ᒫᑯᓯᐅᑉ ᐊᒡᓚᖏᑦ 9:31 - Aglait Ijjurnaittut

³¹ ilinniaqtini ajuriqtuqpait, uqautillugit, “Inuup Irninga pijautitaujumaaqpuq inungnut, taakkua tuquttumaaqpaat; tuqungalaurluni, ulluit pingasut aniguqpata makittumaarivuq.”

ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐃᓕᓐᓂᐊᕐᑎᓂ ᐊᔪᕆᕐᑐᕐᐰᑦ, ᐅᖃᐅᑎᓪᓗᒋᑦ, “ᐃᓅᑉ ᐃᕐᓂᖓ ᐱᔭᐅᑎᑕᐅᔪᒫᕐᐳᖅ ᐃᓄᖕᓄᑦ, ᑖᒃᑯᐊ ᑐᖁᑦᓱᒫᕐᐹᑦ; ᑐᖁᖓᓚᐅᕐᓗᓂ, ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᒪᑭᑦᓱᒫᕆᕗᖅ.”

ᒫᑯᓯᐅᑉ ᐊᒡᓚᖏᑦ 9:31 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 16:21

Tavvanngat pigiarluni Jiisusi nalunanngitsiaqtumik ilinniaqtiminut uqausiqaliqpuq, “Jiruusalimmuariaqaqpunga tavvani aanniatitaujumaaqpunga angijumik Juutinut angajuqqaujunut, tunirrusiqtitsijillu angajuqqaanginnut, piqujaniglu ilisaijinut, tuqutaujumaaqpunga, ulluilli pingajuanni makittumaarivunga.”

ᒫᑎᐅᓯᐅᑉ ᐊᒡᓚᖏᑦ 20:28

Inuup Irninga tikilaunngilaq pijitsiqtaujaqturluni pijitsiriaqturlunili, inuusirminiglu tunisiluni inuit amisut akiliijjutillunigit utiqtitaujjutiksanginnut.”

ᒫᑎᐅᓯᐅᑉ ᐊᒡᓚᖏᑦ 26:2

“Qaujimavusi ulluuk marruuk aniguqpatik Qaangiqtauvingmik nalliunniqsiurviunialirmat, Inuup Irninga tunijaulaaqpuq kikiaktuqtauqullugu.”

ᒫᑎᐅᓯᐅᑉ ᐊᒡᓚᖏᑦ 27:63

uqarlutik, “Angajuqqaaq, iqqaigatta tainna saglutujualuk suli inuulluni uqalaurmat, ‘Ullut pingajuanni makittumaaqpunga inuulirmilunga.’

ᒫᑯᓯᐅᑉ ᐊᒡᓚᖏᑦ 10:34

taakkua mitautigijumaaqpaat, tivvuluglugu, tiigaqturlugu, tuqullugulu; ulluilli pingajuanni makilaaqpuq.”

ᒫᑯᓯᐅᑉ ᐊᒡᓚᖏᑦ 8:31

Tavva ilinniaqtini ajuriqtuqpait Inuup Irninga aanniatitaujariaqarninganik angijumik, Jutit angajuqqaanginnut narrugijaummarigumaarniminik tunirrusiqtitsijillu angajuqqaanginnut, piqujaniglu ilisaijinut, tuqutaujumaarniminiglu, ulluit pingajuanni makittumaarniminik.

ᒫᑯᓯᐅᑉ ᐊᒡᓚᖏᑦ 9:12

Jiisusiup uqautivait, “Iilaak Ilaijja sivulliulluni tikitsariilauqpuq iluunnanginnik atuinnaruilluni; qanurli aglait uqaqpat Inuup Irninganik, unuqtunut aanniatitaujumaarninganik narrugijaujumaarninganiglu?

ᓘᑲᓯᐅᑉ ᐊᒡᓚᖏᑦ 24:26

Qaujimanngilasik Christuusi taimaak ilungiqsuqtitaunikkut iniqunarnirjuarmut pititaujuksauninganik?”

ᓘᑲᓯᐅᑉ ᐊᒡᓚᖏᑦ 9:44

“Ukua uqausiriniaqtakka puiguqtailisiuk; Inuup Irninga pititaugiaviliqpuq inuit pijunnarninginnut.”

ᔪᐊᓇᓯᐅᑉ ᐊᒡᓚᖏᑦ 10:18

Inuusinnik aqsaaqtaujunnanngilanga kinamulluunniit, nangminirli isumaqsurlunga tunirrutigivara. Pijunnarniqaqpunga tunirrutigilugu, pijunnarniqarivungalu amma utiqtillugu; tamatuminga taimaak Ataatama piqulauqpaanga pinasuaqullunga.”

ᔪᐊᓇᓯᐅᑉ ᐊᒡᓚᖏᑦ 2:19

Jiisusiut kiuvait, “Una tuksiarvigjuaq asirurussiuk, ulluniglu pingasunik nappaqtittumaaqpara.”

ᔪᐊᓇᓯᐅᑉ ᐊᒡᓚᖏᑦ 3:14

“Suurlu Muusisiup quglugiannguaq nappaqtilaurmagu inuqanngittumi, taimaaktauq Inuup Irninga nappaqtaujariaqaqpuq,