ᒫᑎᐅᓯᐅᑉ ᐊᒡᓚᖏᑦ 7:21 - Aglait Ijjurnaittut

²¹ “Uvannik Ataniqarniraqtulimaat Guutiup Ataniuvinganut itirnianngilat, Ataatamali qilangmiittuup pinasuaqtauqujanganik naalaktut kisimi.

ᐊᒡᓔᑦ ᐃᑦᔪᕐᖕᓁᑦᑐᑦ

²¹ “ᐅᕙᓐᓂᒃ ᐊᑕᓂᖃᕐᓂᕋᕐᑐᓕᒫᑦ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕐᓂᐊᓐᖏᓚᑦ, ᐊᑖᑕᒪᓕ ᕿᓚᖕᒦᑦᑑᑉ ᐱᓇᓱᐊᕐᑕᐅᖁᔭᖓᓂᒃ ᓈᓚᒃᑐᑦ ᑭᓯᒥ.

ᒫᑎᐅᓯᐅᑉ ᐊᒡᓚᖏᑦ 7:21 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 12:50

Nalliat Ataatama qilangmiittuup piniaqtauqujanganik pinasuaqtuq, taanna qatanngutigivara, najagillugulu, anaanagivara.”

ᒫᑎᐅᓯᐅᑉ ᐊᒡᓚᖏᑦ 16:17

Jiisusiup uqautiva, “Saimuunii Juanasiup irninga nalaagut uqaqputit! Tamanna qaujititauniit inutuinnarmit pinngilaq, Ataatamali qilangmiittuup tamatuminga tukisitippaatit.

ᒫᑎᐅᓯᐅᑉ ᐊᒡᓚᖏᑦ 18:10

“Qaujilirissi tamakkuakuluit narrugijariaqannginnassiuk; sulillunga uqaqpunga taakkua aingiliqutingita Ataatama qilangmiittuup kiinanga takuinnaqattaqpaat.

ᒫᑎᐅᓯᐅᑉ ᐊᒡᓚᖏᑦ 18:19

“Suli uqautikkanniqpassi, nunarjuarmi marruulusik angiqatigiikkussik sunatuinnarmik tuksiarutiqarumalusik, tamatuminga tavva tunisiviuniaqpusik Ataatannut qilangmiittumut.

ᒫᑎᐅᓯᐅᑉ ᐊᒡᓚᖏᑦ 18:3

uqaqpuq, “Sulijumik uqautivassi, piusissinnik asijjirlusi kisianiuvuq surusikuluktut taimailirlusi, asijjinngikkussi Guutiup Ataniuvinganut itirunnarnianngimmarikpusi.

ᒫᑎᐅᓯᐅᑉ ᐊᒡᓚᖏᑦ 18:35

“Taimaaktauq Ataatama qilangmiittuup piniarvigigajarivaasi ukpiqtuuqatissinnik isumagijunnairviqarnianngikkussi, uummatissinnit pijumik.”

ᒫᑎᐅᓯᐅᑉ ᐊᒡᓚᖏᑦ 19:24

Suli uqautikkanniqpassi; aglaat ajurnannginniqsauvuq kaamili miqqutiup ijingaguurianga, ajuqsanngittuup isirajarninganit Guutiup Ataniuvinganut.”

ᒫᑎᐅᓯᐅᑉ ᐊᒡᓚᖏᑦ 25:10

Arnait silaittut niuviriaqsimaliqtillugit; uiksaq tikippuq, arnait tallimat upalungaiqsimajut katititaujut nirivigjuarvinganut itiqatigivaat; ukkuangat tavva ukkuaqtauvuq.

ᒫᑎᐅᓯᐅᑉ ᐊᒡᓚᖏᑦ 25:21

Angajuqqaangata uqautivaa, ‘Naammagivagit pijiullutit pinasuatsiaqtutit suqusijuittuugavit; kiinaujanik mikijunik suqusijuittuullutit kamatsialauravit, maanna kiinaujanik anginiqsanik kamajinnguqtinniaqpagit; qailutit angajuqqaat quviasuqatigiliruk.’

ᒫᑎᐅᓯᐅᑉ ᐊᒡᓚᖏᑦ 26:39

Tauvunngakkannituinnaqtluni maniqqamut paammagluni tuksiaqpuq, “Ataataak, ajurnanngippat, una imiut uvannit piilauruk! Pijumajaraunngitturli, pijumajailli aturli.”

ᒫᑎᐅᓯᐅᑉ ᐊᒡᓚᖏᑦ 26:42

Suli aippanganik, Jiisusi tuksiariaqtukkanniqpuq uqarluni, “Ataataak, una imiut uvannit piirunnanngippat imirlugu kisianiukpat, pijumajait aturli.”

ᒫᑯᓯᐅᑉ ᐊᒡᓚᖏᑦ 3:35

Nalliat Guutiup pijumajanganik atuqtuq taanna qatanngutigivara, najagillugulu anaanagivara.”

ᒫᑯᓯᐅᑉ ᐊᒡᓚᖏᑦ 9:47

ijivit ajuqtulitippatit, taanna piiruk; ilingnut akauniqsaugajarmat Guutiup Ataniuvinganut itiruvit ijituaqarlutit igluktut ijiqarlutit igitaugajarnirnit saataanasiqarvingmut.

ᓘᑲᓯᐅᑉ ᐊᒡᓚᖏᑦ 11:28

Jiisusi uqaqpuq, “Saimmaqtitausimajumik inuusiqaqpurli Guutiup uqausinginnik tusaqtut malitsiarlugillu!”

ᓘᑲᓯᐅᑉ ᐊᒡᓚᖏᑦ 13:25

Igluup inuata makilluni matu matukpagu; ilissi tavva silataani nangilirumaaqpusi tiglukturlusi, uqarumaaqpusi, ‘Ataniiq, matuirutitigut,’ taassuma kiujumaaqpaasi, ‘Nakinngaarmangaassi qaujimanngilassi.’

ᓘᑲᓯᐅᑉ ᐊᒡᓚᖏᑦ 18:25

Pijariakinniqsauvuq Kaamiliup itirasuarajarninganit miqqutiup ijingagut ajuqsanngittuup itirasuarajarninganit Guutiup Ataniuvinganut.”

ᓘᑲᓯᐅᑉ ᐊᒡᓚᖏᑦ 6:46

“Qanuimmat Ataniiriniraqataqpisinnga uqallusi, ‘Ataniq, Ataniq,’ atuqujanniglu maligasi?

ᔪᐊᓇᓯᐅᑉ ᐊᒡᓚᖏᑦ 14:7

Qaujimagussinnga, Ataataga qaujimagajarivasi; maannali qaujimaliqpasi takusimavasilu.”

ᔪᐊᓇᓯᐅᑉ ᐊᒡᓚᖏᑦ 15:23

Uvannik uumisuktuup Ataatagattauq uumigigivaa.

ᔪᐊᓇᓯᐅᑉ ᐊᒡᓚᖏᑦ 3:5

Jiisusiup kiuvaa, “Sulitsiaqtumik uqautivagit, nutaamik irniangunngittuq imarmut Anirnirmullu Ijjurnaittumut, Guutiup ataniuvinganut itirunnanngilaq.

ᔪᐊᓇᓯᐅᑉ ᐊᒡᓚᖏᑦ 5:17

Jiisusiup kiuvait, “Ataataga taimanngat maannamut pinasuaqpuq, uvangalu pinasuarivunga.”

ᔪᐊᓇᓯᐅᑉ ᐊᒡᓚᖏᑦ 6:40

Tamajja Ataatama pijumajanga, Irninganik takujulimaat ukpilirlutiglu taassumunga inuusirmik nungusuittumik piqaqullugit; uvangalu uummaqtittumaaqpara ulluit kingulliqpaanganni.”

ᔪᐊᓇᓯᐅᑉ ᐊᒡᓚᖏᑦ 7:17

Nalliat Guutiup pijumajanganik pinasuarumajuq, qaujiniaqpuq ajuriqtuijutigijakka Guutimit pingmangaata uvvalu uvannituinnaq uqallangmangaarma.