ᒫᑯᓯᐅᑉ ᐊᒡᓚᖏᑦ 8:38 - Aglait Ijjurnaittut

³⁸ Nalliat uvannik kanngusuutiqaqpat ajuriqtuijjutigijanniglu uvani silarjuarmi Guutiqanngittuni piunngittulijunilu, Inuup Irningata kanngugijumaarivaa, tikiliruni Ataatangata niqturnarnirjuangani aingiliini ijjurnaittut piqatigilugit.”

ᐊᒡᓔᑦ ᐃᑦᔪᕐᖕᓁᑦᑐᑦ

³⁸ ᓇᓪᓕᐊᑦ ᐅᕙᓐᓂᒃ ᑲᓐᖑᓲᑎᖃᕐᐸᑦ ᐊᔪᕆᕐᑐᐃᑦᔪᑎᒋᔭᓐᓂᒡᓗ ᐅᕙᓂ ᓯᓚᕐᔪᐊᕐᒥ ᒎᑎᖃᖏᑦᑐᓂ ᐱᐅᖏᑦᑐᓕᔪᓂᓗ, ᐃᓅᑉ ᐃᕐᓂᖓᑕ ᑲᓐᖑᒋᔪᒫᕆᕚ, ᑎᑭᓕᕈᓂ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓂ ᐃᑦᔪᕐᓁᑦᑐᑦ ᐱᖃᑎᒋᓗᒋᑦ.”

ᒫᑯᓯᐅᑉ ᐊᒡᓚᖏᑦ 8:38 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 12:39

Jiisusiup uqautivait, “Ullumiujuq inuit piunngittulijut Guutiqanngittullu kamanaqtulinirnik takujumavut; kamanaqtulinirmik tunisiviunianngilat nalauttaijup Juunaup kamanaqtuliningata asianik.

ᒫᑎᐅᓯᐅᑉ ᐊᒡᓚᖏᑦ 13:41

Inuup Irninga aingiliqutiminik tilisijumaaqpuq, katiqsuijaqtuqullugit tavvanngat Ataniuvingminit, inungnik ajuqtulititsijunik tamainnik, asinginniglu ajuqtulinirmik pinasuaqtunik,

ᒫᑎᐅᓯᐅᑉ ᐊᒡᓚᖏᑦ 16:27

Inuup Irninga tikittumaarmat aingiliqutini ilagilugit Ataatangata niqturnarnirjuanganit, tavvani atunit akilirumaaqpait piniarnirilauqtangit maliglugit.

ᒫᑎᐅᓯᐅᑉ ᐊᒡᓚᖏᑦ 16:28

Sulijumik uqautivassi! Uvaniittuqaqpuq Inuup Irningata angajuqqaarjuangurniriniaqtanganik takulauqqaaratik tuqunianngittunik.”

ᒫᑎᐅᓯᐅᑉ ᐊᒡᓚᖏᑦ 16:4

Ullumi inuit piunngittuulijut Guutiqanngittullu kamanaqtunilirmik takujumavut, uuminga kisiani tunisiviuniaqput Juunaup kamanaqtulininganik.” Tavva qimakpait aullarluni tavvanngat.

ᒫᑎᐅᓯᐅᑉ ᐊᒡᓚᖏᑦ 24:30

Tavva Inuup Irningata nalunaikkutanga qilangmit saqqittumaaqpuq; inuit iluunnatsiatik nunarjuarmiittut qialirumaaqput, takulirutik Inuup Irninganik tikiliqtumik qilaup nuvujangitigut pijunnaqturjuamik niqturnaqturjuarmiglu.

ᒫᑎᐅᓯᐅᑉ ᐊᒡᓚᖏᑦ 25:31

“Inuup Irninga angajuqqaarjuanguluni tikikkuni, aingililimaat ilagilugit, iksivautarjuarminut pinnarnaqturjuarmut ingittumaaqpuq.

ᒫᑎᐅᓯᐅᑉ ᐊᒡᓚᖏᑦ 26:64

Jiisusiup kiuvaa, “Tavva uqaqputit. Tamassili uqautivassi, tamatuma kingurngani Inuup Irninga takujumaaqpasi pijunnarniup taliqpiani iksivajuq, qilaullu nuvujangitigut tikiliqtillugu.”

ᒫᑎᐅᓯᐅᑉ ᐊᒡᓚᖏᑦ 8:20

Jiisusiup kiuvaa, “Tiriganiat sitiqaqput, tingmiallu ulluqaqput, Inuulli Irninga nallangaviksaqanngilarluunniit taqaiqsirviksamik.”

ᒫᑯᓯᐅᑉ ᐊᒡᓚᖏᑦ 13:26

Tavva Inuup Irninga takujumaaqpaat nuvujatigut aqqaqtuq pijunnarnirjuaqarluni niqturnarnirjuaqarlunilu.

ᒫᑯᓯᐅᑉ ᐊᒡᓚᖏᑦ 14:62

Jiisusiup kiuvaa, “Uvangauvunga; tamassi takujumaaqpusi Inuup Irninga ajugaqanngittuup taliqpiani iksivatillugu, qilangmillu aqqaliqtillugu nuvujatigut!”

ᒫᑯᓯᐅᑉ ᐊᒡᓚᖏᑦ 8:37

Sunamik tunisijuksauvaa inuusingata utiqtitaujjutiksanganik?

ᓘᑲᓯᐅᑉ ᐊᒡᓚᖏᑦ 19:26

Taassuma kiuvait, ‘Uqautivassi, piqaqtulimaat tunisiviukkannirniaqput; piqanngittulli mikijumik piqaraluaqpata aqsaaqtauniaqput.

ᓘᑲᓯᐅᑉ ᐊᒡᓚᖏᑦ 9:26

Inuup nalliatta kanngusuutigikpanga inungnut ajuriqtuijjutigijakkalu, taannattauq Inuup Irningata kanngusuutigijumaarivaa niqturnaqturjuanguluni tikikkuni Ataataup niqturnarnirjuangani aingilillu ijjurnaittut ilagilugit.

ᔪᐊᓇᓯᐅᑉ ᐊᒡᓚᖏᑦ 1:14

Uqausiq timitaalauqpuq inuuqatigililauqpavullu, niqturnarnirjuanga takulauqpavut, niqturnarnirjuaq Ataatamit pisimajanga Irnituangunirminut; pitsiarningata pijunnaqtitsininganik sulitsiarnirmiglu tatattuq.

ᔪᐊᓇᓯᐅᑉ ᐊᒡᓚᖏᑦ 1:51

Uqautillugillu, “Sulitsiaqtumik uqautivassi, qilak angmaqtuq takujumaaqpasi, Guutiullu aingilingit majuraqtut aqqaqtiqtullu Inuup Irninganut.”

ᔪᐊᓇᓯᐅᑉ ᐊᒡᓚᖏᑦ 12:34

Inugiakturjuat kiuvaat, “Piqujattinnit tusaqsimavugut Christuusiguuq isuqanngittumut inuujumaarmat. Qanuimmalli uqaqpit Inuup Irninga nappaqtitaujariaqaqpuq; kinainna Inuup Irninga?”

ᔪᐊᓇᓯᐅᑉ ᐊᒡᓚᖏᑦ 5:27

Irnini tunisivigivaa pijunnarnirmik iqqaqtuijunnaqullugu, Inuup Irniringmagu.