ᒫᑎᐅᓯᐅᑉ ᐊᒡᓚᖏᑦ 7:7 - Aglait Ijjurnaittut

⁷ “Tuksiarissi, tunisiviugajaqpusi tavva; qinirissi, nanisigajaqpusi tavva; tiglukturissi matuirujjaugajaqpusi tavva.

ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᑐᒃᓯᐊᕆᑦᓯ, ᑐᓂᓯᕕᐅᒐᔭᕐᐳᓯ ᑕᕝᕙ; ᕿᓂᕆᑦᓯ, ᓇᓂᓯᒐᔭᕐᐳᓯ ᑕᕝᕙ; ᑎᒡᓗᒃᑐᕆᑦᓯ ᒪᑐᐃᕈᑦᔭᐅᒐᔭᕐᐳᓯ ᑕᕝᕙ.

ᒫᑎᐅᓯᐅᑉ ᐊᒡᓚᖏᑦ 7:7 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 18:19

“Suli uqautikkanniqpassi, nunarjuarmi marruulusik angiqatigiikkussik sunatuinnarmik tuksiarutiqarumalusik, tamatuminga tavva tunisiviuniaqpusik Ataatannut qilangmiittumut.

ᒫᑎᐅᓯᐅᑉ ᐊᒡᓚᖏᑦ 21:22

Sunatuinnatsiamiglu tuksiarussi, tavva tunisiviuniaqpusi, ukpirussi.”

ᒫᑎᐅᓯᐅᑉ ᐊᒡᓚᖏᑦ 6:33

Guutiup Ataniuvinga pinasuaqqaaqsiuk, piniaqtauqujanga sivulliutilugu, tavva tamakkuninga tamainnik pijariaqaqtassinnik tunisiviginiaqpaasi.

ᒫᑎᐅᓯᐅᑉ ᐊᒡᓚᖏᑦ 7:11

Piunngittuugaluaqtusi, piujunik tunisijariaksaq qiturngassinnut qaujimagassi; Ataatasili qilangmiittuq piujunik tunisijariaksaq qaujimatsiarniqsauvuq tuksiarvigijiminut.

ᒫᑎᐅᓯᐅᑉ ᐊᒡᓚᖏᑦ 7:8

Tuksiaqtut tamarmik tunisiviugajaqput; qiniqtullu nanisigajaqput; tigluktuqtullu matuirujjaugajaqput.

ᒫᑯᓯᐅᑉ ᐊᒡᓚᖏᑦ 11:24

Taimaimmat uqautivassi, tuksiarussi sunatuinnarmik pijumajaqarlusi, ukpirissi pijumajasi pigassiuk, tavva tunisiviuniaqpusi.

ᓘᑲᓯᐅᑉ ᐊᒡᓚᖏᑦ 13:25

Igluup inuata makilluni matu matukpagu; ilissi tavva silataani nangilirumaaqpusi tiglukturlusi, uqarumaaqpusi, ‘Ataniiq, matuirutitigut,’ taassuma kiujumaaqpaasi, ‘Nakinngaarmangaassi qaujimanngilassi.’

ᓘᑲᓯᐅᑉ ᐊᒡᓚᖏᑦ 18:1

Jiisusiup ilinniaqtini ajjiujumik ajuriqtuqpait, tuksianginnaqataqullugit sapiliqtailiqullugillu.

ᔪᐊᓇᓯᐅᑉ ᐊᒡᓚᖏᑦ 15:16

Nirualaunngilassinnga, nirualauqpassili tilillusilu paurngakariaqtuqullusi paurngaqarnisi kajusiqullugu; sunatuinnarmik Ataata tuksiarvigigussiuk atinni, tunisiniaqpuq ilissinnut.

ᔪᐊᓇᓯᐅᑉ ᐊᒡᓚᖏᑦ 15:7

Uvanniinnginarussi, uqausikkalu ilussinniinginnaqpata, pijumajassinnik sunatuinnamik tuksiarussi, tavva tunisiviuniaqpusi.

ᔪᐊᓇᓯᐅᑉ ᐊᒡᓚᖏᑦ 4:10

Jiisusiup kiuvaa, “Qaujimaguvit Guutiup tunirrutaanik, kinaungmangaallu ilingnut imiqtitaujumajuq, tunisiviujumagajaqputit taassumunga, taassumalu tunisivigigajaqpaatit imirmik inuusiqarnaqtumik.”