1Ipita 1:1 - IWE ỌNỊNỊ

¹ Ẹma vị Ipita ana vị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu nịnị aza oni Ohomorihi nyị mẹ aza anị, ana gara hi avaba aha, dị ẹ vị ọzọga hi ịnị ẹkụra Ịpọntụsị, Ịgaratịya, Ikapadosiya ọnịrị Esiya beri Ibitiniya.

1Ipita 1:1 ပူးပေါင်းရင်းမြစ်များ

Ẹsịta 3:8

Di Ịhamanị kà a yị ohinọyị ka â nyị azọga ene che hi ịnị ẹtẹ awụ ọnọnị ẹnẹ ẹ̀ yị mā và hura aza ayị mẹ ịsọnyị-ịsọnyị. Ebira ẹnịnị vị irenyi yị aza ana vọ. Ẹnịnị ẹ yị saasa ọda ọnị ohinọyị mẹ tụ́ ịnị ẹkụra. Taarụ! Me yi ro ka ộ vọrọ ka wa vavọọ re wa kẹnẹ.

Ahẹ Ụgama 44:11

Wâ hụrẹ yị ụvọ ka ọnịvị ayị ẹ̀ẹ wụ yị anka atẹmẹ avọọ dị ẹ gara yị zị hi avaba ẹhẹ nị.

Ezikẹẹrị 6:8

Ẹnẹyịmavara kà ọnị vaa navọ aza ẹnyị ka asị á wụ̀ wa, Ẹnị ẹnẹẹ vị ana a vaa garaa hi avaba ẹkụra ọsa. Ịjị aa vavọọ sị wa gara hị́ ẹkụra ọsa, dị a za wa ọrịhị hi ịzọọ.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Imatiwu 10:2

Ịrẹha ezirẹma ẹwụrẹva ẹnẹẹ yị: Ọnịpaapa vị Ịsayịmọnị ana a rẹẹ̄ hị́ Ipita, beri Andụrụ ọyịnyara anị; Ijemiisi ọnịrị Ịjọọnụ ọyịnyara anị; ana vị ezi Izebedi;

Imatiwu 24:22

Ẹ̀ yị vị Ohomorihi nyị hụụnị ẹkụhị ẹnẹẹ, ẹ yị hyakụ nyị ọza ikonya ana aa há. Ama agụvị aza oni Ohomorihi sị nyị, ộ nyị hụụnị ẹkụhị ẹnẹẹ.

Imatiwu 4:18

Ijeesu màa zị ụsẹ ụtọ irehu Igariri, ô re ẹyịnyara ẹẹva, Ịsayịmọnị ana aā hị́ Ipita, ọnịrị Andụrụ ọyịnyara anị. Eyee ne ọhaa ngụ enyi, agụvị ka ozube ivovo ẹ vị nị.

Iruuku 18:7

Wéé ro ka Ohomorihi ọ yị vaa mẹ̀ ịsa ana vọrọọ yị aza anị ọnọọ nyị, ene ee nowuu hị́ ọọ, ọọdụ ọnịrị ịrahụ, ọ̀ọ daka za wa tura ẹtẹ?

Ịjọọnụ 11:52

Ẹ yị rẹ vị ịrẹyị ẹnịnya kẹnẹ, ama ka ọ rẹ vaa kụ́ avaba aza Ohomorihi ana gara hi avaba aha gụ tụ́ aha ọnya.

Ịjọọnụ 7:35

Dị Aniju nịnị aa kà a yị ẹngụ ka, “Ịzị ị yẹ ka ọ vaa nọ, di ye yi zụ re e? Ẹwáá ka vị ọ vaa nọ ịdị Anigiriki ịzị Aniju gara hi, dị ọ̀ naa zụ̀ Anigiriki nịnị ịsa ịzọọ nị?”

Odeyi 18:2

O ne tù Aniju ọnya ịzọọ, ana aā hị́ Akwira; ẹkụra Ịpọntụsị a yà ma a nị. Ose anị ọ rị Ipirisira nị. Oò yi kù ẹnẹ ẹnịnị hụrẹ ẹtẹ Itari vẹ. Ệ hụụ ịzọọ, agụvị ka ohinọyị Ịkịrawụdịyọsị ộ mẹ̀ ọda ka à dụ avaba Aniju nịnị jịnẹ hụrẹ Iroomi. Dị Ịpọọrụ ne hee wa,

Odeyi 18:23

Ộ yà Antịyọkị chee, dị ọ rẹ hụụ ịzọọ nị. Dị ọ zị oze Ịgaratịya ọnịrị Ihwirigiya na para hu, dị aa tụ́ ọdọwụ ene hi ịzọọ ọtụtụrụma nị.

Odeyi 19:10

Ịpọọrụ ộ vavọọ mẹ̀ ẹ mẹ ịrayị ẹẹva. Dị avaba aza ana ra ịnị ẹtẹ Esiya, Aniju ọnịrị Anigiriki, wụ́ ịrẹyị Ananyị yị nị.

Odeyi 6:9

Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata.

Odeyi 8:4

Ọdọwụ nịnị ana gara hi, ệ nọ avaba aha, dị ẹyaa kà enube ọyịza nị.

1 Anịkọrịntị 16:19

Anịragụ Ohomorihi ene hi Esiya, ka ẹnị kụ́ wụ nịnị. Akwira ọnịrị Ipirisira beri anịragụ Ohomorihi anaā gụ ini eehi ịdị ẹnịnị ka ẹnị kụ́ wụ nịnị ẹtẹẹtẹrẹ, agụvị ka ẹwụrị wa vị ọnya ini oze Ananyị yị.

2 Anịkọrịntị 1:8

Ẹwụ nịnị ẹyịnyara amị, yee sì ka ya kà a wụ nịnị ịrẹyị ene tù yi ẹkụra Esiya. Ịrẹyị ene tù yi ô chì yi ẹngụ pooro, ne tù ka ya kụkụ raà hụrẹ eyi ka yee wusu.

Anigaratiya 1:2

Avaba ẹyịnyara ayị ẹnẹ ẹmịrịị hi ịzẹnị ka ẹnị kụ́ wụ nịnị anịragụ Ohomorihi ene hi Ịgaratịya.

Anẹhwẹsọsị 2:12

Ịnị ụmẹ ọnọọ, ẹ yị nyị ịsị ẹ vịdị kụ́ ẹwụrị Ikirisiti gẹ nịnị. Wê noze rịrị aza oni Ohomorihi nyị nịnị. Wẹ yị rẹ nyị tụ́ ịnị oto oni Ohomorihi wo yị aza anị, ọnịrị ịsa ọnị ọ kà a ka ẹ yị zụ nyị ka ọnị ọyị vaa mẹẹ yị wa. Ẹ yị nyị ịsị ụ waa tụra eyi anị nịnị; wẹ yị rẹ nyị Ohomorihi tụ́ ịnị ẹhẹ nịnị ịnị ụmẹ ọnọọ.

Anẹhwẹsọsị 2:19

Agụvị avọọ, ẹwụ nịnị ẹnẹ ẹ̀ yị vị Aniju, wẹ yị kụkụ vị ọzọga ọnịrị ọza ẹnẹsa nịnị. Ẹwụrị aza Ohomorihi kụkụ vị anẹkụra ọnya nịnị, anineehi Ohomorihi u kuku dudu vị nịnị nị.

Iwe Ọhụhị Imosiisi ana aa hị́ Ọyịvatụrọda 28:64

Ẹnẹyịmavara vaa gara wụ nịnịị hi ịnị akakana avaba anẹkụra ana vọ hi avaba ẹhẹ. Ụ vaa yà ịzọọ dị ụ waa hẹkẹ ori ana a sị ịrẹta ọnị ọchị mẹ. Ẹ yị nyị ọza awụ nịnị, àa vị ohiku awụ nịnị ana vịdị yẹ ori ẹnẹẹ da.

Iwe Ọhụhị Imosiisi ana aa hị́ Ọyịvatụrọda 32:26

Ẹnẹyịmavara kà ịjị ọnọ ọ̀ọ sị wa wụ̀ va ha bemi-bemi, aza ẹ yị kụkụ vaa tamayị ẹnịnị.

Iwe Ọhụhị Imosiisi ana aa hị́ Ọyịvatụrọda 4:27

Ẹnẹyịmavara vị ana vaa gara wa hi ịrẹsụ ẹhẹ, dị ahịka aza chee ẹnịnị kẹnẹ ọ ha nị.

2 Itimoti 1:15

Wâ yẹ ka avaba ẹnịnị ene hi Esiya vana và hụụ ịrẹma amị. Ihwigẹlọsị ọnịrị Iherimogene yà ịnị aza ẹnẹẹ.

Anihiburu 11:13

Avaba aza ẹnị ị kà aanị, vị ana sị ayị tụra Ohomorihi pooro di e vee sú. Ẹnịnị ẹ yị dọ ịsa oni Ohomorihi hị́ eku anị; ama ẹ́ jẹẹ ẹnẹẹnẹ re ịsa ẹnẹẹ, dị ẹ sị ịrajẹ zí ọ eyi nị. Ẹnị ụvọta ẹ́ dọ ka ọzọga ẹnị vị tụ́ ịnị ẹhẹ nị.

Ijemiisi 1:1

Ẹma vị Ijemiisi ana vị ozi ahụ Ohomorihi ọnịrị Ijeesu Ikirisiti Ananyị yị nị. Maa chẹrẹ iwe ọnọnịị tụ́ụ hi ẹwụ nịnị aza Ohomorihi ana gara hi avaba ẹhẹ. Wáá dahi nịnị?

1Ipita 2:11

Ẹwụ nịnị ọnị mi sì, wâ yẹ nịnị ka ọzọga ụ vị hi ịnị ẹhẹ nịnị nị. Agụvị avọọ, maa dá ịpẹẹ wụ nịnị: Và hụụnị ịsa edivi ọnị ọchẹngụ awụ nịnị sì. Ịsa ẹnẹẹ vị ana và eyi ịrazị kà ayị awụ nịnị.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”