ᒫᑯᓯᐅᑉ ᐊᒡᓚᖏᑦ 12:14 - Aglait Ijjurnaittut

¹⁴ Taakkua Jiisusimuaramik uqaqput, “Ajuriqtuiji qaujimagatta sulijumik uqaqattaravit, inuit isumangit sivuuraginagit sulitsiaqtumik uqaqpakkavit; inuit qanuittuuninginnik kamaginnginnavigit, ajuriqtuqattaravigit sulijumik Guutiup piniaqtauqujanginnik. Uqautilauqtigut, piqujattinnut akiraqtuqpaat, taaksiijarutinik tunisiqattarutta Siisarimut uvvalu tunisiqattariaqanngilagut?”

ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑖᒃᑯᐊ ᔩᓱᓯᒧᐊᕋᒥᒃ ᐅᖃᕐᐳᑦ, “ᐊᔪᕆᕐᑐᐃᔩ ᖃᐅᔨᒪᒐᑦᑕ ᓱᓕᔪᒥᒃ ᐅᖃᖃᑦᑕᕋᕕᑦ, ᐃᓄᐃᑦ ᐃᓱᒪᖏᑦ ᓯᕘᕋᒋᓇᒋᑦ ᓱᓕᑦᓯᐊᕐᑐᒥᒃ ᐅᖃᕐᐸᒃᑲᕕᑦ; ᐃᓄᐃᑦ ᖃᓄᐃᑦᑑᓂᖏᓐᓂᒃ ᑲᒪᒋᖏᓐᓇᕕᒋᑦ, ᐊᔪᕆᕐᑐᖃᑦᑕᕋᕕᒋᑦ ᓱᓕᔪᒥᒃ ᒎᑎᐅᑉ ᐱᓂᐊᕐᑕᐅᖁᔭᖏᓐᓂᒃ. ᐅᖃᐅᑎᓚᐅᕐᑎᒍᑦ, ᐱᖁᔭᑦᑎᓐᓄᑦ ᐊᑭᕋᕐᑐᕐᐹᑦ, ᑖᒃᓰᔭᕈᑎᓂᒃ ᑐᓂᓯᖃᑦᑕᕈᑦᑕ ᓰᓴᕆᒧᑦ ᐅᕝᕙᓗ ᑐᓂᓯᖃᑦᑕᕆᐊᖃᓐᖏᓚᒍᑦ?”

ᒫᑯᓯᐅᑉ ᐊᒡᓚᖏᑦ 12:14 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 22:16

Tavva tilisivut ilinniaqtimingnik, Iruutasiullu ikajuqtingita ilanginnik, uqaqullugit, “Ajuriqtuiji, qaujimavugut sulitsiaqtumik uqaujjiqattaravit, ajuriqtuiqattaravillu Guutiup inungnut piniaqtauqujanganik sulitsiaqtumik, inuit qanuq isumaqarmangaata isumaginagit, qanuittuuninginnik kamanginnavit.

ᒫᑎᐅᓯᐅᑉ ᐊᒡᓚᖏᑦ 22:17

Uqautilauqtigut, qanuq isumavit? Piqujavut taaksiijarutinik akiliiqujivaat Siisarimut, uvvalu akiliiqujinngilat?”

ᒫᑯᓯᐅᑉ ᐊᒡᓚᖏᑦ 12:13

Paarisit ilangit Iruutasiullu maliktingita ilangit Jiisusimuaqujauvut, apiqsurlugu naluliqtinnasuarumallugu.

ᒫᑯᓯᐅᑉ ᐊᒡᓚᖏᑦ 12:15

Jiisusiup pingitsiqsurasuarningit qaujimagamigit uqautivait, “Sungmat uvannik uukturasuaqpisi? Kiinaujaq qaitaulaurli, takulaurlagu.”

ᒫᑯᓯᐅᑉ ᐊᒡᓚᖏᑦ 14:45

Juutasi tavvunga tikinnami, Jiisusimut upagutikautigivuq uqarluni, “Raapai!” Kunikpaa.

ᓘᑲᓯᐅᑉ ᐊᒡᓚᖏᑦ 20:22

Uqautilauqtigut piqujavut taaksijaqujivaat Siisarimut? Tunisiqujinngilalluunniit?”

ᓘᑲᓯᐅᑉ ᐊᒡᓚᖏᑦ 23:2

Jiisusimik iqqaqtugaksanguqtitisimajut uqaqput, “Una qaujilauqpavut inuuqatittinnik tammaqsaijuq, iniqtilauqpaatigut Siisarimut taaksiijaqattaqunata, imminik Misaiasiunirarluni angajuqqaarjuanguniralunilu.”

ᔪᐊᓇᓯᐅᑉ ᐊᒡᓚᖏᑦ 7:18

Nalliat pijunnarnituinnarmigut uqallaktuq imminik niqtuqtaujjutiksaminik pinasuaqpuq; nallialli tilijiminik niqtuqtautitsinasuaqtuq sulitsiaqpuq, taassumanilu sagluniqtaqarnani.