ᒫᑯᓯᐅᑉ ᐊᒡᓚᖏᑦ 16:10 - Aglait Ijjurnaittut

¹⁰ Taanna uqariaqtuqpuq Jiisusiup ilagiqattalauqtanginnut, qiksaavigjuaqtunut qiajunullu. Tamatuma kinguningagut, Jiisusi nangminiq tilisilauqpuq ilinniaqtiminik siqiniup nuivianit siqiniup nipivianut tikillutik. Tamatuminga uqausiqarlutik ijiqsimalauqtumik inuusiqarnaqtumik piulijaunirmiglu isuqanngittumut.

ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑖᓐᓇ ᐅᖃᕆᐊᕐᑐᕐᐳᖅ ᔩᓱᓯᐅᑉ ᐃᓚᒋᖃᑦᑕᓚᐅᕐᑕᖏᓐᓄᑦ, ᕿᒃᓵᕕᒡᔪᐊᕐᑐᓄᑦ ᕿᐊᔪᓄᓪᓗ. ᑕᒪᑐᒪ ᑭᖑᓂᖓᒍᑦ, ᔩᓱᓯ ᓇᖕᒥᓂᖅ ᑎᓕᓯᓚᐅᕐᐳᖅ ᐃᓕᓐᓂᐊᕐᑎᒥᓂᒃ ᓯᕿᓂᐅᑉ ᓄᐃᕕᐊᓂᑦ ᓯᕿᓂᐅᑉ ᓂᐱᕕᐊᓄᑦ ᑎᑭᓪᓗᑎᒃ. ᑕᒪᑐᒥᖓ ᐅᖃᐅᓯᖃᕐᓗᑎᒃ ᐃᔨᕐᓯᒪᓚᐅᕐᑐᒥᒃ ᐃᓅᓯᖃᕐᓇᕐᑐᒥᒃ ᐱᐅᓕᔭᐅᓂᕐᒥᒡᓗ ᐃᓱᖃᖏᑦᑐᒧᑦ.

ᒫᑯᓯᐅᑉ ᐊᒡᓚᖏᑦ 16:10 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 19:22

Inuusuktuup tamanna tusaramiuk tavvanngat qimaruutiliqpuq qiksaalirluni, ajuqsanngittualuugami.

ᒫᑎᐅᓯᐅᑉ ᐊᒡᓚᖏᑦ 24:30

Tavva Inuup Irningata nalunaikkutanga qilangmit saqqittumaaqpuq; inuit iluunnatsiatik nunarjuarmiittut qialirumaaqput, takulirutik Inuup Irninganik tikiliqtumik qilaup nuvujangitigut pijunnaqturjuamik niqturnaqturjuarmiglu.

ᒫᑎᐅᓯᐅᑉ ᐊᒡᓚᖏᑦ 9:15

Jiisusiup kiuvait, “Katititaujuqaqtillugu quviasuglutik niriqatigiiktillugit qaiqujausimajut qiksaagiaqaqturivisiuk, uiksaq suli tavvaniitillugu? Taimaisuungunngilat! Ullurli nalliutijumaaqpuq uiksamik aqsaaqtauvingat, tavva taakkua nirittaililitainnarumaaqput.

ᒫᑯᓯᐅᑉ ᐊᒡᓚᖏᑦ 14:72

Tavvainnaq angutiviaq nilliqpuq aippanganik, Piitturuusi tavva iqqaivuq Jiisusiup uqautilaurmagu, “Angutiviaq marruiqturluni nilliqqaaqtinnagu, pingasuiqturlutit qaujimannginniralaaqparma.” Piitturuusi iluilligami qiavuq.

ᓘᑲᓯᐅᑉ ᐊᒡᓚᖏᑦ 24:17

Jiisusiup uqautivaak, “Sunamik uqaqatigiigutiqaqpisik pisuktillusik?” Taakkuak nuqqaqpuuk, qiksaaglutik.

ᔪᐊᓇᓯᐅᑉ ᐊᒡᓚᖏᑦ 16:6

Tamakkuningali uqautigassi, uummatissigut qiksaaliqpusi.

ᔪᐊᓇᓯᐅᑉ ᐊᒡᓚᖏᑦ 20:18

Tavva Miari Maaktaliini utiliqpuq; ilinniaqtiillu uqautivait, “Ataniq takulauqpara”; uqautillugit uqausirilauqtanginnik.