị ẹnịnịị mẹ aza ụkụ.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Ịmaakị 10:17

Íjeesu màa vaa na, dị ọnọrụ ọnya aanị zwe echi ve tù ọọ nị. Dị ọ jị idinku ku ẹtẹ ọ́vịdị anị, dị ọ ka, “Nda ọyịza, sị a vọrọ ka ma mẹ, dị ma nyẹngụ yàra pooro zịna-zịna ị́dị Ohomorihi?”

Odeyi 20:32

“Booro aanị, mâ sị wụ nịnị chire Ohomorihi ụvọ ka ò sere wu nịnị. Ma rẹ sị wụ nịnị chire ịrẹyị ayamva anị ụvọ. Ịrẹyị ọnọọ ọ zụ sị wụ nịnị vịra, dụ wa rẹ zụ nyị tụ́ ịnị ẹyịza oni Ohomorihi raà sị tẹ yị aza ọnọọ nyị tụ́ irenyi yị ẹngụ anị.

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Aniroomi 8:17

Ị mẹ̀ sị vị ezi Ohomorihi aanị, ị rẹ vaa dọ ẹyịza oni Ohomorihi sị tịtẹ yị aza anị. Ẹyịrị Ikirisiti re dudu vaa dọ ẹyịza oni Ohomorihi raà sị tịtẹ yọ. Yàa rị ụya, anka Ikirisiti ọnị mẹ̀ rẹ rị ụya, ẹyị rẹ vaa nyịị tụ́ ịnị ụbanyị ọnị ọ nyị.

1 Anịkọrịntị 9:25

Avaba aza eneē zwe echi vị eneē tenyi ẹngụ ẹnịnị ẹtẹẹtẹrẹ ini oze tụra oze. Ẹnịnị vavọọ aa mẹ ka ẹnị ẹ̀ zụ dọ ịsa ọnịpaapa, ana hi ka o vee du. Ama ịsị ẹyị vaa dọ, o mē du.

Anigaratiya 3:18

Ohomorihi ọ̀ọ sị ẹyịza anị yị aza agụvị ka ẹ́ẹ saasa ọda, ọnị ọ vị ka ẹ yị kụkụ vị agụvị oto anị. Ama agụvị oto oni Ohomorihi wo, ọ sị sị ẹyịza ọnọọ yị Abụrahamị nị.

Anẹhwẹsọsị 1:11

Avaba ịsa vị ana vaa mẹ anka Ohomorihi mẹ̀ mẹ eto anị tịtẹ. Agụvị Ijeesu, Ohomorihi ọ sị yị nyị ka ya vị aza anị, agụvị ka avọọ o mè sì ọ nị. Ộ vịdị mẹ eto anị tịtẹ ka

Anẹhwẹsọsị 1:14

Ụhwẹ Ọnịnị ọnọọ ọ́ọ sị zụ ka ị vaa dọ ẹyịza ana vọ oni Ohomorihi kà a ka ẹ yị zụ nyị ka ọnị ọ yị vaa sịị yị aza anị. Ọ rẹ mẹ ka ya yẹ ka Ohomorihi vaa hị́ aza anịị varẹma saka-saka. Agụvị avọọ à vẹ yaa ga ụbanyị anị.

Anẹhwẹsọsị 1:18

Mị raa mẹ̀ aduwa ka Ohomorihi ọ̀ há ayị awụ nịnị hi ẹtẹ, di eyi awụ nịnị ò zụ hweyi tù ịsị ụ waa tụra eyi anị nịnị, ọ mẹ̀ hị́ wụ nịnị. Mị raa mẹ̀ aduwa ka wa yẹ nịnị ka ẹyịza oni Ohomorihi ka ọnị vaa sịị yị aza anị ọ́ọ nyị ụbanyị ẹtẹẹtẹrẹ.

Anikorasi 1:12

dị ụ waa kụ́ Ohomorihi Ada ayị avọ nịnị. Ọnị ọ mẹ wụ nịnị vọrọ ka wa zụ nyị tụ́ ịnị ẹyịza ọnị ọ sị tẹ yị aza anị ịdị anị ịzị ẹtohweyi ya nị.

Anikorasi 1:5

Ụ vavọọ aa mẹ nịnị agụvị ka waa tụra eyi ẹyịza oni Ohomorihi sị tẹ wụ nịnị tụ́ ịdị anị. Ụ mẹ̀ vịdị wụ́ enube ọyịza ana vị ịzẹyịza nịnị kẹnẹ, â kà a wụ nịnị ini oze ẹyịza ọnọọ nị.

Anikorasi 3:24

Wáa yẹ ka Ikirisiti Ananyị yị, ụ waa hẹkẹ nịnị nị. Oni o vee sí wu atọ ụkọrọ awụ nịnị nị, ọnị ọ vị ka ẹyịza ọnị ọ sị tẹ wụ nịnị.

2 Itimoti 4:8

Máa yẹ ka ẹyịza ọbanyị oni Ohomorihiī sịị yị ọza ana mẹ̀ ebira ana vọrọ, ọ raà sị tẹ mị. Ananyị yị anaā sịị ịzẹyịzaa mẹ̀ ọkarẹyị vaa sị ọọ mị ịnị ẹkụhị ọnọọ. Ayị vị ẹmị ịnya kẹnẹ ọ vaa sịị yị; ọ rẹ vaa sịị yị avaba aza ene ee sì ọọ ka ọ̀ vavẹ.

Anihiburu 10:34

Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

Ijemiisi 1:11

Ọyị ọ̀ọ sị hụrẹ, dị aa há nganganga nị, dị ọ za avaba ododo, dị ọ wụ̀ wa, dị ẹ sụ̀ và ha, dị avaba uzoza anị ta saka-saka. Avọọ gẹdẹ-gẹdẹ ọzọbanyị mẹẹ̄ hụrẹ ẹhẹ ụvọ ịnị ụmẹ ọnị ọ ta ngụ ini echi ẹhẹ ee zwe nị.

1Ipita 3:9

Asị ụ sị odivi sí atọ odivi! Ọza ọ̀ọ kụ́ wụ ụhụ, asị ụ vàa yị ọ. Ama waa mẹ̀ aduwaa yị ọ. Wâ yẹ ka Ohomorihi ee sì ka ọnị ọ̀ mẹ wụ nịnị ẹyịza; agụvị avọọ ọ hị́ wụ nịnị nị.

1Ipita 5:4

Ijeesu Ikirisiti ọ vị ohirẹsụ aza ana aa tẹsị aza Ohomorihi nị. Ịhị ọ̀ sị ẹngụ zụ̀, ọ vaa sị ẹyịza ana nyị ụbanyị ẹnẹ ẹ̀ yị ma sa yị wụ nịnị.

Ẹtore 21:27

Ẹ yị nyị ịsa ikonya eneē du ọza ẹngụ, ana vaa ngụ ịnị ẹkụra ọnọọ. Aza ene ee du ẹhẹ ọnịrị aza eneē cheeche, ẹ yị vaa ngụ ịzọọ. Aza ana chẹrẹ tụ́ ini iwe Ozi Atẹmẹ ọnọọ ana vị iwe aza ana yára pooro zịna-zịna kẹnẹ, ẹ vaa ngụ ịzọọ nị.